ويكيپيديا:لحكام د لمحتوى - معايير لجودة

من ويكيپيديا
هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير مستخدم أمغار.

يلا بغيتي تقتارح شي تبديل ف لْحكام ديال معايير لجودة د لمقالات، حلّ شي حلقة د نّيقاش ف لبرلمان ولا حلّ شي حلقة ف صّفحة د إمغارن.

روابط نقاشات لمصادقة: 1 -

جّماعة د ويكيپيديا ب دّاريجة عندها حْكام خاصّين ب لجودة د لمحتوى لّي كاين ف لموسوعة، و لّي لهدف ديالهوم :

  • تّعريف د مستويات لجودة د لمحتوى: لمقالات، لّيستات، تّصاور و لقيساريات.
  • تّحديد د طّريقة باش كايتصنّفو لمقالات و كيفاش و فين كايتدارو نّيقاشات و لقرارات ديال جودة لمحتوى.

معايير لجودة

لمقالات

بْدية مقبولة

لمقالة لبْدية هي لمستوى لّول باش نقدرو نقولو أن مقالة مقبولة تكون ف لموسوعة. خاصّ عل لأقلّ تحقق هاد شّروط:

  • تكون عندها مقدّمة مكتوبة ب شكل موسوعي: أهم حاجة هو تعطي فكرة لولانية و واضحة على لموضوع لشي قاري نفرضو بلي ما عارف عليه والو.
  • تكون عندها علأقل فقرة وحدة و تكون كبر من لمقدمة ولا علأقل قدّها.
  • يكون فيها علأقلّ مصدر واحد. و عندها تصنيف واحد علأقل.
  • ماتكونش مقطوعة من شجرة: خاص يكونو ليانات ديالها ف مقالات خرين ف لموسوعة.
  • ماتكونش زنقة ماكاتخرجش: خاص تا هيا يكون فيها علأقل ليان ل مقالة خرة ف لموسوعة.
  • تكون مربوطة معا دّخلة لّي موافقة ليها ف ويكيداطا.
  • ما يكونوش فيها فقرات خاويين، و يلا كانو خاص يتزاد فيهوم لقالب ديال "هاد لفقرة مازالا خاوية ولا ناقصة".
  • يكون عندها صندوق معلومات، على قدر ليمكان و على حساب واش كاين ولا لا.
  • يكون لحجم ديالها كبر من 4000 بايت.

مقالة مزيانة

لمقالة لمزيانة خاصّها تعطي معلومات وافية و مكمولة على لموضوع ديالها ب شكل لّي يخلّي لقارئ يعرف لموهيم ف لموضوع بلا ما يحتاج يخرج من لموسوعة، وحتا يلا خرج يقدر يلقا تّفاصيل كاملة ف لمصادير و لّيانات لخارجيين لّي مقتارحاهوم لمقالة. ب زيادة على لمعايير د لبدية لمقبولة، لمقالة لمزيانة خاصّها تحقق هاد شّروط:

  • يكون لحجم ديالها كبر من 40000 بايت.
  • يكونو ساهمو ف لكتبة ديالها عل لأقل 3 د لمحررين.
  • يكونو لمحررين لّي كتبوها دارو حدّ أدنى ديال تّنسيق د لكتابة ديالها ف صفحة نيقاش لمقالة ولا ف صفحة د شي مشروع وسط لموسوعة.
  • ما تكون فيها تا شي وصلة حمرا ما زالا ما محلولة.
  • لّيانات لّي كاتدّيليهوم صّفحة خاصّهوم يكونو كاملين عل لأقل "بديات مقبولين".
  • تكون عندها ڤيرسيون مهضورة.
  • تكون موتّقة ب لّي يكفي من لملفّات لبصرية: تصاور، خرائط، مبيانات...

