ڭاد المالح

ڭاد المالح
معلومات عامة
زيادة	19 أبريل 1971 (53 عام) الدار البيضا
لجنسية	كانادا لمغريب فرانصا
لحرفة	فنان كوميدي، فنان ملاهي، مخرج، سيناريست، ممثل مسرحي، ممتيل د لأفلام، مخرج د لأفلام، ملحّين، مومتيل و فنان موسيقي
لّوغات لي كيعرف	لفرانساوية، نڭليزية، الداريجة لمغريبية، لعبرية، تاشلحيت و عربية
لفاميلة
خوت	أريي لمالح و Judith Elmaleh
لولاد	Raphaël Elmaleh
معلومات خرى
دين	كاطوليكية
سّيت رّسمي	https://www.gadelmaleh.com/
لجوايز	نيشان الفنون والآداب من رتبة ضابط

ڭاد المالح فنان و كوميدي مغريبي يهودي خلاق ف الدار البيضا ف 19 أبريل 1971، كبر فواحد الفاميلة يهودية مغريبية، عندو حتى لجنسية لكانادية، كيهضر مزيان ب دارجة، و لفرنساوية و لعبرية، و عندو نيڤو طالع ف نݣليزية. و حتى لأرمينية تيهضر بها.

لبدية ديالو

كبر جاد لمالح فعائلة ما بيهاش بواحد الحي ف دار البيضا، تعرف بلبسالة ديالو منين كان ما زال كيقرا، حيت كان تيهرب لهم من المدرسة ديال البيعتة لفرنساوية منين كان موراهيق باش يمشي مع لموشاغبين بحالو اللي كانو فلأحياء شعبية، باش يشاركهم لموغامرات ديالهوم، تعرف كدلك باللعب ديالو على ألة الكيتار، تنبأ لو واحد الأوستاد ديالو بالفشل، ولايني جاد خيب ضنو، حيت ولى واحد من كبار الكوميديين ف فرنسا، ولعلام.

مشا ل كندا باش يقرا وفعمرو فديك لوقيتة 17 عام. من بعد انتقل من مونتريال ل باريس عام 1992 باش إكمل قرايتو. بدات لمسيرة ديال جاد المالح مع تمتيل ف عام 1995 حيث دار أول عرض فوكاهي على خشبات المسارح لفرنساوية، كانت لبدية مع Décalage، ولكن الشوهرة ونجومية ديالو كانت ف عرضو لكوميدي La vie normale (لحياة لعادية) واللي جال بها فبزاف ديال دول بحال فرنصا، كاندا والمغريب. بعد هاد لعرض كان الموعد مع عرض أخور اللي هو L'autre c'est moi (لاخور هو أنا) واللي نجح لو بزاف ف فرنسا وكندا والولايات المتحدة الأمريكية، نجاح خلاه ف قمة عرش لفوكاهة لفرنساوية، حيت تختار ف يناير 2007 كأكتر شخصيات لفرنساوية النشوطية. جاد المالح دار دورة فنية ف أوروبا وأمريكا شمالية واللي قدم فيها آخر عرض ليه كوميدي ليه بعنوان "با فوق لخشبة".

زيادة على لعروض لمسرحية نشط جاد لمالح فبزاف ديال لافلام اللي لعبهوم مع فنانين فرنسيين كبار، كيما قام بتضامون مع بلادو لمغريب، حيت دار فعام 2004 خدايم ديال المعاونة عاون بها ضحايا زلزال الحسيمة ف لمغريب اللي وقع ف 24 فبراير من العام نفسو. عام 2006 ختاروه لفرنساويين باش يكون لفنان لكوميدي لفرنساوي لول لداك لعام

قاعة أوليمبيا Olympia الشهيرة في باريس التي عرض فيها جاد المالح مسرحية الآخر هو أنا.

ف عام 2021 دخل للمسيحية على لمدهب ديال لكنيسة رومانية لكاتوليكية.

افتخار جاد المالح بتمغرابيت ديالو

• جاد لمالح مغريبي قبل ما يكون يهودي و حتى فرنساوي، هادشي خلى ليفتخار ديالو بتمغرابيت حاضر بزاف ف لحفلات ديالو، وكدلك ف زيارات مرة مرة للمغرب، فهو عندو دار ف لحي اللي تولد فيه ف الدار البيضا، وبزاف ديال ناس من عائلتو عايشين ف أمان ف الدار البيضا اللي كبر فيها، هادشي تيخلي جاد مغريبي مية فالمية وجدادو ووالديه ما جرتهومش ولا غراتهم لهيجرة لإسرائيل، وبقاو فبلادهوم لمغريب إلى يومنا هدا.
• في كل لحفلات لكوميدية اللي قدمها جاد تنلقاوه كيهضر على لكاريير ديالو كإنسان مغريبي انتقل وفعمرو 17 عام ل مدينة كيبك لكندية باش إقرا لعلوم سياسية واللي ختار بعدها فرنسا باش يقرا المسرح وتما بان مزيان ككوميدي. فكل كاع هاد لحفلات، معمر جاد هضر على النية ديالو فشي رحلة أو سكنة ف إسرائيل.
• نوضات عليه جورانالات ديال لبنان واحد الضجة بسبب إدعاء هاديك جورانالات باللي بان ف تصويرة لابس التريي ديال جيش الدفاع الإسرائيلي الشي اللي خلاها تتهمو بالخدمة لعسكرية فإسرائيل، نهار عيطات عليه تليفزيون لفرنساوي ليهودي باش يهضر على خدايمو، قدم راسو كمغريبي يهودي عايش ف فرنسا، جاد ما تنكرش لتمغرابيت ديالو ولا تنكر لتيهوديت ديالو، ولا تنكر للبلد اللي ولى فيه نجم.

شوف عاود

• إيلي سمون
• شمعون أزولاي
• آري المالح

عيون لكلام

تقدر تزيد شوف بزاف د تّصاور و لمعلومات ديال Gad Elmaleh ف ويكيميديا كومنز.