پودكاسط

جوج د الناس تيسجّلو پودكاسط.

اللوڭو د لپودكاسط د ويكيميديا لمغريب، واحد من لپودكاسطات بالدارجة على لمواضيع د ويكيميديا.

پودكاسط و لا پودكاست (بلينڭليزية: Podcast) هو برنامج تيكون بالصوت و موجود ف أنترنيت باش يسمعوه الناس. ف لغالب، لپودكاسط تيكونو فيه بزاف د لحلقات، و يقدر يكون على أي موضوع. كاين پودكاسطات اللي تيهضر فيهم واحد بوحدو، و كاين اللي كيكونو ديما نفس الجماعة، و عاد كاين اللي كل حلقة كيجيب ضيف مبدّل.

حيت هو ف أنترنيت، يقدر لواحد يسمع لپودكاسط وقت ما بغا، ماشي بحال الراديو ولا التلفازة اللي كيكون عندهم لبرنامج ديالهم. كاينين پودكاسطات ببزاف د اللغات، منهم تا بالدارجة و لا لأمازيغية، و تيتسمعو ف بزاف د لمنصات بحال سپوتيفاي ولا يوتيوب.

لأصل د السمية

لأصل د السمية د پودكاسط جاية من الجميع د جوج كلمات بلينڭليزية: پود (جاية من "لآي پود"، ماكينة ديال السميع د لموسيقا د آپل) و كاست، اللي هي نشر و لا لوح بلونڭلي. أول واحد خرج هاد السمية كان الصحافي نّڭليزي بين هاميرسلي، اللي كتبها ف مقال ف 2004 ف الجورنال ديال لڭارديان.

تقدر تزيد شوف بزاف د تّصاور و لمعلومات ديال Podcasting ف ويكيميديا كومنز.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.