نورا أشهبار
نورا أشهبار
| ||
| معلومات عامة | ||
| زيادة | 21 يونيو 1982 (42 عام) سيدي سليمان (لمغريب) | |
| لجنسية | مملكة هولاندا | |
| لحرفة | سياسية | |
| معلومات خرى | ||
| لحيزب | New Social Contract | |
  
| ||
نورا أشهبار، تولدات ف 21 يونيو 1982 ف سيدي سليمان،[1][2][3] هي سياسية ؤ محامية هولاندية من أصل مغريبي. ولات ف يوليوز 2024 وزيرة دولة مكلفة ب ضريبة ؤ ديوانة ف حوكومة سخوف. بين 2014 و 2024 كانت وكيلة عامة ف لمكتب د نّيابة لعامة ف لمنطقة د لاهاي.
من 1994 ل 2000، دوزات أشهبار قرايتها قبل لجاميعة ف لكوليج د يوهان دي ويت ف لاهاي، فين كانت رايسة د لمجليس د طلبة ؤ منصة ڭود (لمشاورة لكبيرة د طلبة د لاهاي). بين 2000 ؤ 2007 قرات لقانون لهولاندي ف جاميعة ليدن ؤ تخرجات ف تخصص موسوعة ؤ فلسافة لقانون. ملي كانت كاتقرا كانت عضو ف جمعية ل.ڤ.ڤ.س ؤڭستينوس ؤ لجمعية لؤروپية د طلبة د لقانون.[4] من 1999 ل 2001 كانت عضو ف لجنة د توجيه "لمعايير ؤ لقيم ف مدينة متعددة تقافات" لي تابع ل سربيس د تعليم ؤ تقافة ؤ رعاية جتيماعية ف بلدية لاهاي. ف 2000، خدمات سكرتيرة د تحرير سّياسي ف جورنالات د شركة نّشر لهولاندية ف لاهاي.[1][2][3][5]
من 2014 ل 2024، كانت أشهبار وكيلة لعامة ف لمكتب د نيابة لعامة ف لاهاي. بين 2020 ؤ 2021، خدمات نايبة د لقاضي ف لقانون لجينائي ؤ لإداري ف لمحكمة د لولاية د لاهاي. كانت أشهبار داخلة ف بزاف د لجنات ف نيابة لعامة.[1][2][3]
كانت أشهبار ف لبلاصة 26 ف ليستة د لمرشحين د حيزب لعقد جتيماعي جّديد ف نتيخابات د مجليس نّواب د 2023. جابت 1373 صوت تفضيلي، شي لي ماخلاهاش تولي عضو ف مجليس نّواب. تعينات وزيرة دولة د ضريبة ؤ ديوانة ف حوكومة سخوف ف 2 يوليوز 2024 ب نيابة على لحيزب ديالها.[1][2][3]
أشهبار مجوجة و عندها جوج دراري.[2][3]
- ^ a b c d CV mw Achahbar, Tweede Kamer, 19 juni 2024. Gearchiveerd op 30 juni 2024.
- ^ a b c d e Nora Achahbar, NSC, geraadpleegd op 30 juni 2024. Gearchiveerd op 30 juni 2024.
- ^ a b c d e Mr. N. (Nora) Achahbar, Parlement.com, geraadpleegd op 30 juni 2024. Gearchiveerd op 30 juni 2024.
- ^ "Kabinet Schoof I: deze bewindslieden studeerden in Leiden". Universiteit Leiden. 2024-07-02. تطّالع عليه ب تاريخ 2024-07-02.
- ^ Interview met Nora Achahbar, OM, geraadpleegd op 30 juni 2024. Gearchiveerd op 30 juni 2024.