ݣورزيل

من ويكيپيديا
نقيشة بونيقية كاتدكر ڭورزيل

ݣورزيل هوّا رب أمازيغي كانو كيعبدوه لأمازيغ لقدام، سيرتو لقبايل ديال لواتة ف ليبيا. لعيبادة ديالو تقدر تكون كانت واصلة حتال وليلي ف لمغريب.[1] ف دّيانة لأمازيغية لقديمة، ݣورزيل كان كيتّعتابر رب د رّعد[2] ؤلا رب د لحرب، ؤ هوّا ولد رّب لّيبي لميصري أمون، ؤ كيتمتل علا شكل تور.

علا حساب شنو كتب لمؤرخ لأندلسي البكري، تقدر تكون لعيبادة د ݣورزيل ستامرات حتال لقرن حضاش لميلادي، ف مدينة ݣيرزا ف لجنوب شّرقي د ليبيا، لّي غالبا تسمات عليه، ؤ كان فيها معبد خاص ب ݣورزيل.

ݣورزيل مدكور ف قصيدة سميتها يوهانيس ديال لكاتب لأمازيغي رّوماني كوريپوس، لّي وصف فيها لحروب ما بين لمور ؤ رّومان شّرقيين ف لقرن سّات لميلادي. سّمية ديالو أيضا مدكورة ف نقيشة نيوبونيقية تّلقات ف ليپتيس ماݣنا ف ليبيا، ؤ مديورة قبل من سّمية د رّب رّوماني ساتورن، شّي لّي كيدل علا لأهمية لكبيرة ديالو. كوريپّوس دكر بلي شّاف ديال قبيلة لواتة كان ف نفس لوقت راهب ديال ݣورزيل، ؤ بلي تصاور ديال هاد رّب علا شكل تور كانو كيتخادو ديما ف لحرب. قبل لبدية د لمقاتلة، كانو لّواتيين كيطلقو تور د بصّح علا لعدو ديالهوم.[1]

عيون لكلام[بدل | بدل لكود]

  1. ^ a b كامپ، ݣابرييل (1999). "ݣورزيل". لموسوعة لأمازيغية. 21. Aix-en-Provence: Edisud. مأرشيڤي من لأصل ف 10 يوليوز 2023.
  2. ^ أونج دو سان پريست (1846). Encyclopédie du dix-neuvième siècle: répertoire universel des sciences, des lettres et des arts avec la biographie de tous les hommes célèbres, Volume 5 [إنسيكلوپيديا ديال لقرن تسعطاش: ريپيطوار شامل ديال صّيونص، لأداب ؤ لفنون، ب سيرات ديال جميع شّخصيات لمشهورة] (ب لفرانساوية). ص. 289.
هادي زريعة ديال مقالة خاصها تّوسع. تقدر تشارك ف لكتبة ديالها.