0

→ −1 0 1 ←
-1 0 1 2 3 4 5 6 7 8 9 → ليستة د لأعداد — مكامل ← 0 10 20 30 40 50 60 70 80 90 →
مقداري	زيرو
ترتيبي	0 (زيروي)
سيستيم د نّماري
جوجي	02
تلاتي	03
ربعي	04
خمسي	05
ساتي	06
تمني	08
طناشي	012
سطاشي	016
عشريني	020
ساتي مربع	036
لوغات
نماري عربية شرقية، كردية، فارسية، سيندية، ؤردو	٠
لبنغالية	০
لهندية	०
شينوية	零, 〇
لخميرية	០
طايلاندية	๐

ل معاني وحدين خرين، شوف زيرو (توضيح).

رمز ديال زيرو عند لمايا

زّيرو ؤلا صّيفر (رّمز ف نّماري لغبارية 0) هوّا نمرة ؤ عاداد كيمتّل لكونصيپط ديال والو ؤلا لخوا. ف لماط، زيرو هوّا لمحايد ديال لجمع. ف نّيڤو لقافز ديال لماط، أي عنصر محايد ديال قانون جمعي، متلا ف ݣروپ، كيتّكتب عادتن 0 وخا مايكونش كيمتل لعاداد زيرو لي كيعرفو عامّت نّاس. ف لكتابة لموضعية د نّماري، زّيرو كيتخدّم كا نايب فاش شي موضع ف عاداد ماكيكون فيه والو، متلا ف لعاداد 102، زّيرو محطوط ف لبلاصة ديال لعشرات حيت ماكاين فيها والو، ؤ كيتّعتابر نايب (ب نّݣليزية placeholder) حيت كينوب على نّمرة لي كان تقدر تكون ف داك لموضع.

لأصل د لكلمة

كلمة زيرو جات من لفرانساوية zéro، لي جات من طّاليانية zero، لي جات من لڤينيسية zevero لموقابيل ديال طّاليانية zefiro، لي أصلها من لعربية صِفْر. كلمة صِفْر ف لعربية لقديمة كانت كاتعني والو، ؤ تطرجمات حرفيا من سّانسكريتية śūnya (शून्य) لي كانت مخدمة ف لهند. هاد زّيرو لهندي يقدر يكون لأصل ديالو يوناني بابيلي، من لحرف لّول ؤميكرون ο ف كلمة οὐδὲν (والو) لي تقدر تكون تخادت من رّمز ديال "والو" ف سّيستيم لفلكي د لكتبة ديال لبابيليين.

ف لماط

• أي عاداد يلا تزاد عليه زيرو كيبقا هوّا هوّا $x+0=x$. داكشي علاش زيرو هوّا لمحايد ؤلا لعنصر لمحايد د لجمع.
• أي عاداد مضروب ف زيرو كيعطي زيرو $x*0=0$.
• زيرو عاداد موجب ؤ سالب ف نفس لوقت.
• لقسيم علا زيرو ممنوع.
• أي عاداد (لي ماكيساويش زيرو) ؤس زيرو كيعطي واحد $x^{0}=1$.
• زيرو مايمكنش يتّرفع ؤس زيرو.
• 0 ؤس أي عاداد (لي ماكيساويش زيرو) كيعطي زيرو $0^{x}=0$.
• لفاكطورييل ديال زيرو كيساوي واحد $0!=1$.

تقدر تزيد شوف بزاف د تّصاور و لمعلومات ديال 0 (number) ف ويكيميديا كومنز.