التورة لفرانساوية

الدخلة د لحبس د لباستيي ف وسط التورة لفرانساوية ف 14 يوليوز 1789.

التورة لفرانساوية (ب لفرانساوية: Révolution française) هي واحد لوقيتة ف التاريخ ديال فرانسا (بدات ف ماي 1789 و سالات ف نونبر 1799) اللي أترات بزاف ف لبلاد مبعد و كانو عليها نتائج كبار لا على فرانسا و لا على لعالم. من أهم النتائج ديال هاد التورة هي باللي ما بقاتش لملكية لمطلقة (تعدم لماليك لويس 16 ف 1793) و ولاّت فرانسا جمهورية علمانية. التورة لفرانساوية سالات ف 1799 ملّي ناپوليون بوناپارت حكم فرانسا و ردّها إمبراطورية عسكرية.

التورة لفرانساوية كانو عندها بزاف د لأسباب ولكن لأغلبية د لمؤرخين متافقين باللي جات حيت فرانسا ديك لوقت كان فيها لفساد و لإستبداد و التفاوت الطبقي و لمشاكل ديال لقتيصاد اللي ماقدراتش الدولة تصلحها.

من أهم لأحدات د التورة لفرانساوية هو ملّي دخلو الناس للحبس ديال لباستيي و خرّجو منو لحبّاسا اللي كانو فيه. هاد لحدت بيّن لانهيار ديال الدولة و كان الشرارة ديال التورة. موراه بشهر تدار لإعلان ديال حقوق لإنسان و لمواطن و حبس النضام لفيودالي لي كان كيعطي متيازات ل النوبالا و كيستعبد الطبقة د لفلاحين.

شوف حتا

• التورة الروسية

عيون لكلام

تقدر تزيد شوف بزاف د تّصاور و لمعلومات ديال French Revolution ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.