موركاب فاس
موركاب فاس
| ||
| ||
| الرياضة | كورة | |
| لمدينة | فاس | |
| شحال كيهز | 45,000 | |
| بدا كيتبنى فـ | 1994 | |
| تحل فـ | 25 نونبر 2007 | |
| بشحال تبنى | 350 مليون درهم | |
| لمالك | جماعة فاس | |
| لفراقي | المغرب الفاسي - الوداد الفاسي | |
| أول ماتش | الرشاد البرنوصي (4)1-1(5) الجيش الملكي (25 نونبر 2007) "كاس لعرش 2006-2007" | |
| نوع لݣازون | طبيعي | |
| لخريطة | ||
| ||
موركاب فاس أولا المركب الرياضي بفاس هو تيران فمدينة فاس لمغريبية، وهو التيران الرسمي ديال لفراقي د المغرب الفاسي والوداد الفاسي.[1] كيستقبل التيران لميتشان ديال لفراقي بجوج بواحد لعدد ديال لمتفرجين واصل لـ45 ألف مشجع.[2] الݣازون ديال التيران طبيعي.
كانت لخدمة تطلقات ف1992 باقي، وكانو معوّلين باش إحلّوه ف1997. والاكين لخدمة دبصّح مابدات حتال 1994 بسباب شي مشاكيل تقنية. سالات لخدمة فالتيران فعام 2003.
أول ماطش تلعب فيه كان لفينال ديال كاس لعرش 2006-2007 نهار 25 نونبر 2007 فاش غلبات الجيش الملكي اللي كان من بوطولا 1 بخمسة لتلاتة پيلانتيات لفرقة دالرشاد البرنوصي من بوطولا 2. كان سالاو لأشواط لعادية بتعادول 1-1 وأول بيت تسجل دلك اللي ماركاه لكوايري دالجيش الملكي عتيق شهاب على راسو.[3] هاد لماطش دخلو ليه 40 ألف دلجمهور والدخلة كانت فابور.
الديزاين ديال هاد التيران هو الطريقة لمغريبية لأصيلة. التيران فيه قاعة ديال الصحافة، صالة ديال لعلاجات اللولة، صبيطار صغير وقاعة ديال لمحاربة دلمنشيطات.
لموركاب فيه حتا لپاركينݣ اللي يقدر يهز 7500 طوموبيلة وهو مزدي معا الصبيطار لجامعي لحسن التاني.
- ^ "تيران فاس فالسيت دstadiumdb.com، كاين فويب أركايڤ". مأرشيڤي من لأصل ف 27 مارس 2019.
- ^ "التيران فالسيت دكووورة".
- ^ "الصفحة ديال لماطش فكووورة".
|
تقدر تزيد شوف بزاف د تّصاور و لمعلومات ديال Complexe sportif de Fès ف ويكيميديا كومنز. |