أنطونيو ݣرامشي

أنطونيو ݣرامشي
معلومات عامة
زيادة	22 يناير 1891 أليس
لموت	27 أبريل 1937 (46 عام) روما
طريقة دلموت	موتة طبيعية
سباب لموت	نزيف ف لمخ
لجنسية	مملكة إيطاليا
لحرفة	فيلسوف، سياسي، صحافي، كاتب، إيكونوميست، ناقد أدابي، توارخي، صوسيولوڭ، صحافي د الرأي و ناقد مسرحي
لّوغات لي كيعرف	طاليانية و سردينية
لفاميلة
شريك	Julia Schucht
معلومات خرى
دين	إلحاد
لحيزب	الحزب الشيوعي الإيطالي
لأعمال	(1948) دفاتر السجن
تأتر ب	ڭيورڭ ڤيلهيلم فريدريش هيڭل، كارل ماركس، بينيدتو كروتشه، Francesco de Sanctis، جيوفاني جنتيلي، نيكولو مكياڤيلي، فريدريك إنجلز، ڤلاديمير لينين، جورج سيرويل، Antonio Labriola، أماديو بورديجا، فيلفريدو باريتو و جايتانو موسكا
لجوايز	(1947)  جائزة فياريدجو

أنطونيو فرانشيسكو ݣرامشي (بالطاليانية: Antonio Francesco Gramsci ) (تولد ف 22 يناير 1891 ف سردينيا - مات ف 27 أبريل 1937 ف روما) كان فيلسوف ومناضل وكاتب ماركسي طالياني، وكانت عندو آراء سياسية د الشيوعية. ݣرامشي كان كيعارض النظام لفاشي اللي كان ديك الساعة فالطاليان، و اللي كان تيحكمو بينيطو موسوليني. ف 1921، كان من لمؤسسين ديال لحزب الشيوعي الطالياني، و ف 1924 ولاً هو الرئيس ديالو وتنتاخب فلبرلمان الطًالياني.

ف 9 نونبر 1926 تعتاقل بأمر مباشر من موسوليني واخا كانت عندو لحصانة لبرلمانية, وتحكم عليه ب 20 عام دلحبس. مورا 11 لعام, ف 1937، غادي يموت فلحبس حيث جاوه بزاف د لأمراض وماتعطاهش لإهتمام اللي خاص باش يتداوا. مات ݣرامشي وفعمرو 46 عام وتدفن الرماد ديالو فروما، لعاصمة د الطاليان.

ݣرامشي كتب فحياتو كتر من 30 كتيب, وأشهر واحد فيها سميتو الدفاتر د لحبس (بالطاليانية: Quaderni del carcere ) واللي هضر فيه على بزاف د لمسائل بحال تاريخ الطاليان ولمفهوم د الوطنية و لهيمنة التقافية وبزاف د لأفكار لماركسية. من أهم لأفكار اللي جاب ݣرامشي هي لفكرة ديال كيفاش لحكًام الرأسماليين كيسيطرو على التقافة باش يقدرو يبقاو محافضين على لحكم ديالهم.

مصادر

ويكيميديا كومنز عندا تصاور و معلومات على أنطونيو ݣرامشي.

هادي زريعة ديال مقالة خاصها تّوسع. تقدر تشارك ف لكتبة ديالها.