مركب نور ورزازات للطاقة الشمسية
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
مركب نور ورزازات للطاقة الشمسية هو واحد لموركّاب كبير كاين ف مدينة ورزازات. كايتكون من 4 ديال لمحطات اللي هي نور I، نور II، نور III، ونور IV. هاد لموركّاب ديال الطاقة الشمسية مكلفة بيه لوكالة لمغريبية د طّاقة لموستدامة اللي كاتسمى ختصاراً ب سميت مازن MASEN واللي تابعة ل لوزارة ديال الطاقة والمعادن والبيئة. أما التطوير والتسيير ديال المركز فا مكلفة بيه شركة أكوا پاور.[1][2][3]
هاد لمشروع ديال الطاقة الشمسية هو واحد لمشروع كبير كايعول عليه لمغرب بزاف فما كيتعلق ب الطاقات لمتجددة، و كايبلغ لإنتاج ديال هاد لمركّب ف جميع لمحطات ديالو 580 ميݣاواط. وتم التصميم ديالو على حساب مقاربة اللي كتعتمد على الشراكة بين لقطاعات لعام و لخاص وتم لإنجاز ديالو ب دعم من لبنك لإفريقي د تّنمية لي ساهم ب 485 مليون دولار ف لإنجاز ديال مختالف لمراحل د هاد لمشروع.
لبدية ديال لمشروع كانت هي نور I و اللي تم لفتيتاح ديالها ف سنة 2016. و هي كاتنتج 160 ميݣاواط.
لمحطات ديال نور II ونور III تم لفتيتاح ديالهم ف سنة 2017.[4]
نور II كاتنتج 200 ميݣاواط، و نور III كاتنتج 150 ميݣاواط.
لمحطة ديال نور IV تم لفتيتاح ديالها ف سنة 2018. هاد لمحطة كاتنتج 70 ميݣاواط.[5]
- ^ "مركب الطاقة الشمسية نور ورزازات يساهم في التحول الطاقي بإفريقيا". مأرشيڤي من لأصل ف 2021-04-18. تطّالع عليه ب تاريخ 2021-04-16.
- ^ "نور: أكبر مشروع لإنتاج الطاقة الشمسية بالعالم". مأرشيڤي من لأصل ف 2021-04-20. تطّالع عليه ب تاريخ 2021-04-16.
- ^ "مركب الطاقة الشمسية نور ورزازات من أفضل المشاريع العالمية في مجال الطاقات المتجددة". مأرشيڤي من لأصل ف 2021-04-18. تطّالع عليه ب تاريخ 2021-04-16.
- ^ "معلومات على نور III". مأرشيڤي من لأصل ف 2023-03-27. تطّالع عليه ب تاريخ 2021-04-16.
- ^ "معلومات على نور IV". مأرشيڤي من لأصل ف 2023-06-09. تطّالع عليه ب تاريخ 2021-04-16.
|
تقدر تزيد شوف بزاف د تّصاور و لمعلومات ديال Ouarzazate Solar Power Station ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |