محمد لخلفي
محمد لخلفي
| ||
| معلومات عامة | ||
| زيادة | 2 مارس 1937 الدار البيضا | |
| لموت | 21 دجنبر 2024 (87 عام) الدار البيضا | |
| طريقة دلموت | موتة طبيعية | |
| لجنسية | لمغريب | |
| لحرفة | مومتيل، ممتيل د لأفلام، ممتيل د التلفازة و مومتيل مسراحي | |
| لّوغات لي كيعرف | عربية | |
  | ||
محمد لخلفي (مزيود ف 2 مارس 1937 ف الدارلبيضا، توفى ف 21 دجنبر 2024 ف نفس لمدينة) مومتيل مغريبي، لي كيتّعتابر من روّاد الجيل اللول ديال لمسرح لمغريبي.[1]
لعب لخلفي ف أدوار مختالفة على خشبة لمسرح، و شارك ف بزاف د اللقاءَات و لعروض لفنية و لمسرحية. بان ف لمسرح لمرة اللولة ف 1957 ف مسرح لهواة معا الطيب الصديقي و أحمد الطيب لعلج، و غيرهم. ف 1959، أسس فرقة "المسرح الشعبي"، و من بعد فرقة "الفنان المتحدين"، لي قدّمات سبعة د لمسرحيات. أول وحدة كانت مسرحية "العائلة المثقفة"، لي بانت فيها ثريا جبران ف دور لبوطولة. كان من اللولين لي بانو ف التلفازة من فاش بدات ف الستينات د لقرن 20، و قدّم فيها فيلم بوليسي ب عنوان "التضحية"، و موراها مسلسل "بائعة الخبز".
شارك ف بزاف د لأعمال، منها فيلم "سكوت، اتجاه ممنوع" ديال لموخريج عبد الله الصباحي، و فيلم "هنا و لهيه" ديال محمد إسماعيل. زيادة على هادشي، شارك ف لمسلسل التاريخي ملوك الطوائف، و لعب دور فرد من عائلة بنزيري ف مسلسل لالة فاطمة لي نتجاتو دوزيم.[2][2]
توفى محمد لخلفي ف دارو ف الدارلبيضا، بعدما كان دوّز شهراين ف السبيطار، و كان خرج منو ف 19 دجنبر.[3]
- ↑ "هذه حقيقة وفاة الفنان محمد الخلفي". الأيام 24 (ب العربية). 2023-05-09. Archived from the original on 2024-05-02. Retrieved 2024-05-02.
- 1 2 "تعرف على حقيقة وفاة محمد الخلفي". قناة ومنصة المشهد. 2023-05-10. Archived from the original on 2024-05-02. Retrieved 2024-05-02.
- ↑ [
{{cite web}}: Empty citation (معاونة){{[[Template:cite web|cite web]]}}: Empty citation ([[Help:CS1 errors#empty_citation|معاونة]])[[Category:CS1 errors: empty citation]]].{{cite web}}: Check|url=value (معاونة); Missing or empty|title=(معاونة); URL–wikilink conflict (معاونة); templatestyles stripmarker in|url=at position 1 (معاونة)