مقالة مخيّرة

لمقالة لمخيّرة كاتكون كاتدوي على شي موضوع كبير بزّاف، و هي بحال شي قيسارية صغيرة د لمعلومات بّوحدها، لموضوع ديالها كايخصّ لمقالة رّئيسية د شي مجال معرفي و خاصّها تمكّن لقارئ باش ياخد لمعلومات رّئيسية على لموضوع و تحطّ بين يديه دوزان معرفي إضافي بحال لمقالات لفرعية، لمصادير، لّيانات لخارجية و رّسوم تّوضيحية و تّصاور. ب زيادة على لمعايير د لمقالة لمزيانة، لمقالة لمزيانة خاصّها تحقق هاد شّروط:

  • يكون لحجم ديالها كبر من 80000 بايت.
  • يكونو ساهمو ف لكتبة ديالها عل لأقل 10 د لمحررين.
  • لمحتوى ديالها ما خاصّوش يكون كايتبدّل بزّاف، و تا يلا كان خاصّو يكون قليل بزّاف و يتحوّل ل مقالات فرعية، على قدر لإمكان.

لّيستات

لّيساتا (ولا لقوائم) هوما صفحات كايجردو لوائح موضوعاتية مرتابطين ب شي موضوع. هوما بحال شي فهرس موتّق مزيان و مربوط مع لمقالات د لموسوعة. لّيستات لمخيّرين خاصّهوم يحتارمو هاد شّروط:

  • تكون مربوطة مع دّخلة لّي موافقة ليها ف ويكيداطا.
  • تكون عندها مقدّمة وافية كاتشرح مزيان لموضوع د لّيستا.
  • تقتارح عل لأقلّ مقالة وحدة متعمقة مرتابطة ب لموضوع و لّي خاصّها تكون ف لمينيموم مزيانة.
  • كل عنصر ف لّيستا خاصّ يكون معاه ملخص صغير ديال لمعلومات باش نقدرو نميّزوه على لعناصر لخرا.
  • يكونو لوصلات لحومر لّي ما زال ما محلولين قلّ من 10% من لعدد د لعناصر د لّيستا.
  • يكونو كل لوصلات دّاخلية لّي كاينين فيها كايدّيو ل مقالات، عل لأقل "بديات مقبولين".
  • تكون منضّمة مزيان و لعناصر مرتّبة على حساب لوجيك واضحة.
  • تكون موتّقة ب تّصاور و ب روسوم كاتلخّص لموضوع د لّيستا.

لقيساريات

لقيساريات (ولا لبوّابات ولا لبيبان) هوما صفحات موضوعاتية، دايرا بحال شي سيت صغير وسط لموسوعة، كاتجمّع لمعارف و لمعلومات ديال شي مجال معرفي كبير بزّاف. لقيساريات خاصّهوم يمنحو ل لقارئ تجربة معرفية زوينة و ساهلة، و زيادة عليها خاصّهوم يقتارحو هيكلة باينة و پيداغوجية ديال لمجال لمعرفي لّي كايقدّموه. لقيسارية لمخيّرة خاصّها تطبّق هاد شّروط:

  • لمقالة رّئيسية ديالها خاصّها تكون عل لأقل مزيانة.
  • دّيزاين و لإخراج لفنّي ديالها خاصو يكون مزيان و ساهل ف تّبدال و تّحيين.
  • تكون كاتجمّع على لأقل 100 مقالة ف لمجموع ديال شنو كاين ف جميع تّصنيفات لفرعية ديال جّدر لفوقاني ديالها.
  • يكون عندها فريق مشروع ناشط ف لموسوعة فيه على لأقل 3 د لمحرّرين.
  • يكونو عندها حلاقي ناشطين ديال تّنسيق و تّنضيم د لخدمة ديالها.

تّصاور

تّصاور لمخيّرين د لموسوعة كايتحدّدو ب لقتيراح ديال أي موساهيم و معايير لجودة ديالهوم كاتحدّدها حلقة نيقاش تّصويت.

