أندورا

	أندورا
نشيد	إل ڭران كارلماني
لعاصيمة	أندورا لقديمة
	الساكينة
شحال دالسكان	78,151 (2021)
اللوغات الرسمية	لكاطالانية
	لجغرافيا
لميساحة	468 كم²
لقمة لعالية	كوما پيدروسا (2,942 م)
لبلاصة الطايحة	ڭران ڤاليرا (840 م)
	تاريخ
أعياد	راس لعام (1 يناير); نهار الدستور (14 مارس); نهار ميريتشيل (8 شتنبر); عيد لميلاد (25 دجنبر)
	لإدارة
نضام الدولة	إمارة مقاسمة و برلمانية
لأمير لفرانساوي; لأمير د لكنيسة	خوان إنريك ڤيڤيس; إمانويل ماكخون
لوزير اللّول د أندورا	شابيير إسپوت سامورا
لبرلمان	لمجلس لعام د أندورا
	لقتيصاد
مؤشر التنمية لبشرية	0.858 (2021)
لفلوس	أورو
	معلومات خرة
توقيت ديال لبلاد	التوقيت د وسط أوروپا; أوروپا/أندورا
رمز لبلاد	AD
رمز لانترنيت	.ad
رمز التيليفون	+376
نماري د ليرجونس	112، 110، 116 و 118
جيهة د صوڭان	ليمن
السيت الرسمي	govern.ad

أندورا، ولا رسميا إمارة أندورا (بلكاطالانية: Principat d'Andorra)، هي بلاد ماعندهاش بحر جات ف جبال لپيريني ف لجنوب لغربي د أوروپا مابين فرانسا و صبانيا اللي حادينها بجوج. عايش فيها تقريبان فيها 80 ألف واحد و لعاصمة ديالها هي أندورا لقديمة. كايحكمها مقيم عام صبليوني و رئيس ديال فرانسا، و لحوكومة هي ديموقراطية برلمانية.^[1]

أندورا هي دولة لاباس عليها بسباب سياحة أساسا؛ كايزورها سنويا 10.2 مليون سائح.

أندورا ماداخلاش فلإتحاد لأوروبي، و واخا هاكاك كاتخدم لأورو.^[2]

لوغة رسمية هي لكاطالانية و فنفس لوقت كاتستعمل صبليونية، لفرانساوية، و لبرتغالية.

رياضة[بدل | بدل لكود]

أندورا معروفة برياضات ديال شتوة، عندها أراضي كبيرة ديال هبطات د سكي ف جبال لپيريني (3100 هكتار و350 كلم ديال لهبطات) و جوج ديال محطات د سكي، ݣراندڤاليرا هو أكبر واحد منهم و لي مشهور كتر. رياضات خرين كيتعلبو فأندورا بحال لكورة، ريݣبي، لباسكيط، ولهوكي بجراير.

بنسبة لهوكي بجراير، أندورا موالفة تلعب فلبوطولة د ؤروپا وكاس لعالم. فـ2011، نضمات أندورا لفاينال أيت د بوطولة د ؤروپا د لفراقي.

ف كورة لبلاد ممتلة ب لمونتاخاب د أندورا د كورة. لفرقة ربحات أول ماتش رسمي ديالها ف 13 أكتوبر 2004 ضد مقدونيا فتصفيات د كاس لعالام، و أول ماتش ربحاتو ف تصفيات د كاس ؤروپا كان ف 11 أكتوبر 2019 ضد مولدوڤا.^[3] لكورة ف أندورا مكلفة بيها لجاميعة لأندورية د كورة لي تأسسات ف 1994، لي كاتنضم لمسابقات د كورة (پريميرا ديڤيزيون، كاس دوستور، و سوپيركوپا) و لفوتصال. أندورا دخلات ليويفا ولفيفا ف نفس لعام، ف 1996. إف سي أندورا، لي كاين ف أندورا لقديمة وتأسس ف 1942، كيلعب ف شومپيونات د صبانيا.

ريݣبي هي رياضة شعبية ف أندورا، حيت مأترة بزاف بشعبية ديالها ف لجنوب د فرانصا. لمونتاخاب د أندورا د ريݣبي، لي مسميين عليه إلس إزاردس، كيشارك ف نيڤو دولي ف ريݣبي د سبعة وريݣبي د خمسطاس.^[4] ڤي پي سي أندورا 15، لي هي فرقة د ريݣبي ف أندورا لقديمة، كاتلعب ف لبوطولة د فرانصا.

شعبية ديال لباسكيط طلعات ف أندورا ف تسعينات، ملي فرقة من أندورا بي سي أندورا طلعات لقيسم لول د صبانيا.^[5] مور 18 لعام لفرقة عاود رجعات لنفس نيڤو ف 2014.^[6]

رياضات خرين كيتلعبو ف أندورا، بحال پيكالات، لڤولي، جودو، لكورة د ؤسطراليا، لهوند، لعومان، جيمناستيك، تينيس، و لماطر. ف 2012، أندورا قادات أول فرقة ديالها د لكريكيت ولعبات ماتش ف بلادها ضد فرقة من هولاندا، لي هو أول ماتش ملعوب ف تاريخ أندورا ف علو ديال 1300 ميترو.^[7]

أندورا شاركات لمرة لولا ف لعاب لؤلمپية ف 1976، من داك لعام ولبلاد ديما مشارك ف لعاب لؤلمپية د شتوة. أندورا كاتشارك حتا ف لعاب ديال لبلدان صغار د ؤروپا، لي نضماتهم جوج د لمرات ف 1991 و 2005.