قبرص
قبرص
| ||||
|
Κυπριακή Δημοκρατία (el)
| ||||
| نشيد | نشيد للحرية
| |||
| لعاصيمة | نيقوسيا | |||
| الساكينة | ||||
| شحال دالسكان | 1,344,976 (2023) | |||
| السمية ديال السكان | قبرصي، قبرصية، قبرصيين, قبرصيات | |||
| اللوغات الرسمية | ليونانية الجديدة تركية ليونانية | |||
| متوسط ديال لعمر | 80.508 (2016) | |||
| لجغرافيا | ||||
| لميساحة | 9,242.45 كم² | |||
| لقمة لعالية | جبل أولامپوس (1,952 م) | |||
| لبلاصة الطايحة | لبحر لبيض لمتوسط (0 م) | |||
| تاريخ | ||||
| أعياد | نهار لإستقلال (1 أكتوبر) 1 أبريل | |||
| لإدارة | ||||
| نضام الدولة | جمهورية و نضام رئاسي | |||
| رئيس جمهورية قبرص | نيكوس كريستودوليدس | |||
| رئيس جمهورية قبرص | نيكوس كريستودوليدس | |||
| لبرلمان | مجلس نواب قبرص | |||
| لقتيصاد | ||||
| الناتج الداخلي لكامل | 28,408,064,462 $ (2021) | |||
| لبيطالة (شوماج) | 16 % (2014) | |||
| مؤشر التنمية لبشرية | 0.896 (2021) | |||
| لفلوس | أورو | |||
| معلومات خرة | ||||
| توقيت ديال لبلاد | ڭرينيتش +2 | |||
| رمز لبلاد | CY | |||
| رمز لانترنيت | .cy | |||
| رمز التيليفون | +357 | |||
| نماري د ليرجونس | 112، 1400 و 199 | |||
| جيهة د صوڭان | ليسر | |||
| السيت الرسمي | cyprus.gov.cy | |||
.svg)
قبرص، رسميا لجمهورية د قبرص (بليونانية: Κυπριακή Δημοκρατία - بالتركية: Kıbrıs Cumhuriyeti) هي بلاد أرخبيل جات ف لبحر لبيض لمتوسط، و محسوبة على لغرب ديال آسيا. أقرب لبلدان ليها هي تركيا من الشمال، سوريا و فلسطين و لبنان من الشرق، مصر من لجنوب، و ليونان من لغرب.
أول حركة مقيّدة ديال الناس ف قبرص مسجلة باللي وقعات هادي كتر من 10.000 عام تقريبا. قبرص دازو عليها بزاف د لبلدان بحال لأشوريين و لفراعنة و لفارسيين و لإمبراطورية الرومانية و الدولة لعتمانية. ف 1914 حتلات بريطانيا لبلاد و خداتها من الدولة لعتمانية. ف ديك الساعة كانو السكان د لبلاد إما يونانيين ولا أتراك. ف 1960 ستاقلات لبلاد و ولاّت فيها مشاكل ما بين ليونانيين و لأتراك اللي بداو حرب أهلية بيناتهم. ف 1974 دخل لجيش ديال تركيا للجزيرة و عاون لأتراك باش يقبطو الشمال د لجزيرة[1]، اللي علنوه بلاد مستاقلة ف 1983، و كيسمّيوها "لجمهورية التركية د شمال قبرص". تركيا هي لبلاد لوحيدة ف لعالم اللي كاتعتارف بهاد لبلاد.
من الناحية لقانونية، لجمهورية د قبرص عندها السيادة على لأراضي كاملة د لأرخبيل (من غير جوج قواعد عسكرية بريطانية)، و لكن من الناحية لفعلية، الدولة تاتحكم غي 59% د لجزيرة، و الشمال اللي تيحكم راسو واخد 36% د لجزيرة. 4% اللي باقا واخداها لأمم لمتحدة ف لوسط باش تفرّق بيناتهم، و داخلة فيها تا لعاصمة اللي مقسومة على جوج. من 2004 بداو مفاوضات باش تتوحّد لبلاد و لكن باقي ما عطاو تا نتيجة تال دابا.[2]
تيسكنو ف قبرص تقريبا 1.2 مليون ديال الناس، و لعاصمة ديالها هي نيقوسيا. اللغات الرسمية د لبلاد هوما ليونانية و التركية، و لفلوس اللي كاتخدّم فيها هي لأورو. لإقتصاد ديال لبلاد تيدور بزاف على السياحة، اللي هي أهم قطاع ديالو. هي داخلة ف بزاف د لمنضمات دولية بحال لإتحاد لأوروپي و لأمم لمتحدة و لكومنويلت.
- ^ "40 سنة على تقسيم قبرص والآلام والأحزان تتوارث - الشرق لأوسط (2014)". مأرشيڤي من لأصل ف 2022-05-18. تطّالع عليه ب تاريخ 2021-04-17.
- ^ "قبرص: قصة الجزيرة التي يريدها الجميع - إضاءات (2017)". مأرشيڤي من لأصل ف 2022-09-27. تطّالع عليه ب تاريخ 2021-04-17.
|
تقدر تزيد شوف بزاف د تّصاور و لمعلومات ديال Cyprus ف ويكيميديا كومنز. |