أݣلمام أزݣزا

أݣلمام أزݣزا
‫أكلمام أزكزا‬ (ar)
لبلاصة
لبلاد	لمغريب
لإقليم	إقليم خنيفرة
السكان
شحال دالسكان	6,781 (2024)
شحال دلفاميلات	1,611 (2014)
معلومات خرا
الرمز لجغرافي	6545484

أڭلمام أزڭزا (ⴰⴳⵍⵎⴰⵎ ⴰⵣⴳⵣⴰ) هي جماعة قروية تابعة لإقليم خنيفرة فلجيهة ديال بني ملال خنيفرة المغرب، سميتها موخودة من سميت ضاية أڭلمام أزڭزا لي كاينة فهاد لجماعة. عدد ناس لي عايشين فهاد لجماعة على حساب لإحصاء ديال 2014 هو 7684 نسمة، تايعيشو ف 1611 أسرة.

الجغرافيا

جماعة أڭلمام أزڭزا كاينة فإقليم خنيفرة، جيهة بني ملال خنيفرة فلمغرب، وهي جماعة جبلية فلأطلس لمتوسط لغربي، كاتميز بعدد كبير ديال ضايات طبيعية، و غابات كثيفة فيها شجر ديال لأرز لأطلسي ولبلوط لخضر. نشاط لأساسي ديال سكان فلمنطقة هو سرحة، و شوي ديال لأنشطة سياحية.

سياحة

عام 2020 تهيأ لموقع ديال ضاية أڭلمام أزڭزا على قبل سياحة، للفائدة ديال سكان دلمنطقة لي تايخدمو فسياحة، هاد تهيئة شملات تجهيز طرقان، ولبني ديال محلات تجارية على شكل خيام أمازيغية دلخشب، كيف ما تهيأ لموقع لإكولوجي أروڭو فلجماعة. هاد لجماعة فيها وحدة من ضايات لمشهورين فلمغريب، وهي ضاية تيڭلمامين لي كاتلقي بنظاظر دلأطلس.

جماعة أڭلمام أزڭزا كايتنظم فيها كل عام مسابقة دولية سميتها “Ice Swim Morocco”، وهي مسابقة دولية دلعومان فلما باردة، لي كاتدار فلفصل دشتا فضاية أڭلمام أزڭزا.

سكان

عدد سكان جماعة أڭلمام أزڭزا على حساب احصاءات 2014، 7684 نسمة، تايعيشو ف 1611 أسرة، بكثافة سكانية كاتوصل ل 17.52 نسمة فلكيلوميتر لمربع. معدل لفقر لعام بين سكان تايوصل تا ل 61.38%، يكان ديال لمنطقة من لأمازيغ دلأطلس، وللغة لي منتشرة فهاد المنطقة هي اللغة لأمازيغية، بعدها الدارجة المغربية.

• 36.69 % من لأسر مزودين بلكهرباء
• 0.31 % من لأسر مربوطين بصرف صحي
• 0.81 % من لأسر تايتوفرو على لأنترنت
• 0.94 % من لأسر تايتوفرو على كومبيوتر
• 3.17 % من لأسر تايتوفرو على طوموبيل على حسب لإحصاء ديال عام 2014
• نسبة لأمية (نّاس لّي ما كايعرفوش يقراو ولا يكتبو) : 63,5%
• نسبة سّكان لّي قاريين فوق تّانوي (تانوي و جامعة): 3,2%
• نسبة نّاس نّشيطين (لّي يقدرو يخدمو): 48,2%
• نسبة لبطالة (نّاس لّي ما خدامينش و تايقلبو على خدمة): 3,8%
• نسبة نّاس اللي خدامين ف دّولة : 2,2%
• نسبة نّاس اللي خدامين في لقطاع لخاص:23,7%

معرض ديال تصاور

• 
• 
• 
• 
• 
• 
• 
• 
• 
• 
  بحيرة أڭلمام أزڭزا
• 
• 
• 
• 
• 
• 
• 

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.