ويليام أكورت
ويليام أكورت
| ||
 | ||
| معلومات عامة | ||
| زيادة | 11 يوليوز 1779 ساليسبري | |
| لموت | 31 ماي 1860 (80 عام) | |
| لجنسية | لمملكة لمتاحدة د بريطانيا لكبيرة و إيرلاندا مملكة بريطانيا العظمى (–1801) | |
| لحرفة | ديپلوماسي و سياسي | |
| لّوغات لي كيعرف | نڭليزية | |
| لفاميلة | ||
| لواليد | Sir William à Court, 1st Baronet | |
| لواليدة | Lætitia Wyndham | |
| خوت | Charles Ashe à Court-Repington و Maria à Court | |
| شريك | Maria Rebecca Bouverie (1808–) | |
| لولاد | William Holmes à Court, 2nd Baron Heytesbury Cecilia Maria à Court Frederick Ashe à Court | |
| لمحيط | William Henry Bouverie (بات لمرا) | |
| معلومات خرى | ||
| لحيزب | حزب المحافظين | |
  | ||
ويليام أكورت، بارون لول د هيطسبوري (11 يوليوز 1779 - 31 ماي 1860)، لمعروف ب سميت سير ويليام أكورت، لباروني تاني، من 1817 ل 1828، كان ديپلوماسي نڭليزي ؤ سياسي محافض.
هو لولد لكبير د سير ويليام أكورت، لباروني لول ؤ ليتيشيا بنت هنري ويندهام. قرا ف لكوليج د إطون ؤ لتاحق ب سلك ديپلوماسي ف عمر صغير.
ف 1812، تنتاخب أكورت عضو ف مجليس لعموم على دايرة د دورشيستر، ؤ بقا شاد لمنصب حتال 1814. وكان حتا مبعوت ل سواحل لبربرية من 1813 ل 1814، ؤ ف مملكة ناپولي ف 1814، ؤ ف صبانيا من 1822 ل 1824، ؤ موراها باشاضور ف لبرطقيز بين 1824 و 1828.
.jpg)
ف هاد لعام لخر، تعين أكورت سفير ف روسيا، فين كان عليه يتعامل معا لحرب روسية تركية من 1828 ل 1829 ؤ صداع لي ناض مور لحتيلال د لإمبراطورية الروسية لإمارات الدانوب.[1] بقا ف روسيا حتال 1832. ف 1835، رشحو سير روبرت پيل ل منصب د لحاكم لعام د لهند، ولاكين دغيا طاحت لحوكومة د حيزب لمحافضين ؤ ماخداش داك لپوصط ف لخر. واخا هكاك، خدم موراها تحت من پيل بصفتو لورد-ليوتنان د إرلاندا من 1844 ل 1846، ؤ خدا رياسة ف لبدية لمجاعة لكبيرة. خلف أكورت باه ف لمنصب د لباروني تاني ف 1817، ؤ تقبل ف لمجليس لخاص د لماليك ف نفس لعام ؤ ولا فارس صليب لعظيم د وسام لحمام ف 1819. ف 1828، ترقى ل رتبة د نبلاء ب سميت بارون هيطسبوري، د هيطسبوري ف مقاطعة ويلتشير.
تجوج لورد هيطسبوري ب ماريا ريبيكا، بنت ويليام هنري بوڤيري ف 1808. ولدو ربعة د دراري ؤ جوج بنات. توفا ف ماي 1860، ف لعمر د تمانين عام، ؤ خلفو ولدو لكبير ويليام.
- ↑ Florescu, Radu R. (2021), The Struggle Against Russia in the Romanian Principalities, Histra Books, Las Vegas, pp. 170, 190, 191, 275 & 323. ISBN 9781592110261.
- Kidd, Charles; Williamson, David, eds. (1990). Debrett's Peerage and Baronetage. London and New York: St Martin's Press.
- Burke's Peerage and Baronetage, 107th edn., (London, 2003)
- Debrett's Peerage (London, 2002)
- William A Court, 1st Baron Heytesbury, archived from the original on 8 June 2008, retrieved 22 December 2016
