ڭولف
ڭولف
| ||
| ||
| نوع ديال | رياضة د كورة، sport with racquet/stick/club و رياضة أولمپية | |
| التسيير | الاتحاد الدولي للغولف | |
| بانت ف | سكوطلاندا | |
| اللي كايقصّر | ||
| باش كاتقصّر | ||
| الرمز لأولمپي | ||
| ||
ڭولف كايتكنّى بالرياضة تاع لمضبرين هي واحد رياضة لي كيمارسوها لعايبية في لهوا على برا فلبلايص لمفتوحة وكتحتاج لمساحات واسعة بزاف ديال لڭازون لي كتكَوّْن من لبلايص لعالية ولحفاري ضْويقة ولمجاري ديال لما (بحال ضايات ولويدان). لعبار ديال تيران تاع لڭولف كيكون بين 3 و7 ديال لكيلوميطر فطول على حساب لعدد ديال لحفاري لي كتكون غالبا بين 9 و 18 لحفرة، وخاص تشد كورة صغيورة ودخلها فيهم غير بلاستيعمال ديال واحد لعصية كتسمى لميڭارا. وكتعتابر سكوطلاندا هي لبلاد ديال الزيادة دهاد رياضة حيت هي أول بلاد كتاشفات هاد لوعبة.[1][2]
باش تضرب لكورة ديال لڭولف لازم تستعمل واحد لعصية لي سميتها لميڭارا ولي منها بزاف ديال لانواع ولأحجام، كل وحدة ولموهمة ديالها حسب النوع ديال الضربة واش طويلة ولا قصيرة وحتا الطريق واش مسرحة ولا عالية لا هابطة، وحتا لحفرة واش بعيدة ولا قريبة ولا قريبة بزاف. لعايبي فاش كيضرب لكورة، خاصو يدخلها فلحفرة، وايلا مقدرش يدخلها من لمرة لولة، كيمشي لبلاصة لي حبسات فيها لكورة، وكيعاود يضربها مرة اوخرة ثانية وثالثة وهكا حتا يقدر يدخلها فوسط لحفرة، وهاد لحفرة فلغالب كيكون حداها درابو صغيور فشي لون باش يقدر لعايبي يميز بلاصتها من لبعيد.
لحجم ديال لكورة دلڭولف كيكون صغير بزاف، ولون ديالها كيكون فلبيض ولحمر، وكتكون مصنوعة من لاستيك لقاصح. وكتعتابر سكوطلاندا هي لموطن لأصلي ولبلاصة لولة لي تزادت فيها هاد رياضة، قبل ما تبدا تنتاشر فلعالم فلقرن تمنطاش وتما فين تأسس أول كلوب لهاد رياضة فلعالم. وفلميريكان ليوم كاين كتر من 16 ألف تيران ديال لڭولف، وكثر من 2300 تيران فالنڭليز، وهادشي حسب لإحصائيات ديال 2023.[3] وكاين بزاف ديال طورنوات لي كتدار فلعالم ديال لڭولف كول عام، ولمشهورة فيهم هي طورنوا ديال نڭليز لمفتوحة، وطورنوات ديال وتايتلز. وكيتعتابر لميريكاني تايجر وودز أحسن لعايبي فهاد لوعبة وهو لي كيتصدر لكلاصمة ديال لعايبية دلڭولف ليوم فلفئة ديال الرجال.
كيتوفر لمغريب على كتر من 40 تيران ديال لڭولف لي منتاشرة فجميع لجهات ديال لمملكة من طنجا حتا لڭويرة، وهي تيرانات كبيرة وراقية بزاف وتصايبات على ليد ديال مهندسين كبار وعالميين، زيادة على لمناظر الساحرة لي كيمتلكها لمغريب ولجو لمعتادل ولمناخ لمناسب لي كيتوفر عليه لمغريب، هادشي كولو كيخلي من لمغريب أحسن وجهة لعشاق هاد الرياضة فلعالم. وكيتعتابر تيران ديال لڭولف الملكي دار السلام لي كيتواجد فالرباط، ولي صممو لمهندس روبرت ترينت جونز، أحسن تيران وكلوب دلڭولف فلمملكة، ومن أفخم التيرانات دلڭولف فإفريقيا وحتا فلعالم.[4]
- ^ "How many Golf Holes are there in the World? Answer 576,534". Archived from the original on 2018-06-27. تطّالع عليه ب تاريخ 2024-07-29.CS1 maint: unfit url (link)
- ^ "History of Golf".
- ^ "الجولف رياضة الأثرياء.. أكثر دول العالم امتلاكًا للملاعب".
- ^ "فين كايتلعب لڭولف ؟". الجامعة الملكية المغربية للجولف - FRMG.
|
تقدر تزيد شوف بزاف د تّصاور و لمعلومات ديال Golf ف ويكيميديا كومنز. |