سيدي سليمان
سيدي سليمان
| ||||
|
سيدي سليمان (ar) | ||||
| ||||
| لبلاصة | ||||
| لبلاد | لمغريب | |||
| لإقليم | إقليم سيدي سليمان | |||
| السكان | ||||
| شحال دالسكان | 95,114 (2024) | |||
| شحال دلفاميلات | 24,198 (2024) | |||
| لجغرافيا | ||||
| لعلو | 41 م | |||
| خط الطول بـ ° | -5.92540741 | |||
| خط لعرض بـ ° | 34.25948651 | |||
| معلومات خرين | ||||
| الرمز لجغرافي | 2532945 | |||
| لخريطة | ||||
| ||||
سيدي سليمان مدينة مغريبية و جماعة ترابية حضرية كاينة ف إقليم سيدي سليمان، جهة رّباط سلا قنيطرة، ساكنين فيها 78.063 واحد، على حسب لإحصاء لعام 2024.[1]
سيدي سليمان تبنات فوقت الحماية الفرنسية على المغرب. كان عندها دور مهم فالاستراتيجية والاقتصاد، وكانت مركز كبير لقبايل بني احسن. ملي دخلو الفرنسيس للمنطقة، بداو كيبنيو القشلات العسكرية والمراكز الإدارية، وزادو بداو كيبنيو الطرقان والسكك الحديدية والسدود.[2]
فأول القرن العشرين، الفرنسيس دارو ضيعات فلاحية وبناو منشآت كبار باش يخليو المدينة مركز مهم للفلاحة والصناعة. فرنسا استثمرات بزاف باش تطور البنية التحتية الفلاحية، بحال السدود والقنوات باش يسهلو السقي.[2]
واحد الشخصية مهمة فتاريخ سيدي سليمان كان هو هنري بريو، اللي كان المسؤول العسكري الفرنسي فالمنطقة. هو اللي أسس أول فيرما فلاحية كبيرة فالمدينة، وهو اللي عطى الفكرة باش يتبنى مركز ستعماري سماه سيدي سليمان. [2]
فسنة 1920، تبنى الخط ديال السكة الحديدية اللي كيربط الدار البيضا بفاس و دايز من سيدي سليمان. وفسنة 1934، تكمل لبني ديال سد القنصرة على واد بهت، اللي كان عندو دور كبير فتطوير الفلاحة فالمنطقة.[2]
بعد الاستقلال، المدينة بقات مركز فلاحي مهم، ولكن مع مرور الوقت، بدات كتعرف مشاكل بحال السدان د المصانع وانتشار السكن العشوائي. دابا، المدينة كتواجه تحديات اقتصادية واجتماعية كبيرة.[2]
مدينة سيدي سليمان من المدون الصغيرة القديمة. ف فترة الإستعمار، سموها "باريس الصغيرة".[3] المدينة مبنية فوق سهل واطي، علاين 40 ميترو فوق مستوى سطح البحر. فيها واد كبير جاي من جبال الأطلس. ما كاينش فيها حتى شي مصنع، هادا اللي كيخلي الهوا فيها نقي.[مصدر؟] الطريق الوطنية رقم 4 اللي رابطة بين سيدي قاسم و القنيطرة كتدوز من وسط المدينة. محطة د التران موجودة ف الشمال ديال المدينة. فيها 8 مدارس ابتدائية، 4 إعداديات، و3 الليسيات. أما النواحي ديال المدينة معروفة بزراعة الحوامض والحبوب والخضروات. فيها سوق بلدي، و تيران رياضي للفريق ديال المدينة. و ف وسط المدينة كاينة خزانة بلدية لطلاب باش يقراو و يوجدو للإمتحانات.
مناخ سيدي سليمان هو مناخ متوسطي. فيه شتا و حرارة معتدلة ف الشتوة، و حرارة و جفاف ف الصيف. المعدل السنوي لكمية الشتا فيه علاين 455 ملم. لكن بسبب التغيرات المناخية، كل هاذ المعدلات تبدلت.
على سبيل المثال، درجة الحرارة ف مدينة سيدي سليمان وصلت 45 درجة ف شهر يوليوز سنة 2009، وف غشت سنة 2010 وصلت 47 درجة. ومن الأحداث النادرة ف المدينة، سقوط الثلج ف أول فبراير سنة 1954. هاذ الظاهرة تكررت ف شهر يناير سنة 2017.
ف 5 فبراير 2024، حلو المركز التقافي الجديد فمدينة سيدي سليمان، لي كان كنيسة قديمة وولا قاعة جديدة ديال العروض التقافية.[4]
حلو المركز فعشية السبت 3 فبراير بواحد المسرحية سميتها "مرا من زبرجد". الكنيسة لي كانو بناوها فوقت الاستعمار الفرنسي تبدلات بزاف باش تولي دابا مركز تقافي.[4]
التغييرات لي دارو فالبني كتشمل تحويل البلاصة فين كانو كيوقفو الأساقفة لخشبة ديال العرض، وزادو جابو تجهيزات تقنية جديدة بحال الضو، والتحكم فالصوت، وعرض الأفلام. هاد التغييرات كيهدفو باش يدعمو الأنشطة التقافية المختلفة من مسرح وندوات وسينما، وهادشي غادي يزيد حاجة جديدة للحياة التقافية فالمدينة.[4]
حي السلام. حي أكدال. حي الغمارين. حي بام. حي الليمون. حي السليمانية. حي خريبكة. حي ولاد الغازي. حي ولاد زيد. حي المصنع. حي الوفاء -تجزئة حمان-. حي رضا. حي الخير. حي المحمدية. حي الرياض.[5]
- نسبة لأمية (نّاس لّي ما كايعرفوش يقراو ولا يكتبو) : 25,3%
- نسبة سّكان لّي قاريين فوق تّانوي (تانوي و جامعة): 20,4%
- نسبة نّاس نّشيطين (لّي يقدرو يخدمو): 46,7%
- نسبة لبطالة (نّاس لّي ما خدامينش و تايقلبو على خدمة): 26,2%
- نسبة نّاس اللي خدامين ف دّولة : 15,7%
- نسبة نّاس اللي خدامين في لقطاع لخاص :41%
- ^ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-08-22.
- ^ a b c d e بوخرطة، الحسين (29/06/2010). "مدينة سيدي سليمان أو «حاضرة للنوم» . .ما بين التراكمات السلبية وانتظارات المثقفين والمتتبعين". www.maghress.com. الحسين بوخرطة. تطّالع عليه ب تاريخ 10/08/2024. Check date values in:
|accessdate=, |date=(معاونة) - ^ "مدينة سيدي سليمان: باريس الصغيرة". الشاملة بريس (ب لعربية). تطّالع عليه ب تاريخ 2024-08-09.
- ^ a b c اربعي، خالد (2024-02-05). "كنيسة تتحول إلى مركز ثقافي بسيدي سليمان". زنقة 20 (ب لعربية). تطّالع عليه ب تاريخ 2024-08-09.
- ^ "مدينة سيدي سليمان". موضوع (ب لعربية). تطّالع عليه ب تاريخ 2024-08-09.
|
تقدر تزيد شوف بزاف د تّصاور و لمعلومات ديال Sidi Slimane, Morocco ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |