أحمد رضا بنشمسي
أحمد رضا بنشمسي
| ||
 | ||
| معلومات عامة | ||
| زيادة | 19 ماي 1974 (51 عام) الدار البيضا | |
| لجنسية | لمغريب الولايات المتاحدة د ميريكان | |
| لحرفة | صحافي و كاتب | |
| لّوغات لي كيعرف | لفرانساوية، الداريجة لمغريبية، عربية و نڭليزية | |
| لفاميلة | ||
| شريك | مريم العلوي | |
| لمحيط | دريس لعلوي مدغري (بات لمرا) | |
| سّيت رّسمي | http://ahmedbenchemsi.com/ | |
   | ||
أحمد رضا بنشمسي (تولد ف 19 ماي 1974 ف الدار لبيضا) هو صحافي وباحث مغريبي. تيخدم دابا مدير ديال لمرافعة و التواصل د شمال إفريقيا و الشرق لأوسط ف لمنظمة د حقوق لإنسان "هيومان رايتس ووتش".[1]
بنشمسي معروف حيث كان هو لمؤسس ولمدير د النشر د جوج د لأسبوعيات مغريبية لي هوما: تيلكيل (ب لفرانساوية TelQuel) و نيشان (لي كانت ب دّاريجة).
تولد أحمد بنشمسي فالدار لبيضا ف 1974 و قرا فيها تا خدا لباك. من بعد مشا ل رّباط وقرا ف لجامعة ديالها (جاميعة محمد لخاميس) وموراها مشا ل فرانسا. خدا لإجازة فليقتيصاد ف 1995 من السوربون، و ماسطر على لعالم لعربي و لإسلامي من صيونص پو ف 1998.
بدا لخدمة فالصحافة من 1996، وشارك معا لاڤي إكو (La Vie Éco) و جون أفريك (Jeune Afrique) وكتب فيهم بزاف د لمقالات.[2]
ف 2001، غادي يكون من لمؤسسين ديال لمجلة لأسبوعية ديال طيل كيل، وبقا الرئيس د التحرير ديالها تال 2010، ملي مشا للميركيان باش يخدم باحت سياسي ف لجامعة د سطانفورد.
ف 2015، بدا بنشمسي خدمة جديدة معا منظمة حقوق لإنسان "هيومان رايتس ووتش", و لي عيناتو مدير ديال لمرافعة و التواصل د شمال إفريقيا و الشرق لأوسط.[3]
بنشمسي ربح واحد لعدد د لجوائز ف لمسيرة ديالو، منها:
- جايزة ليتيحاد لؤروپي ل أفضل صحفي ستقصائي ف لعالم لعربي (جايزة لورينزو ناطالي - جوج مرات - 2004 - 2005)[4]
- جايزة سمير قصير د حرية الصحافة (2007)[5]
- ↑ "أحمد بن شمسي - هيومان رايتس ووتش". Archived from the original on 2020-08-09. Retrieved 2020-05-13.
- ↑ "Historical Dictionary of Morocco". Archived from the original on 2020-07-20. Retrieved 2020-05-13.
- ↑ "أحمد بنشمسي تعين مدير ديال لمرافعة والتواصل د شمال إفريقيا و الشرق لأوسط ف "هيومان رايتس ووتش" (بلفرانساوية)". Archived from the original on 2022-09-28. Retrieved 2020-05-13.
- ↑ ""حرية الصحافة تتقدم بالفعل في المغرب"". Archived from the original on 2016-08-11. Retrieved 2020-05-13.
- ↑ "الناس اللي ربحو جائزة سمير قصير د حرية الصحافة". Archived from the original on 2023-06-06. Retrieved 2020-05-13.
 |
ويكيميديا كومنز عندا تصاور و معلومات على أحمد رضا بنشمسي. |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |