پاكيستان
پاكيستان
| ||||
|
پاکستان (ur)
| ||||
| نشيد | النشيد لوطني د پاكيستان
| |||
| شيعار | «إيمان، اتحاد، نظم» | |||
| لعاصيمة | إسلاماباد | |||
| الساكينة | ||||
| شحال دالسكان | 223,773,700 (2021) | |||
| السمية ديال السكان | پاكيستاني، پاكيستانية، پاكيستانيين, پاكيستانيات | |||
| اللوغات الرسمية | نڭليزية لأوردو (لغة د لبلاد) | |||
| متوسط ديال لعمر | 69.37 (2021) | |||
| لجغرافيا | ||||
| لميساحة | 881,913 كم² | |||
| لقمة لعالية | كا 2 (8,610) | |||
| لبلاصة الطايحة | لبحر لعربي (0 م) | |||
| لإدارة | ||||
| نضام الدولة | جمهورية فيديرالية و جمهورية برلمانية | |||
| رئيس باكستان | عارف علوي | |||
| رئيس وزراء باكستان | Nir Liberman | |||
| لبرلمان | لمجلس د الشورى د پاكيستان | |||
| لقتيصاد | ||||
| الناتج الداخلي لكامل | 348,262,544,719 $ (2021) | |||
| لبيطالة (شوماج) | 5 % (2014) | |||
| مؤشر التنمية لبشرية | 0.544 (2021) | |||
| لفلوس | الروپية لپاكيستانية | |||
| معلومات خرة | ||||
| توقيت ديال لبلاد | ڭرينيتش +5 Asia/Karachi | |||
| رمز لبلاد | PK | |||
| رمز لانترنيت | .pk | |||
| رمز التيليفون | +92 | |||
| نماري د ليرجونس | 1122، 15 و 16 | |||
| جيهة د صوڭان | ليسر | |||
| السيت الرسمي | pakistan.gov.pk | |||
پاكيستان، رسميا لجمهورية لإسلامية د پاكيستان (بلينݣليزية: Islamic Republic of Pakistan - بلأوردو: اسلامی جمہوریۂ پاكستان) هي بلاد جات ف لجنوب د آسيا. تايحدّها من لجنوب لبحر لعربي، من الشرق لهند، من لغرب أفغانستان، من لجنوب لغربي إيران، و من الشمال الشرقي الشينوا. لبلاد عندها تا حدود بحرية مع سلطنة عومان. پاكيستان بلاد فيها طبيعة مخلطة، و فيها لبحورا و لغابات و الصحرا و الجبال ديال لهيمالايا. تاني أعلى جبل ف لعالم (كا جوج) جا فيها.[1]
التاريخ د پاكيستان قديم، و أقدم لآتار د حضارة اللي تلقاو ف لبلاد تيوصلو ل 8500 عام د لقدم. دازو على لمنطقة بزاف د لحضارات و لبلدان منهم لإمبراطورية لهندية و لإسكندر لمقدوني و لفرس و الدولة لأموية و لإمبراطورية لمونݣولية. هاد لعدد ديال لحضارات خلا بزاف د لأديان يكونو ف لبلاد بحال لمسيحية ولهندوسية و لإسلام، اللي هو الدين د لأكترية د الناس ف لبلاد دابا. ف 1858، ستعمرات بريطانيا لبلاد و دخلاّتها مع لهند ف منطقة وحدا كانت مسمياها "لإمبراطورية لهندية لبريطانية". من مورا بزاف د النضال، ستاقلات هي و لهند ف 1947 و ولاّت كل وحدا فيهم بلاد مستاقلة (پاكيستان د لمسلمين، و لهند د لهندوس). أول رئيس ديال لبلاد كان هو محمد علي جناح.
ف 1956 دارت لبلاد دستور علنات فيه باللي راها جمهورية إسلامية. ف 1971، و من مورا حرب أهلية، خرج الطرف الشرقي د لبلاد، اللي كان كيتسمّا پاكيستان الشرقية، و ولاّ بلاد مستاقلة، اللي هي لجمهورية الشعبية د بانݣلاديش.
تيسكنو ف پاكيستان كتر من 212 مليون د الناس،(هي خامس أكبر بلاد ف لعالم من جيهة عدد السكان، و تاني أكبر بلاد مسلمة من مورا أندونيسيا). لعاصمة د لبلاد هي إسلام أباد، و اللغات الرسمية هوما لينݣليزية و لأوردو. لفلوس اللي كاتخدّم هي الروپية لپاكيستانية. هي داخلة مع بزاف د لمنضمات دولية منها لأمم لمتحدة و منضمة التعاون د شانݣاي و منضمة التعاون لإسلامي و لكومنويلت، و متحالفة مع الناطو واخا ما داخلاش معاه.[2]
لأصل د السمية[بدل | بدل لكود]
السمية د لبلاد تاتعني بلأوردو و لفارسية: "لأرض، ولاّ لبلاصة الطاهرة".[3]
عيون لكلام[بدل | بدل لكود]
- ^ "بعد قمة إيفرست - «ك 2» في باكستان ثاني أعلى قمة في العام - البيان (2014)". مأرشيڤي من لأصل ف 2021-09-22. تطّالع عليه ب تاريخ 2021-05-14.
- ^ "شاحنات إمداد الناتو تستأنف رحلاتها من باكستان إلى أفغانستان - الحرة (2012)". مأرشيڤي من لأصل ف 2021-05-15. تطّالع عليه ب تاريخ 2021-05-14.
- ^ "لا يعرفون وطنا سوى الأردن.. 20 ألف باكستاني يحنّون إلى الأرض الطاهرة - الجزيرة (2021)". مأرشيڤي من لأصل ف 2021-09-19. تطّالع عليه ب تاريخ 2021-05-14.
|
تقدر تزيد شوف بزاف د تّصاور و لمعلومات ديال Pakistan ف ويكيميديا كومنز. |