ويلكام تو موروكو
ويلكام تو موروكو (نّݣليزية: Welcome to Morocco، يعني "مرحبا بيكوم ف لمغريب") هيّ أغنية من تأليف و إنتاج لفنان لمغريبي نادر خياط، لمعروف ب ريدوان، لي دارها باش تكون لأغنية الرسمية ديال كاس لعالم د لأندية 2022 لي تلعبات ف لمغريب.[1] صدرات بشكل رسمي ف السيت د فيفا ف 5 فبراير 2023.[2] هاد لأغنية طلعات ف الطوندونس لمغريبي د يوتيوب، و كانت جمعات كتر من 1,7 مليون مشاهدة تال حدود 7 فبراير 2023.[3]
لأداء د لأغنية داروه مجموعة من لمغنين لمغاربا لمعروفين بحال أسماء لمنور، ريم فكري، أمينوكس، نعمان بلعياشي، دوزي، زهير بهاوي، حاتم عمور و ديزي دروس.[3][4]
لفكرة و لإستقبال د لأغنية[بدل | بدل لكود]
ريدوان ڭال بلي هاد لأغنية كاتعبر على الروح ديال تامغرابيت. و زاد بيلا التجربة ديال إنتاج هاد لأغنية كانت "عامرة ب لأحاسيس"، و بلي كانت "مسؤولية" كبيرة على كتافو. و عبر على لفخر ديالو ف تمتيل لمغريب على لمستوى الدولي معا مونضامة بحال لفيفا.[3][5]
على حساب مقال ديال موروكو وورلد نيوز، لڤيديو كليپ ديال ويلكام تو موروكو كيبيّن مضاهر ديال التقافة و التاريخ د لمغريب، زيادة على لكرم و لمضايفة ديالو، و لحب ديالو ل لكورة.[3]
السيت ديال بيزنيس غانا ڭال بلي لأغنية عندها "حيوية"، و بلي "كاتحتافل ب لاكريم ديال لموهبة لموسيقية د لمغريب".[6]
عيون لكلام[بدل | بدل لكود]
- ^ "RedOne's anthem song for FIFA club world cup". تطّالع عليه ب تاريخ 2024-02-16.
- ^ "FIFA Releases Club World Cup Song Produced by Morocco's RedOne". 2023-02-05. تطّالع عليه ب تاريخ 2024-02-16.
- ^ a b c d "RedOne: Club World Cup Song Reflects Spirit of Tameghrabit". 2023-02-07. تطّالع عليه ب تاريخ 2024-02-16.
- ^ "La chanson officielle de la coupe du monde des clubs". 2023-02-05. تطّالع عليه ب تاريخ 2024-02-16.
- ^ "FIFA and RedOne bring top musical talents together in Welcome to Morocco, the FIFA Club World Cup 2022™ anthem". 2023-02-06. تطّالع عليه ب تاريخ 2024-02-16.
- ^ "FIFA and RedOne bring top musical talents together in Welcome to Morocco, the FIFA Club World Cup..." 2023-02-07. تطّالع عليه ب تاريخ 2024-02-16.
 هادي زريعة ديال مقالة خاصها تّوسع. تقدر تشارك ف لكتبة ديالها. |