موركاب محمد الخامس

موركاب محمد الخامس
الرياضة	كورة
لمدينة	الدار البيضا، لمغريب زنقة أحمد لزرق، لمعاريف، 20250 الدار لبيضا
شحال كيهز	67.000
تحل فـ	6 شهر 3، 1955
لمالك	الدار البيضا
لمدير	لمجليس لبلدي ديال الدار البيضا
لفراقي	الوداد البيضاوي الرجاء البيضاوي لمنتخب لوطني لمغريبي
تجدد فـ	1983، 2000، 2016 و2019.
أبعاد التيران	105 ميترو فالطول و68 ميترو فلعرض
نوع لݣازون	ݣازون طبيعي
سميات قدام	ستاد مارسيل سيردان

لموركاب الرياضي محمد الخامس أولا تيران محمد الخامس، كيتسمى حتى ستاد ضونور هو موركاب كاين فوسط مدينة الدار البيضا لمغريبية، فمنطقة لمعاريف. التيران فيه 67.000 كرسي وقدر يهز حتال 95.000 مشجع. واخا كيكونو فيه بزاف ديال لميتشان ديال لمنتخب لوطني، فراه التيران ديال محمد الخامس كيشهد لميتشان ديال جوج من أكبر لفراقي فلبلاد، واللي هوما الوداد البيضاوي والرجاء البيضاوي. جا التيران فسونطرڤيل ديال الدار البيضا، بعيد على لمطار الدولي بشي 25 كيلوميتر و5 كيلوميتر على لمحطة ديال كازا دالتران دلمسافرين.

لموركاب اليوم فيه إلى جانب التيران، واحد لقاعة متعددة الرياضات كتهز 15.000 متفرج، پيسين أولمبي مفتوح، قاعة ديال الندوات، مركز إعلامي فيه 650m²، قاعة ديال لجتيماعات، مركز ديال لعلاجات ومركز ديال محاربة لمنشيطات.

تاريخ

حل هاد التيران بيبانو نهار 6 شهر 3، 1955 تحت مسمى ستاد مارسيل سيردان، من موراها بعام تبدلات سميتو للملعب الشرفي. من مورا ليصلاحات ديال 1983 باش تنضم فيه ألعاب لبحر لمتوسط، خدا التيران سميتو لحالية.

أهم لميتشان ولأحداث

28 شهر 7، 1985: لمغريب 2 - 0 مصر

• ماتش إقصائي ديال كاس لعالم 1986.
• لحضور : 65.000

28 شهر 4، 2004: لمغريب 0 - 1 الأرجنتين

• ماتش ودي
• لحضور: 85.000

6 شهر 5، 2006: الرجاء البيضاوي 1 - 0 نادي ENPPI

• إياب النهائي ديال دوري أبطال لعرب 2006
• لحضور: 70.000

6 شهر 11، 2011: الوداد البيضاوي 0 - 0 الترجي التونسي

• الدهاب دنهائي عصبة أبطال إفريقيا 2011
• لحضور: 65.000

تصاور

• 
  التيران فـ2008
• 
  تصويرة بانورامية للتيران فـ2017 فنهائي ديال عصبة لأبطال
• 
  الوداد البيضاوي ضد الرجاء البيضاوي فـ2008.

شوف حتى

• الوداد البيضاوي
• الرجاء البيضاوي
• بوطولا 1
• الدار البيضا

عيون لكلام

تقدر تزيد شوف بزاف د تّصاور و لمعلومات ديال Stade Mohamed V ف ويكيميديا كومنز.