موبوتو سيسي سيكو

موبوتو سيسي سيكو (14 أكتوبر 1930- 7 سبتمبر 1997) كان ثاني رئس ديال جمهورية لكونڭو الديموقراطية من 1965 ل 1997 (بدل السمية ديال الدولة رجعها زايير من 1971 ل حتى ل 1997)، كانو مكنين عليه الفهد د كينشاسا.

حياتو

لبيدايات

تولد جوزيف ديزيري موبوتو فشمال غرب دل كونڭو ف مدينة ليسالا ملي كانت لكونڭو مستعمراها بلجيكا.

كان باه ألبريك ڭبيماني خدام طباخ فلحاكم د ليسالا، و مات باه ملي كان جوزيف عندو تمن سنين، و من بعد رباه جدو و عمو.

كمل لقرايا ديالو ف مدراسا كاطوليكية، و ملي وصل ل 18 عام، مشا للعسكر دلاستعمار البلجيكي فين كانو العساكريا البيضين كيحكمو فلكحلين.

تزوج علا 25 عام ب ماري يتيني، و من بعد تحول لمركز لقيادة دلجيش ديال الإستعمار البليجيكي ف ليوپولڤيل عام 1953.

من بعد ما دوز تامارا فلعسكر، مشا خرج منو و ولا صحفي ف جورنال "L'Avenir" الليبيرالي ف ليپودڤي عام 1957، و كان خدام تحت إشراف الصحفي أنطوني بولامبا لي قدمو ل پاتريس لوبومبا.

مشا اول مرا ل أوروپا عام 1958 باش يدوز مؤتمرEXPO ف بروكسيل فين بقا شوية باش يتعلم الصحافة كثر. في نفس الوقت كانو ناس سياسيين كونڭوليين كيدويو و كيناقشو معا البلاجكة ف بروكسيل باش ياخدو الاستقلال ديالهم من بلجيكا.

موبوتو ف واشينطون عام 1973

ليامات ديالو فلجيش

فيوليو 1960 من مورا الاستقلال ديال الكونڭو، ولا هو وزير الدولة فلحكومة ديال پاتريس لومومبا.

كان ستافد من داك الصداع بين السياسيين و بلي بلي كان هو بوحدو من الاتباع ديال لومومبا لي فايت مدوز لعسكر باش يولي هو رئيس أركان الجيش الكونڭولي.

و اخا كان عند لومومبا واحد الإقبال كبير، كانت عندو مشاكل كبيرة معا بلجيكا، إذن ف 1960، بسباب التأثير ديال السفير بلجيكا ف لكونڭو ديك لوقيتة، تشد الرئيس پاتريس لومومبا.

و هنا فين بدات العلاقة ديال موبوتو معا بلجيكا، و دار حكومة مؤقتة، و كان اتهم لومومبا ف تلفازا بلي هو معا الشيوعيين، و دار هاد القضية باش يعاونوه ميريكان.

لومومبا بغا يهرب من لكونڭو و لكن تشد و أمر موبوتو أنه يدخلوه للحبس، و من بعد صيفطو لواحد لمدينة سميتها كاتانغا فلجنوب ديال لبلاد فين غادي يموت.

هادوك الناس لي كانو كيبغيو لومومبا دارو حرب ضد موبوتو، وكانو شدو 1/3 ديال لبلاد دغية، و لكن ميريكان عاونات موبوتو و ربحو هاد لحرب ضدهم.

موبوتو ماكانش يقدر يربح بلاما يعاونوه ميريكانيين.

كان بغا يحضي جوج حوايج، لخارج معا لحرب لباردة و لداخل باش يقدر يحكم حسن و يشد هادوك لي كانو ضدو و يقمع اي واحد بغا يكون ضدو

ملي كان رئيس ديال الدولة

ف 24 نونبر 1965، موبوتو دار نقيلاب بيض (يعني بلا عنف) علا جوزيف كاسا ڤوبو لي كان أول رئيس ديال لبلاد مورا الاستقلال.

جا هاد نقيلاب مورا واحد الأزمة سياسية خايبة مابين جوزيف و حكومة ديال الجنوب لي كان القايد ديالها هو موسى شومبي.

