پروپاݣاندا

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

لپروپاݣاندا (بنّݣليزية: Propaganda) هي كلمة كتعني النشير ديال لمعلومات بشي طريقة لي موجهة و أوحادية د لمنظور، و التوجيه ديال بزاف د لميساجات لمركزة، بلغرض ديال التأتير على الآراء ولا السلوكات، ديال أكبر عدد ديال الناس. و الضد ديال لپروباݣندا هو لموضوعية. و لپروباݣندا فلمعنى ديالها لبسيط، هي التوصيل د لمعلومات بلغرض ديال التأتير على لمتلقي. و غالبا كتعتامد لپروباݣندا على لعطيان ديال معلومات ناقصة، د لكذوب، ولا التأتير على الناس بلعاطفة بلاصت ما تحضر لعقلانية. و لهدف من هادشي كولو هو تبدال السرد المعرفي ديال الناس لي لهدف ديالها شي أجندات د السياسة.

ومن منظور واحد أخور لپروپاݣاندا كتعني لكذوب بلعاني لي كيهدف ل التسفيه. لميتال ديال هادشي هوّ مقالات على شي موضوع واحد، كولها خاوية مفيهاش تا سطر واحد ديال لموضوعية ولا مصدر د لمعلومات صحيح.

أساليب ديالها

لپروپاݣاندا عندها تقنية لي كاتشابه معا التقنيات ديال لإعلان و لعلاقات لعامة. فلإعلان و فلعلاقات العامة و تقدر تصنف بلي هي دعاوة ل منتوج ولا لعلامة تجارية ولا لأفراد ولا حتا لمنظمات. لپروباݣندا لعصرية كتستغل التقنيات الجديدة باش تأتر ف الرأي لعام و التوجيه ديال لأفكار و لقرارات السّياسية ولا جتماعية وحتى الدينية ديال الناس، و حتا بلإستيعمال ديال بزاف د التقنيات ولأساليب لپسيكولوجية.

تصاور

• 
  التخدام ديال لپروباݣندا من عند معمر لقدافي ف ليبيا.
• 
  التخدام ديال لكاريكاتورات السياسية الساخرة بلغرض ديال رفع د معنويات لميريكانيين فزمان د لحرب لعالمية التانية.
• 
  پوسطر خاص بلحرب كيقول بلي "فيدينا نوصلو!". و تستعمل فلپروباݣندا باش يشجع لعمال ف ويستنيڭهاوس باش يحافظو على لإنتاج لحربي.
• 
  طونوبيلة كاتبتّ لپروباݣندا السمعية ف كوريا الشمالية.

شوف تا

• بولشيت
• تخربيق