يوسف فاضل

يوسف فاضل
معلومات عامة
زيادة	1949 (76/77 عام) الدار البيضا
لجنسية	لمغريب
لحرفة	روائي، كاتيب مسراحي، موخريج مسراحي، سيناريست، كاتب حوار، كاتب و كاتب د السينيما
لّوغات لي كيعرف	عربية و لوغات أمازيغية
معلومات خرى
لأعمال	(1982) حلاق درب الفقراء (فيلم) (2013) طائر أزرق نادر يحلق معي

يوسف فاضل (مزيود ف 1949 ف كازا) هوّا كاتيب ريوائي ؤ مسراحي مغريبي. ف سنوات رّصاص كان تشد ف حبس مولاي شّريف مابين 1974 ؤ 1975. عندو مجموعة د رّيوايات، لبعض منها ربح جوايز، بحال ريواية حشيش لي ربحات جايزة أطلس لكبيرة ف 2001.

سيرة ذاتية

يوسف فاضل داز فترة فـ واحد من معتقلات سنوات الرصاص، اللي هو معتقل مولاي الشريف ما بين 1974 و1975. من بعد خدم أستاذ ديال اللغة الفرنسية فـ الدار البيضاء، ومن تما مشى للكتابة وبدأ ينشر بزاف ديال المسرحيات والروايات. التحق بـ اتحاد كتاب المغرب فـ1982.

أول مسرحية ديالو “حلاق درب الفقراء” تحولت لفيلم سينمائي من إخراج المخرج الراحل محمد الركاب فـ1982. أول رواية ديالو كانت “الخنازير” فـ1983. ومن بعد، روايته “طائر أزرق نادر يحلق معي” وصلت للقائمة القصيرة للجائزة العالمية للرواية العربية (البوكر) فـ2014 فـدورتها السابعة.

الإنتاج الأدبي ديالو متنوع ما بين الكتابة المسرحية والكتابة الروائية، وشارك فـ بزاف ديال الفعاليات والملتقيات الثقافية داخل المغرب وخارجو.

الإنتاجات ديالو

روايات

• الخنازير، الدار البيضاء، 1983
• أغمات، الدار البيضاء، 1990
• سلستينا، الدار البيضاء، 1992
• ملك اليهود، 1996
• حشيش، 2000
• ميترو محال، 2006
• قصة حديقة الحيوان، 2008
• قط أبيض جميل يسير معي، 2011
• طائر أزرق نادر يحلق معي، 2013

مسرحيات

• جرّب حظك مع سمك القرش، 1978
• حلاق درب الفقراء و صعود وانهيار مراكش، الدار البيضاء، 1980
• سفر السي محمد، الدار البيضاء، 1984

مشروع ديال رواية ثلاثية

الواقع والخيال

منذ التسعينيات ديال القرن اللي فات، الكاتب المغربي يوسف فاضل خدم على مشروعو الروائي الكبير بصبر وببطء قل ماكاين، وفهاد السنين قدر ينسج عوالم روائية، بعضها متخيل، وبعضها الآخر جاي من قضايا سياسية واجتماعية حارقة فالمغرب، بحال سنوات الجمر والرصاص فالمغرب، والهجرة السرية، والتهريب ديال الحشيش، والإرهاب، والأوضاع الاجتماعية الصعيبة والفقر والتهميش. ودار هادشي بالتركيز على شخصيات من قاع المجتمع المغربي وناس مهمشين اللي عادة ماكيهتم ليهم حد، باش يعطيهم صوت مميز فالرواية ويرجع ليهم الاعتبار ويوري أوضاعهم الصعيبة، وكيولي الهامش هو مركز السرد فالرواية.

رواية ريفوبليكا

وفي الاخير، وعلى نفس الطريقة ديال الغوص فتضاريس المجتمع المغربي، وبنفس الأسلوب الروائي الممتع والمؤلم والعجيب، قدر يوسف فاضل يمسك الجرح المغربي العميق والمستمر حتى دابا، اللي كيتعلق بالريف المغربي ومشاكيلو وخيباتو وآمال السكان ديالو، فالرواية كبيرة من 3 أجزاء خرجات هاد العام على "منشورات المتوسط" فإيطاليا وعنوانها "ريفوبليكا"، وهي كلمة مركبة من الريف وكلمة الجمهورية بالفرنسية، باش تشير لجمهورية الريف اللي تأسسات رسمياً مع المناضل والزعيم الريفي محمد بن عبد الكريم الخطابي عام 1921 شمال المغرب منين غلب الإسبان فمعركة "أنوال"، وكانت قاعدة قوية فمواجهة الاحتلال المزدوج الفرنسي والإسباني.

أسلوب السرد ف رواية ريفوبليكا

"ريفوبليكا" هي ثلاثية على الريف وعلى المقاومة وعلى الحلم بالتغيير، رواية كتقع فحوالي ألف صفحة، ورغم الحجم الكبير ديالها فهي تحفة سردية كتشّد القارئ بأحداثها وشخصياتها المتنوعة والوصف الزوين للمنطقة والجغرافيا ديالها والتضاريس الصعيبة ديالها، وبالبناء السردي ديالها اللي ماشي خطي، اللي كيجيب القارئ لأحداث قريبة من 2011 وتعديل الدستور فالمغرب وحراك الريف، ولأحداث بعيدة اللي رجعات للعشرينيات ديال القرن اللي فات وثورة الريف القوية مع الزعيم محمد بن عبد الكريم الخطابي، والثورة اللي جاية من بعد إبان استقلال المغرب عامي 1958 و1959، كل هادشي فمحاولة من الكاتب باش يحط الإصبع على جوهر المشكل فهاد المنطقة، وعلى التهميش اللي تعرضات ليه على مدار هاد السنين، حيث رغم أن كاين مناطق كثيرة فالمغرب تعرضات للتهميش، الريف، بحال ما كيقول يوسف فاضل، كيبقى "مثال صارخ لهاد التهميش".

مصادر

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.