التفرڭيعة د مراكش 2011

مقال فيه عيون مامقادينش مزيان. هاد لمقال فيه عيون، ولاكين مامكتوبينش بشكل مقادّ، متلاً يقدرو يكونو مدخّلين على شكل ليستة ف اللخر د لمقال، ولّا مامخدمينش لموضيلات لمعمول بيها ف ويكيپيديا. عافاك عاون بالزيادة ديال لإحالة ل لعيون ف لموضع لمناسب، و خدّم لكوضاج لمعمول بيه. تقدر تشوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

التفرڭيعة د مراكش 2011
معلومات عامة
نوع د لهجمة	عبوة ناسفة
لبلاد	لمغريب
لموضع	مراكش
تّاريخ	28 أبريل 2011
عاداد ضّحايا	17
عاداد لمجروحين	25
لأهداف	جامع لفنا
لخريطة

التفرڭيعة د مراكش 2011 كانت عملية إرهابية لي طرات ف 28 أبريل 2011 ف مراكش، و لي مكنين عليها تفرڭيع ديال أرڭانا، حيت طرات ف فقهوة أرڭانا لي جات ف جامع الفنا فمراكش، و لي قتلات 17 واحد و جرحات 20 واحد خرين و كانو من جنسيات مختالفة.

العملية الإرهابية

فلبدية ديال ماي، جماعة القاعدة فالمغرب لإسلامي خرّجات بلاغ كتقول بلي ماعندها حتا علاقة بهاد الهجمة:

"كاننفيو أية صلة معا هاد التفرڭيع، و معندنا حتا دخل فهاد العملية. ولكن كاناكدو بلي من الأولويات ديالنا هيا نحاربو ليهود والصليبيين و نهاجمو المصالح ديالهم، ولكن كانختارو البلاصة و الوقت المناسبين باش مانقيصوش مصلحة الأمة وداكشي لي كاتدير باش تحرر"

السيمانة لي وراها، وزارة الداخلية د لمغريب شدات بزاف ديال المشتبه فيهم عندهم علاقة معا القاعدة. 28 أكتوبر 2011، المشتبه به الرئيسي تحكم عليه بالإعدام و هاداك لي كان كيعاونو تحكم عليه بالمؤبد. من بين هادوك 7 لخرين، 4 تضربو ب 4 سنين ديال الحبس و 3 لخرين ب عامين.

المغرب عمرو وقع فيه شي عمل إرهابي قتل الناس من ماي 2003 فتفرڭيعات ديال كازا لي قتلو 41 واحد.

الجنسية	الموتى
فرانصا	8
مغريب	2
سويسرا	2
كانادا	2
برطقيز	1
هولاندا	1
المملكة المتحدة	1
فلمجموع	17

كيفاش العالم تفاعل معا هادشي

• دزاير : الدزاير دانت بهاد الهجوم الإرهابي لي ستهدف أرڭانة، و قالت عليه جبان، و قالت فبيان ديال الناطق الرسمي بسميت وزارة الخارجية الجزائرية بلي هادشي لي دارو مانقدرو غير ندينوه بأشد العبارات واحد الإدانة لا رجوع عليها.
• ميريكان : وزيرة الخارجية هيلاري كلينطون تاهيا دانت ب أشد العبارات هاد العمل الارهابي لي قتل و جرح ناس مادارو والو و أبرياء و عبرات علا التعاطف ديالها معا الضحايا ديال الهجوم الجبان لي تدار، و قالت بلي ماخاسش نتسامحو معا هاد الأعمال فينما كانو.
• فرانسا : الرئيس ديال فرانصا ديك الوقيتة، نيكولا ساركوزي دان هاد العمل لي قال عليه جبان و بدون رحمة لي قتل ناس أبرياء، لي كان من بينهم فرانصاويين. وزير الداخلية ديك الوقيتة كلود ڭيان قال بلي ماكين حتا حاجا كاتخلينا نضنو بلي فرانسا كانت هي الهدف ديال هاد الهجمة، و قال بلي  هاديك القهوة معروف عليها ديال توريست، إدن راه كان حتمال كبير فرانصاويين يموتو حيت كيمشيو بزاف ل مراكش.
• الطاليان: الطاليان دانت بأشد العبارات التفرڭيع لي وقع فمراكش، و عبرات علا التعاطف ديالها معا المغرب مورا هاد الحادث المروع.
• لأمم لمتحدة: مجلس الأمن دان بأشد العبارات هاد الهجوم الإرهابي و أكد مرة خرة بلي الإرهاب بجميع شكالو كيتعتابر من أكبر التهديدات ديال السلام و الأمن للدول. الأمين العام ديك الوقيتة بان كي مون قال بلي الهجوم أثر عليه بزاف.
• هيومن رايتس ووتش (منظمة لاحكومية): وصفات هاد المنظمة بلي الهجوم هو هجوم علا ابسط حقوق الإنسان فالمغريب، قالت مديرة ديال القسم الشرق الأوسط و شمال إفريقيا، سارة ليا ويتسن بلي "تفرڭيع ديال قهوة فمراكش كان نتيهاك معندو حتا سباب ولا مبرر" و قات للسلطات ديال المغريب باش مايعذبوش المشتبه بيهم باش مايخسروش دوك الإصلاحات الديقراطية لي كان لمغريب دار ديك لوقيتة. و قالت حتا بلي المنظمة ماعاجبهاش الحال علا شنو كان كيدير المخزن باش يقمع و يحارب هادوك الجماعات الإرهابية الإسلامية مورا التفرڭيعات ديال كازا ف 2003.

عيون الكلام

1. AFP, « Marrakech : Aqmi nie toute implication [archive] », lefigaro.fr, 7 mai 2011.
2. ↑ Badra Berrissoule, « Attentat de Marrakech : Deux heures pour faire exploser l'Argana [archive] », sur L'Économiste, no 3528, 12 mai 2011.
3. ↑ AFP, « Attentat de Marrakech : le principal accusé condamné à la peine de mort [archive] », Lemonde.fr, 28 octobre 2011.
4. ↑ "L'Algérie condamne avec la plus grande fermeté le lâche attentat de Marrakech" [archive], map.ma
5. ↑ (en) "Terrorist Attack in Marrakech, Morocco" [archive], state.gov
6. ↑ "Attentat terroriste à Marrakech" [archive], elysee.fr
7. ↑ Guéant: "La France ne baissera pas la garde" [archive], lejdd.fr
8. ↑ "L'Italie condamne fermement l'explosion criminelle de Marrakech" [archive], map.ma
9. ↑ "Déclaration à la presse du conseil de sécurité sur l'attentat terroriste perpétré à Marrakech, au Maroc" [archive]un.org
10. ↑ "Aucune cause ne justifie l'usage de la violence aveugle contre des civils innocents, déclare Ban Ki-Moon en condamnant l'attentat commis à Marrakech, au Maroc" [archive], un.org, le 29 avril 2011
11. ↑ "Maroc : Abject attentat à Marrakech" [archive], hrw.org

مزاود

• L'incroyable histoire du terroriste de Marrakech [archive] lefigaro.fr, le 7 mai 2011.
• Attentat de Marrakech : "la théorie du complot est plausible" [archive] lemondedesreligions.fr, le 29 avril 2011.