موحا أوحمو الزياني
موحا أوحمو الزياني
| ||
 | ||
| معلومات عامة | ||
| زيادة | 1857 خنيفرة | |
| لموت | 27 مارس 1921 (63/64 عام) | |
| لجنسية | لمغريب | |
| لحرفة | قايد عسكري و شيخ قبيلة | |
| لّوغات لي كيعرف | عربية | |
| لفاميلة | ||
| لولاد | حسن بن محمد أمحزون أبو عزة بن محمد بن حمو الزياني أمهروق ولد موحا أوحمو الزياني | |
| لمحيط | لالة لطيفة أمحزون (حفيدة) عبد الحفيظ بن الحسن (نسيب) لحسن التاني (spouse of grand-child) | |
موحا أو حمًو أو عقًا أو حمد، لي معروف ب موحا أوحمُو الزياني (تزاد ف 1857 ف آيت حركات - مات ف 1921 ف توجڭالت) كان قايد (أمغار) ومقاوم مغريبي ضد ليستيعمار لفرانساوي ف زايان.
تزاد موحا أوحمو الزياني ف 1857 ف وسط عائلة أمحزون، لي تابعة ل قبيلة آيت حركات ف النواحي د خنيفرة، و لي هي طرف من لقبايل د زايان ف لأطلس لمتوسط.
ف 1886، من مورا ما مات خوه سعيد، عيًنو السلطان الحسن اللًول قايد (أمغار) ديال زايان وعطاه 300 عسكري وتلاتة د لمدافع.[1] السلطان عاون موحا حيت كان الحسن اللًول محالف مع لقبيلة ديالو و تيعطيهم السًلاح باش يحاربو لقبايل لي ماباغينش السلطان ف بلاد السيبة.
ف 1908، غادي يبدا موحا يحارب لفرانساويين لي كانو حتلو ديك لوقت الشاوية و الدار لبيضا. ف 1913، غادي يبداو يدخلو لفرانساويين ل لأطلس و غادي يحاربهم موحا و جيشو ف لقصيبة. ف نونبر 1914، غادي يغلبو لقبايل د زايان فرانسا ف لمعركة د لهري، لي تقتل فيها جينيرال فرانساوي و 33 من الضباط ديالو.[2] من بعد هاد لمعركة غادي تزيد فرانسا ف لعسكر ديالها وغادي تحتل خنيفرة. موحا و لجيش ديالو كملو لمقاومة ديالهم ف الجبل.
نهار 27 مارس 1921، ف لمعركة د أزلاك ن تازمًورت، غادي يموت موحا أوحمو الزياني من بعد ماتيرا فيه واحد من ولادو ب لغلط، وجاب فيه قرطاسة ف لعنق.[3]
- ↑ "موحا أحمو الزياني - المقاوم المغربي الذي أذل المستعمر الفرنسي". Archived from the original on 2022-08-11. Retrieved 2020-04-05.
- ↑ [youtube.com/watch?v=9ZFp8oqpcmY لقاء مع حفيد موحا أوحمو الزياني - أمودًُو (2019).]
- ↑ "موحى الزياني - أمازيغي واجه جيش دولة وقتله ابنه!". Archived from the original on 28 أبريل 2023.