لمحتوى لمروّن و لّي محتاج يتّخدم

  • كيف ما لحْكام د لمحتوى مديورين باش يطلّعو لمحتوى لمزيان ف لموسوعة، كايحدّدو تا معايير ديال لمحتوى لمرون ولا لّي لجودة ديالو ناقصة.
  • هاد لجزء د لحكام لهدف لّول ديالو هو يحطّ ميكانيزمات باش يتّطبع لمحتوى لمرون ب تّصنيفات ضّرورية باش جّماعة تقدر تخدم على تّطوير و تّحسين ديالو.
  • جّماعة خاصّها تطبع، على قدّ لإمكان، لمحتوى لمرون/نّاقص ب لقوالب د صّيانة ضّرورية: هاد لقوالب خاصّهوم يتطورو ف أسرع وقت باش يولّيو أوطوماتيك و يدّارو تبديلات د جّملة باش يتزادو.

لقوالب د صّيانة د لمحتوى لمروّن

لمشكل لقالب تصنيف صّيانة شكون كايزيدو كاين بوت كايزيدو شنو خاصّ يدّار من بعد ما كايتحلّ لموشكيل
ما كاينينش لمصادير قالب: مقالة ناقصينها لمصادير تصنيف: مقالات بلا مصادير أي واحد مازال زوّل لقالب و تّصنيف
مقطوعة من شجرة

ما كاتوصلها تا شي مقالة خرا ف لموسوعة

قالب: مقالة مقطوعة من شجرة تصنيف: مقالات مقطوعين من شجرة أي واحد مازال زوّل لقالب و تّصنيف
زنقة ماكاتخرجش

ما كاتدّيش ل شي صفحة خرا

قالب: مقالة زنقة ماكاتخرجش تصنيف: مقالات زناقي ماكايخرّجوش أي واحد ما زال زوّل لقالب و تّصنيف
مقالة گاع ما داخلة ف ويكيداطا ماتحتاجش، كاينة صفحة خاصة د لمتابعة ديالهوم.
مقالة ما مصنّفاش قالب: مقالة ما مصنّفاش تصنيف: مقالات ما مصنّفينش أي واحد ما زال زوّل لقالب و تّصنيف
مقالة خاصّها تّقاد قالب: مقالة خاصّها تّقاد تصنيف: مقالات مروّنين أمغار ما زال زوّل لقالب و تّصنيف
فقرة مازالا خاوية ولا ناقصة قالب: فقرة مازالا خاوية ولا ناقصة تصنيف: مقالات فيهوم فقرات خاويين أي واحد ما زال زوّل لقالب و تّصنيف

