أليكسي ناڤالني
_2.jpg)
أليكسي أناطولييڤيتش ناڤالني (مزيود ف 4 يونيو 1976، توفى ف 16 فبراير 2024) كان قايد د لمعارضة، محامي، مناضل ضد لفساد، و معتاقل سياسي روسي. كان نضّم مضاهرات ضد لحوكومة و ترشح ل لإنتخابات د الرئاسة باش يدعم إصلاحات ضد لفساد ف روسيا و ضد الرئيس لحالي ڤلاديمير پوتين. ناڤالني هوّ لمؤسس ديال "لمؤسسة ضد لفساد" FBK، و عتابراتو مونضامة لعفو الدولية "محابسي د الرأي"، و حصل على جايزة ساخاروڤ على خدمتو ف مجال حقوق بنادم.
ناڤالني تحاكم جوج مرات، ف 2013 و 2014، ب تهمة ديال لإختلاس. بزاف ڭالو بلي هاد لمحاكمات كانو ب دوافع سياسية، باش يبررو لمنع ديال الترشح ديالو ف لإنتخابات. ترشح ل لإنتخابات لبلدية د موسكو و جا التاني ب 27% د لأصوات. ولاكين تّمنع من الترشح ل لإنتخابات الرئاسية د 2018.
ف غشت 2020، ناڤالني مشى ل السبيطار ف برلين ف حالة خطيرة بعدما تعرّض ل التسميم. ناڤالني حمّل پوتين لمسؤولية د هادشي لي طرا، و التحقيق لي تدار بيّن بلي لهيئة د لأمن الروسية كان عندها دخل ف لموضوع. ف يناير 2021، رجع ل روسيا و تشد تماك ب تهمة خرق لإفراج لمشروط ملي كان ف ألمانيا ف السبيطار. مورما تشد، شعلو مضاهرات كبار ف روسيا كاملة.[1] ف فبراير 2021، تّحكم عليه ب عاماين و نص د لحبس، و لمونضمات لي أسس تسدّو ب حجة التطرف. ف مارس 2022، تّحكم عليه ب 9 سنين خرة د لحبس ب تهمة لإختلاس و حتيقار لمحكامة.[2][3] الطلب د لإستئناف لي دارو تّرفض و تم النقل ديالو ل حبس ب حراسة مشددة.[4] ف غشت 2023، تزادو ليه 19 عام د لحبس ب تهمة التطرف.[5]
ف دجنبر 2023، ناڤالني غبر من لحبس ل مدة 3 د السيمانات. و عاود بان ف حبس إصلاحي جا ف لمنطقة لقطبية ف روسيا.[6][7] ف 16 فبراير 2024، السربيس د لحباسات الروسي علن بلي ناڤالني مات على عمر د 47 عام.[8][9] لوفاة ديالو تسببات ف مضاهرات ف روسيا و بلدان خرين.
- ^ "Navalny Targets 'Billion-Dollar Putin Palace' in New Investigation". The Moscow Times. 19 يناير 2021. مأرشيڤي من لأصل ف 19 يناير 2021. تطّالع عليه ب تاريخ 19 يناير 2021.
- ^ "Russia Navalny: Putin critic jailed for nine more years in trial branded 'sham'". BBC News. 22 مارس 2022. تطّالع عليه ب تاريخ 22 مارس 2022.
- ^ "Russia: Navalny facing possible 15-year jail term in 'sham' trial set to take place in prison". Amnesty.org.uk. 14 فبراير 2022. مأرشيڤي من لأصل ف 31 أكتوبر 2023. تطّالع عليه ب تاريخ 19 ماي 2022.
- ^ Faulconbridge، Guy (14 يونيو 2022). "Russian opposition leader Navalny moved to high-security penal colony". Reuters (ب نڭليزية). مأرشيڤي من لأصل ف 12 يوليوز 2022. تطّالع عليه ب تاريخ 18 يونيو 2022.
- ^ "Alexei Navalny: Russian opposition leader handed further 19 year jail term". BBC News (ب نڭليزية). 4 غشت 2023. مأرشيڤي من لأصل ف 4 غشت 2023. تطّالع عليه ب تاريخ 4 غشت 2023.
- ^ Trevelyan، Mark (11 دجنبر 2023). "Navalny aides says he has disappeared within Russia's prison system". Reuters. مأرشيڤي من لأصل ف 12 دجنبر 2023. تطّالع عليه ب تاريخ 25 دجنبر 2023.
- ^ "Алексея Навального доставили в ИК-3 в Ямало-Ненецком автономном округе. С ним не было связи почти три недели". Meduza (ب روسية). مأرشيڤي من لأصل ف 25 دجنبر 2023. تطّالع عليه ب تاريخ 25 دجنبر 2023.
- ^ Sullivan، Helen؛ Roth، Andrew (16 فبراير 2024). "Russian activist and Putin critic Alexei Navalny dies in prison". The Guardian. مأرشيڤي من لأصل ف 16 فبراير 2024. تطّالع عليه ب تاريخ 16 فبراير 2024.
- ^ "Адвокат Навального сообщил о последнем визите к нему" [Navalny's lawyer announced his last visit to him]. РБК (ب روسية). 16 فبراير 2024. مأرشيڤي من لأصل ف 16 فبراير 2024. تطّالع عليه ب تاريخ 16 فبراير 2024.