ؤپتيسيان
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
| ؤپتيسيان | |
|---|---|
 | |
| مهنة، اشتغال، ausbildungsberuf | |
| كلاص فرعية ديال | eye care professional، محل، dispensing opticians  |
| كيبيع ف لعادة | نضاضر، لونتي لاصقة |
لؤپتيسيان ولا ختصاصي د نضاضر هو لي تيصاوب الجاج ديال النضاضر و تيقاد ليها لعبار على حساب شحال تيشوف لمريض، عادةً بعدما كيكون لمريض دوّز و خدا ورقة من عند طبيب لعيون (ؤفطالمولوݣ).[1] كاينين ختصاصيين لي تتكون عندهم رخصة باش يصححو لعيوب تجميلية و يصاوبو لونتيات (عدسات) تيتركبو بلا نضاضر تنسميوهم عينين صطناعيين.
لختصاصيين ف نضاضر تيقدرو يخدمو ف بلايص مختالفة فحال الصبيطارات، المختبرات، و مراكز العيون ولا حوانت مخصصة ل بيع د النضاضر. ضروري باش المختصين ديما يديرو دورات تدريبية، و يكون عندهم تأمين على المسؤولية المهنية، و يكونو تيحتارمو القوانين. المعايير لي تتحطها ليهم الجهات المسؤولة و الهيئات لي تتنظم الخدمة ف لمجال ديال النضاضر طبية.
لختيصاصي ف مجال النضاضر هو لي يقدر يحدد شنو النوع ديال الجاج ولا لكادر لي كايجي معا لواحد، بحكم لقراية و لختيصاص ديالو. تتكون عندو خبرة و تجربة تتسمح ليه باش يصاوب نضاضر لي غادي يكون لواحد مرتاح فيهم و يولي الشوفان عندو واضح كتر.
لوپتيسيان تيقدر يصاوب نضاضر طبية، و حتا نضاضر ديال الشمش و حتا لعدسات اللاصقة، و عندو حتا لإمكانية باش ياخد لعبار ديال لمستوى ديال الشوف.
تعرف مجال النضاضر لمرة اللولة سنة 1352، مني رسم طوماس دا مودينا أول طابلو فيه واحد الخوت تيقراو شي مخطوطات، واحد فيهم كان هاز جاجة مكبرة و لاخر معلقها ف نيفو. مني دار طوماس هاد البلان جميع الرساما لخرين ولاو تيديرو نظاظر على النيوف ديال الناس لي تيرسمو حيت كانو النظاظر ف ذاك الوقت تيعبرو على الحكمة و المعرفة.
و من بعد ف لقرن خمسطاش غادي يبانو نضاضر قاع لكاس (العدسات المقعرة) لي غادي يكون تيديرهم لبابا ليو لعاشر مني تيمشي يصيد و غادي يݣول ليهم بلي ولا تيشوف حسن من صحابو لي معاه.
- ↑ Bureau of Labor Statistics, U.S. Department of Labor, Occupational Outlook Handbook, Opticians, at https://www.bls.gov/ooh/healthcare/opticians-dispensing.htm (visited February 23, 2023)
