أحمد التوفيق

أحمد التوفيق
معلومات عامة
زيادة	22 يونيو 1943 (80 عام) مريغة
لجنسية	لمغريب
لحرفة	توارخي و كاتب
لّوغات لي كيعرف	عربية، تاشلحيت، نڭليزية و لفرانساوية
معلومات خرى
لأعمال	Q122751053 (1998) شجيرة حناء وقمر

أحمد التوفيق (مزيود ف 22 يونيو 1943 ف إيماريغن حدا مراكش) هوّا مؤرخ ؤ كاتيب ريوائي مغريبي، لي شاد لمنصيب د وزير د لأوقاف ؤ شّؤون لإسلامية من 2002. عندو شلا د لكتوبا علا تّاريخ ؤ ريوايات.

حياتو

أحمد التوفيق قرا لبتيدائية ؤ لّيسي ف مراكش، ؤ حصل علا ليصونس ف لأداب ب تخصص ديال تّاريخ ف 1968، من لافاك د لأداب و لعلوم لإنسانية د جاميعة محمد لخاميس ف رّباط ؤ ماسطر ف لأركيولوجيا من نفس لجاميعة. التوفيق بدا كيقري كا ؤستاد ف 1961، ؤ كان ؤستاد موساعيد ديال شعبة د تّاريخ ف كلية د لأداب د رّباط مابين 1970 ؤ 1976.

ولّا نايب ديال عاميد لكلية ما بين 1968 ؤ 1978، ؤ مودير ديال معهد دّراسات لإفريقية ف رّباط مابين 1989 ؤ 1995، ؤ أمين ديال لخيزانة لعامة ف رّباط من 1995 تال 2002. ف 2015 عينو لماليك محمد سّادس رئيس مونتداب ديال لعولاما لأفارقة.

عندو بزاف لمقالات ؤ دّراسات لجاميعية ؤ عاداد د لكتوبا علا تّاريخ د لمغريب، ؤ خمسة د رّيوايات، وحدة منهوم، "جارات أبي موسى" ولّات عامال تلفازي ب إخراج ديال عبد الرحمان التازي. ؤ نشر ؤطوبيوݣرافيا ديالو ب عنوان والد و ما ولد: طفولة في سفح الظل لي طّبعة تّانية ديالها صدرات ف 2011.

لأعمال ديالو

• جارات أبي موسى (طبعة 1). 1997.
• شجيرة حناء وقمر (طبعة 1). 1998.
• السيل. 1998.
• غريبة الحسين. 2000.
• شجيرة حناء وقمر (طبعة 2). مراكش: دار القبة الزرقاء. 2001. ص. 291. ردمك 998118201X.
• جارات أبي موسى (طبعة 2). مراكش: دار القبة الزرقاء. 2000. ص. 202. ردمك 9981182001.
• المجتمع المغربي في القرن التاسع عشر (طبعة 3). رّباط: منشورات كلية الآداب و العلوم الإنسانية. 2011. ص. 674. ردمك 9789981592056.
• والد و ما ولد: طفولة في سفح الظل (طبعة 2). دّارلبيضا: المركز الثقافي العربي. 2011. ص. 284.
• في تاريخ المغرب. 2019.
• جيران أبي العباس. 2020.
• واحة تينونا أو سر الطائر على الكتف. 2022. ص. 287.

عيون لكلام

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.