كولشي كان باغي هاد نقيلاب، النقابات، الحركات ديال الطلاب، الكونڭوليين و الأجانب، و حتا من كاسا ڤوبو و شومبي بغاو هاد التجديد.

أول وحدين عتارفو بهاد الرئيس الجديد هوما لميريكان و بلجيكا، ولكن الشينوا و تيحاد سوڤياتي ماكانوش باغينو.

كان موبوتو كيتعاون معا بلجيكا معا كان هو فلعسكر لبلجيكي.

موبوتو كان عارف الشعبية لي كانت عند لومومبا عند الشعب الكونڭولي،

داكشي علاش عتابرو بطل وطني و أول شهيد ديال الاستقلال

من الناحية لاقتصادية، موبوتو رجع الشركات البليجيكية تابعين للدولة ف 1966، و رجع لكونڭو بحال لعود د طروادة ديال لميريكان ضد الانتشار ديال الشيوعية فلافريك، و بلخصوص ف جنوب إيفريقيا

كان كيرحب بلمعارضين من أنڭولا و عاونهم باش ياخدو الاستقلال ديالهم من لبرطقيز، ولكن كان فنفس لوقت ضد الحركة MPLA الشيوعية

و كان ميريكان كاتعاون هادوك الحركات لي كانت باغا عن طريق الكونڭو بحال الحركات ديال FLNA و UNITA

حارب واحد المظاهرة ديال الطلاب و قتل بزاف ديال الناس، لاح بزاف ديال الجثث ديال الطلاب لي قتل ف مقابر جماعية و 12 طالب تضرب بلإعدام.

سدو الجامعة عام كامل و 2000 طالب منهم دخلهوم للعسكر، و قال فتلفازا مورا هاد المظاهرة "يا تعلمو تطيعو يا تعلمو تسدو فمكم"

زايير

الدراپو ديال الزايير

كان موبوتو دار واحد النظام قمعي كيحكم فيه حزب واحد لي سميتو حزب الثورة الشعبية (بلفرونسي سميتو :le Mouvement populaire de la Révolution ) و عطا لراسو الرتبة ديال ماريشال ف 1982.

من الأحلام ديالو هو الدولة ترجع لثقافة ديالها القديمة و التاريخية، داكشي علاش ختارع واحد المفهوم سميتو الزاييرية (بل فرونسي : Zaïrianisation) و كانت كاتعني هي انه يحبس الاستعمار الثقافي.

ف 1971، هاد العام سماو عليه "لعام ديال 3 د Z " عاود سما الدولة، العملة و النهر و سماهم الزايير

و فنفس العام فرض الناس يلبسو الناس اللباس الشعبي لي سماه "" لي كيعني اللباس المتواضع، باش يبدلو هاداك اللبس الغربي لي كان نتاشر.

و طلب من الناس يسميو ولادهم سميات إفريقية  ماتكونش سميات مسيحية

سما راسو واحد سمية لي تاهية إفريقية و محلية لي هي "Mobuto Sese Seko Kuku Ngbendu Wa Za Banga" لي كاتعني "موبوتو المجاهد لي غادي يبقا يربح بلاما يحبسو شي واحد".

و فرض حتا تكون لينڭالا هي لي تكون اللغة ديال الغرب دلبلاد و أمر باش تقرا فلمدرسة و يدويو بيها الناس  

النهاية ديالو

بسباب الفوضى ليولات فلبلاد و الانتقادات لي كان العالم كيدير عليه، و حتا من الحرب لي كانت ف رواندا، ف 1997 تحالف القوات الديمقراطية من أجل تحرير الكونڭو الزايير و لي كان القايد ديالها هوا لورون كابيلا دخلو للعاصمة كينشاصا و حيدو موبوتو من الحكم

هرب موبوتو للطوڭو و من بعد للمغريب فين مات 7 سبتمبر 1997 بلكونصير، و دفنوه فلمقبرة د لمسحيين فالرباط

ف عام 2007، المجلس التشريعي ديال جمهورية الكونڭو الدمقراطية طلب يرجعو الرفات ديال موبوتو و يدفنوها ف ضريح فلكونڭو.