نضاضر
تصويرة د نضاضر د الشوف.
النضاضر ولا لمضاضر ولا النواضر هما واحد أداة تاتعاون باش تعوّض لعيوب د الشوف ولا تاتحمي لعينين.[1] النضاضر فيهم واحد الإطار تاتلصّق فيه عدسات تصحيحية ولا واقية و تيلصق على النيف و الودنين بجوج (80٪ من التقل ديال النظاظر محطوط على النيف).
العدسات التصحيحية تيتحطّو على كادر تيكون فوق النيف. الكادر فيه جوج وجوه و جوج يدين. لوجه فيه جوج دوارات و قنطرة فيها لوحات تنسميوها حتى هيا النيف ديال النضاضر. ليدين، اللي كيتحطّو على لودنين، تيخليو النضاضر زاڭيين ف بلاصتهم. ليدين فيهم تا بزاكرات باش يقدرو يتطواو. من اللور فيهم واحد الجزء مطوي باش يحمي الجلدة ديال لودنين.
لكادر د النضاضر يقدر يكون مصنوع من بزاف د لمواد بحال لحديد، لفضة، النيكل، النحاس، لپلاستيك أولا مواد طبيعية بحال لكرون[ماواضحش] أولا الصدفة[ماواضحش]. كاينين بزاف د لأنواع د لكادرات، و جوج أنواع ديال تركيب العدسة:
- يا إما كادر كلاسيكي تتكون فيه الجاجة ضايرة كاملة و ضاير عليها الكادر
- أولا لكادرات لمثقوبة "بلا إطار": تيكونو الودنين ديال لكادر لاصقين نيشان ف الجاجة.
النضاضر هما أحسن وسيلة باش تيتحماو لعينين. لأخصائيين ديالهم هوما اللي يقدرو يعرف شمن نوع ديال النضاضر تيصلاحو لكل واحد. من لأنواع د النضاضر اللي كاينة كانلقاو:
- نضاضر ديال لقرب - هما نضاضر اللي جاجة ديالهم مخصصة للناس لي عندهم ضعف ف الشوف و لي ماتيقدروش يشوفو لحاجة لي قريبة ليهم.
- نضاضر ديال لبعد - هما نضاضر اللي جاجة ديالهم مخصصة للناس لي عندهم تشتت ف الشوفان و ماتيقدروش يشوفو ف لبعد.
- نضاضر ديال الحماية - هما نضاضر اللي الجاجة ديالهم مخصصة للناس لي تاتخدّم بزاف لأجهزة بحال لورديناتور و السمارتفون، و تا للناس اللي ماتاتقدرش تصوݣ ف الليل.
- ↑ "eyeglasses". تطّالع عليه ب تاريخ 2025-08-31.