إناس لقلالش
إناس لقلالش
| ||
 | ||
| معلومات عامة | ||
| زيادة | 30 أكتوبر 1997 (28 عام) الدار البيضا | |
| لجنسية | لمغريب | |
| لحرفة | لعابة د لڭولف | |
| رياضة | ||
| رياضة | ڭولف | |
   | ||
إناس لقلالش (تولدات 30 أكتوبر 1997) هي لعابة د لݣولف محتارفة مغريبية كاتلعب ف لجولة لؤروپية د لعيالات و لجولة د لجمعية لعيالات لمحتارفات د لݣولف. ربحات بوطولة لاكوسط لمحلولة د لعيالات 2022 ف عامها لّول معا لمحتارفات، ؤ ولات أول مرا مغريبية و عربية وشمال أفريقية كاتربح بوطولة ف لجولة لؤروپية د لعيالات.[1][2]
تولدات لقلالش ف 1997 إما ف واشينطون ف ميريكان[3] ولا ف دارلبيضا ف لمغريب[4]، و بدات كاتلعب لݣولف ملي كانت عندها 10 سنين.[5] ورا ليها باها هاد لعبة ف رويال ݣولف د أنفا ف كازا.[6] لتاحقات لقلالش ب لمونتخاب لوطني لمغريبي ف طناش لعام، ؤ متلات بلادها بزاف د لمرات ف بوطولة أفريقيا، لبوطولة لعربية، ف بوطولة لعالم د لعيالات هواة، كاس إسپيريطو سانطو ف 2016 و 2018.[7]
مورما خدات لباك لفرانساوي ف 2015 من ليسي ليوطي، مشات لقلالش ل جاميعة ويك فورست ؤ لعبات معا فرقة د لݣولف د لعيالات ديمون ديكونز ف 2015-16.[8]
ف 2019، دارت لقلالش جوج د لبديات ف سلسلة جولة لؤروپية د لعيالات أكسيس ؤ تكلاصات تانية ف لبوطولة لمحلولة بيلفيوس د لعيالات. ف أول بوطولة ليها جابت ل كات (cut) ف بوطولة أرامكو سعودية دولية د لعيالات 2020.[7]
ولات لقلالش محتارفة مورما تكلاصات خمسطاش ف لمدراسة تأهيلية د لجولة لؤروپية د لعيالات ف لا مانݣا ف دجنبر 2021، ؤ تأهلات باش تلعب لجولة لؤروپية د لعيالات 2022.[7]
ف لموسم ديالها لول، سالات لقلالش ف طوپ 10 ف بوطولة مدريد لمحلولة د لعيالات، بوطولة ميترا لبلجيكية لمحلولة د لعيالات، أموندي جيرمان ماسترز وبوطولة سكافتو لمحلولة، قبل ما تحقق ربح ديالها لول ف بوطولة لاكوسط لمحلولة د لعيالات ف فرانصا، مورما ربحات ميݣان ماكلارين ف لجولة لولة د لپلاي ؤف.[9]
- هواة[10]
- بطولة السيدات العربية 2018
- بطولة المغرب 2019
- جايزة لكبيرة د لمحمدية 2020
- حتيرافي
| نمرة | تاريخ | بوطولة | نتيجة د رباح | ل پار | هامش د رباح | تاني |
|---|---|---|---|---|---|---|
| 1 | 17 شتنبر 2022 | لاكوسط لمحلولة د لعيالات د فرانصا | 65-66-68=199 | −14 | پلاي ؤف | ميݣان ماكلارين |
- ↑ "Ines Laklalech: Golfing history 'priceless' for Moroccan". BBC Sport. Retrieved 27 شتنبر 2022.
- ↑ "Ines Laklalech makes history with Ladies Open de France win". CNN. Retrieved 27 شتنبر 2022.
- ↑ "Ines Laklalech". ladieseuropeantour.com. Retrieved 2024-04-28.
- ↑ "Ines Laklalech". Site Web Officiel de la FRMG (ب الفرنسية). Retrieved 2024-04-28.
- ↑ Yassine, Mostafa (2022-09-23). "Golf: Inès Laklalech, une championne en or". L'Opinion (ب الفرنسية). Retrieved 2022-09-28.
- ↑ Labtar, Salma. "Portrait: Inès Laklalech, une étoile montante qui illumine le golf national". L'opinion des jeunes (ب الفرنسية). Retrieved 2022-09-28.
- 1 2 3 "Player Profile Ines Laklalech". Ladies European Tour. Retrieved 27 شتنبر 2022.
- ↑ "Women's Golf Roster: Ines Laklalech". Wake Forest University Athletics. Retrieved 27 شتنبر 2022.
- ↑ "Laklalech Becomes First Arab Woman To Win Let Title". Ladies European Tour. Retrieved 27 شتنبر 2022.
- ↑ "Ines Laklalech Player Profile". World Amateur Golf Ranking. Retrieved 27 شتنبر 2022.
- إناس لقلالش ف سيت ديال لجولة لؤروپية د لعيالات
- إناس لقلالش ف سيت ديال ترتيب لعالمي د لݣولف د لعيالات