مسطرة لمحتوى لمزيان

معيار لجودة كيفاش كايتحدّد فين كايتحدّد شكون كايطبع شنو خاصّو يدير
مقالة "بدية مقبولة" تقييم فردي د لمقالة أي محرّر* عندو گراد د "مؤكد تلقائيا" يمكن يديرو لمحرّر لّي دار تّقييم يزيد لقالب "بدية مقبولة" ف لمقالة و يصنّفها "بدية مقبولة" يلا ما كانش لقالب كايصنّف ب شكل آلي.
مقالة "مزيانة" قتيراح + حلقة د نّيقاش + تصويت أي محرّر* يمكن يحلّ حلقة د نيقاش ف صفحة ترشيح لمقالات لمزيانة. كل حلقة خاصّ يكون عندها شي أمغار كاينسّقها. لحلقة يمكن يشارك فيها أي واحد من جّماعة و يمكن تقتارح تحسينات على لمقالة. لأمغار لّي نسّق لحلقة يلا تقبلات لمقالة تكون مزيانة، يزيد لقالب "مقالة مزيانة" ف لمقالة و معاه ليان د نيقاش تّرشيح.
مقالة "مخيّرة" قتيراح + حلقة د نّيقاش + تصويت أي محرّر* يمكن يحلّ حلقة د نيقاش ف صفحة ترشيح لمقالات لمخيّرة. كل حلقة خاصّ يكون عندها شي أمغار كاينسّقها. لحلقة يمكن يشارك فيها أي واحد من جّماعة و يمكن تقتارح تحسينات على لمقالة. لأمغار لّي نسّق لحلقة يلا تقبلات لمقالة تكون مخيّرة، يزيد لقالب "مقالة مخيّرة" ف لمقالة و معاه ليان د نيقاش تّرشيح.
ليستا مخيّرة قتيراح + حلقة د نّيقاش + تصويت أي محرّر* يمكن يحلّ حلقة د نيقاش ف صفحة ترشيح لّيستات لمخيّرة. كل حلقة خاصّ يكون عندها شي أمغار كاينسّقها. لحلقة يمكن يشارك فيها أي واحد من جّماعة و يمكن تقتارح تحسينات على لمقالة. لأمغار لّي نسّق لحلقة يلا تقبلات لّيستا تكون مخيّرة، يزيد لقالب "ليستا مخيّرة" ف لمقالة و معاه ليان د نيقاش تّرشيح.
قيسارية مخيّرة قتيراح + حلقة د نّيقاش + تصويت أي محرّر* يمكن يحلّ حلقة د نيقاش ف صفحة ترشيح لقيساريات لمخيّرة. كل حلقة خاصّ يكون عندها شي أمغار كاينسّقها. لحلقة يمكن يشارك فيها أي واحد من جّماعة و يمكن تقتارح تحسينات على لمقالة. لأمغار لّي نسّق لحلقة يلا تقبلات لّيستا تكون مخيّرة، يزيد لقالب "قيسارية مخيّرة" ف لمقالة و معاه ليان د نيقاش تّرشيح.
تصويرة مخيرة قتيراح + حلقة د نّيقاش + تصويت أي محرّر* يمكن يحلّ حلقة د نيقاش ف صفحة ترشيح تّصاور لمخيّرين. كل حلقة خاصّ يكون عندها شي أمغار كاينسّقها. لحلقة يمكن يشارك فيها أي واحد من جّماعة و يمكن تقتارح تحسينات على لمقالة. لأمغار لّي نسّق لحلقة يلا تقبلات تّصويرة تكون مخيرة، يزيد لقالب "تصويرة مخيّرة" ف لمقالة و معاه ليان د نيقاش تّرشيح.

*: ماشي ب ضّرورة يكون ساهم فيها

مؤشرات تّتبع

لمؤشّر لقيمة تّقل ب نّسبة ل نيڤو لميتالي د تّقل تاريخ
لمقالات لّي هوما "بديات مقبولين" ? 0% عدد لمقالات 2477 50%
لمقالات لمزيانين 0 0% عدد لمقالات 2477 5%
لمقالات لمخيّرين 0 0% عدد لمقالات 2477 1%
لّيستات لمخيّرين 0 0% عدد لّيستات 0 10%
لقيساريات لمخيّرين 0 0% عدد لقيساريات 2 10%
مقالات بلا مصادير ? 0% عدد لمقالات 2477 10%
مقالات مقطوعة من شجرة ? 0% عدد لمقالات 2477 1%
مقالات زناقي ماكايخرّجوش ? 0% عدد لمقالات 2477 1%
مقالات گاع ما داخلة ف ويكيداطا 1146 46% عدد لمقالات 2477 5% 8 شتنبر 2020
مقالات ما مصنّفاش ? 0% عدد لمقالات 2477 1%
مقالات مروّنين ? 0% عدد لمقالات 2477 20%
مقالات فيهوم فقرات باقيين خاويين ولا ناقصين ? 0% عدد لمقالات 2477 30%

دوزان موهيمّ ديال جودة لمحتوى

  • قوالب تّرشيح: مقالة مزيانة، مقالة مخيّرة، ليستا مزيانة، ليستا مخيّرة
  • قوالب لجودة: بدية مقبولة، مقالة مزيانة، مقالة مخيّرة، ليستا مزيانة، ليستا مخيّرة.
  • قوالب لمحتوى لمروّن ولا لّي خاصّو لخدمة: قالب: مقالة ناقصينها لمصادير، قالب: مقالة مقطوعة من شجرة، قالب: مقالة زنقة ماكاتخرجش، قالب: مقالة گاع ما داخلة ف ويكيداطا، قالب: مقالة ما مصنّفاش، قالب: مقالة خاصّها تّقاد، قالب: فقرة مازالا خاوية ولا ناقصة.

صفحات مرتابطة