مول لمليح (مسلسل)
مول لمليح
| ||
| ||
| النوع | دراما | |
| لأدوار الرئيسية | ||
| لبلاد | لمغريب | |
| اللوغة | الداريجة لمغريبية | |
| لموقع دالتصوير | مراكش | |
| لبت ولعرض | ||
| لبدية | 4 أبريل 2022 | |
| شحال د لحلقات | 24 | |
| لقنوات اللي داز منها | قناة لأولى (المغريب) | |
 
| ||
مول لمليح هوّ مسلسل درامي مغريبي بان ف 2022، من لإخراج ديال أيوب لهنود، سيناريو ديال مامون الناصيري، و متّلو فيه عبد الإله رشيد، سعد موفق، سعيد باي، فضيلة بنموسى، كوثر تيسية، ريم فكري و غيرهوم.[1][2][3] تبت هاد لمسلسل على لقناة اللولة ف شهر رمضان، و كان كيدوز على التلفازة من التنين ل لخميس معا 22:30 ب توقيت ڭرينيتش.[4]
هاد لمسلسل كيعاود لقصة ديال جوج خوت و كيفاش طلعو من حومة شعبية ف مراكش ل عالم الشهرة و لبيزنيس، تا ولاو كيمتالكو واحد من أشهر الريسطوات ف لبلاد، و كيفاش طورو راسهوم و واجهو بزاف د التحديات تا حققو لأحلام ديالهوم.[5]
لفكرة لأصلية ديال مامون الناصيري، و السيناريو تّكتب بشكل جماعي معا لموخريج أيوب لهنود و كتّاب خرين د السيناريو. حاولو لكتّاب باش يبيّنو لعقبات لي كيواجهو الشباب لمغريبي ف تحقيق لأحلام ديالو.
لمسلسل كيبدا ف لقنت د لحومة، ملي لعربي كيحط لكرّوصة ديالو لي كيبيع فيها الساندويتشات. لعربي واحد الشاب كيدمر و كيصوّر طرف د لخبز من عرق جبهتو، و باغي يطور راسو و يحسن لمستوى لإجتماعي ديالو. و باغي يرد الجميل ل لواليدة ديالو لي رباتو، و يتهلا ف حبيبتو سعيدة.
لعكس من هادشي، خوه الصغير عباس مستهتر و مشومر، و ماباغي يدير تا شي مجهود باش يوصل ل لكبيدة ديال حنان لي ساكنة ف نفس لحومة و ماكاتبادلوش لمشاعر، حيت كاتميل ل خوه لعربي.
عباس كيكتاشف وصفة د الطياب سحرية لي كاتبدل حياتو و حياة خوه، و كاتخليهوم يوصلو ل النجاح و يترفحو، ولاكين هادشي غايأتر بشكل خايب على لعلاقة بيناتهوم.
| الممثل. | الدور | الشخصية |
|---|---|---|
| عبد لإله رشيد | لعربي | شاب كيبيع الساندويتشات ف كروصة ف حومة شعبية |
| سعد موفق | عباس | لخو الصغير ديال لعربي |
| سعيد باي | فؤاد | راجل خت لعربي و عباس، خدّام ف شركة و ديما مدابز معا مراتو |
| فضيلة بنموسى | لحاجة | لم ديال لعربي و عباس |
| كوثر تيسية | زينب | خت لعربي و عباس و مرات فؤاد |
| ريم فكري | سعيدة | خطيبة د لعربي ف لبدية د لمسلسل |
- ^ مول لمليح (مسلسل) ف بازدوني د لأفلام لعربية
- ^ Mike (15 شتنبر 2022). "Mass Exodus: Successive Military Regimes in Myanmar Drive Out Millions of People". The Irrawaddy (ب نڭليزية). مأرشيڤي من لأصل ف 26 أكتوبر 2022. تطّالع عليه ب تاريخ 22 شتنبر 2022.
- ^ "معلومات عن مول لمليح (مسلسل) على موقع imdb.com". imdb.com. مأرشيڤي من لأصل ف 26 أبريل 2022.
- ^ مول لمليح .. رشيد في شخصية مختلفة (اطلع عليه بتاريخ 24 يناير 2022)
- ^ هذه مسلسلات الأولى الدرامية في رمضان (اطلع عليه بتاريخ 14 مارس 2022)
مزاود
[بدل لكود]- مول لمليح على موقع IMDb (الإنجليزية)
- مول لمليح على موقع قاعدة بيانات الأفلام العربية (العربية)
- مول لمليح على موقع قاعدة بيانات الفيلم (الإنجليزية)
