ألفريد راسل والاس
ألفريد راسل والاس (مزيود ف 8 يناير 1823، توفّى 7 نونبر 1913) عالم ديال الطبيعيات، موستكشيف، جغرافي، أنطروپولوجي، بيولوجيست و رسام نڭليزي.[1][2] معروف كتيرشي حيت كتاشف نضرية التطور ب النتيخاب الطبيعي بشكل مستاقل. لورقة د لبحت لي نشرها ف 1858، معا أبحات أولية ديال داروين، خلات داروين يتخلّا على لمشروع ديالو د "لكتاب لكبير د لأنواع"، و يزرب ف نشر النتايج لي ديجا وصل ليها ف كتاب على أصل النواع ف 1859.[3]
والاس دار أبحات ميدانية، بدايةً من حوض واد لأمازون، و موراها ف أرخبيل لمالاي (لي دابا كاينين فيه أندونيسيا، ماليزيا، بروناي و بلدان خرين). والاس دار تماك لإكتشاف لي تسمى ب سميتو، و لي هوّ خط والاس ف ڭزاير لمالاي، لي كيفصل مابين لكائنات لي عندها أصل أسياوي و جاو ف لغرب، و لي عندها أصل أسطرولاسيوي ف الشرق. و كيتّعتابر أهم حرايفي د لقرن 19 و عند شي بعضين تا لأب الروحي ف لمجال ديال التوزيع الجغرافي د لكائنات لحية لي كيتسمى لبيوجغرافيا.[4]
ف 1904، والاس كتب وحدة من لمحاولات اللولة الجادة ل طرح سؤال على وجود حياة ف كواكب خرة ف كتابو "لبلاصة د بنادم ف لكون" Man's Place in the Universe، و كان من اللولين لي طرحو لإمكانية د وجود لحياة ف لمريخ.
والاس كان تا ناشط جتيماعي، و ناضل ضد ما عتابرو نضام جتيماعي و قتيصادي ضالم ف بريطانيا ف لوقت ديالو. كان أيضا من لعولاما اللولين لي هضرو على تأتير لأنشطة د بنادم على لبيئة.
- ↑ Smith, Charles H. "Responses to Questions Frequently Asked About Alfred Russel Wallace". The Alfred Russel Wallace Page. Archived from the original on 2023-03-27. Retrieved 25 ماي 2022.
- ↑ Wallace, Alfred Russel (1905). My Life: A Record of Events and Opinions. Wellcome Library. London: Chapman & Hall, Ld. p. 34.
I was the only Englishman who had lived some months alone in that country....
- ↑ Darwin & Wallace 1858.
- ↑ Smith, Charles H. "Alfred Russel Wallace: Evolution of an Evolutionist Introduction". The Alfred Russel Wallace Page. Archived from the original on 2023-03-27. Retrieved 25 ماي 2022.
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
