محمد بناني
محمد بناني
| ||
| ||
| معلومات عامة | ||
| زيادة | 1943 تطوان | |
| لموت | 29 مارس 2023 (79/80 عام) قنيطرة | |
| لجنسية | لمغريب | |
| لحرفة | زوّاق و نحات | |
| لّوغات لي كيعرف | عربية و لفرانساوية | |
| لجوايز |
| |
محمد بناني (مزيود ف 1943 ف تطوان - توفّى ف 29 مارس 2023) ، كان رسام و نحات مغريبي.
حياتو[بدل | بدل لكود]
محمد بناني قرا ف جامعة لقرويين ف فاس. بدا تجريبتو ف لفن التشكيلي ف اللخر د السبعينات د لقرن 20، ف لمعرض اللولاني ديالو ف طانجا.[1] كان ديجا واخد ليصونس ف لفنون الزوينة و الرسيم و النحت من لمعهد لعالي د لفنون الزوينة ف پاري ف 1962.[1]
أسلوبو لفني[بدل | بدل لكود]
لي كايميزو على فناني خرين، هوّ لعشق ديالو ل الرسيم ب ب مواد بحال التراب، الرملة و لحج، بحيت كيشتاغل على لمادة كتر من اللون ؤلا الشكل. بناني كيأكد بلي لمكان هوّ لي كيتحكم ف ختيار اللون، حيت متلاً ف پاري مايمكنش تخدّم لوان برّاقة، حيت الطبيعة تماك كاتفرض لوان بحال الرمادي و لكحل و لبيض. و ف الشمال د لمغريب كايسود الزرق و لبيض، بينمّا كلما مشينا جيهت الجنوب كيطغاو الليموني و لحمر و اللوان لبراقة السخونة.[2]
لمعارض[بدل | بدل لكود]
شارك بناني ف 35 معريض فردي و 40 معريض جماعي ف لمغريب، فرانسا، الصبليون، لعراق، تونس، لميريكان، ألمانيا و الطاليان، بحال:
- معريض "صديقي الخريف" ف عام 1992.
- معريض مشتارك بينو و بين و ولدو كريم ف رواق لبنك الشعبي ف الرباط
- معريض خاص ف باب الرواح خلال يناير 2005[3]
مؤلفات[بدل | بدل لكود]
شارك ف تأليف كتاب معا الطاهر بنجلون بعنوان: Clair- obscur تّنشر Barthelemy Jean-Pierre Eds (أكتوبر 1993).
جوايز[بدل | بدل لكود]
خدا وسام ملكي بدرجة ضابط ف ليفتيتاح ديال لمقر الجديد د لمكتابة لوطنية د لمملكة لمغريبية، ف 15 أكتوبر 2008.[4]
عيون لكلام[بدل | بدل لكود]
- ^ a b "بناني: أحكي للقماش ما حدث لي". العربية (ب لعربية). 2009-09-06. مأرشيڤي من لأصل ف 4 مارس 2023. تطّالع عليه ب تاريخ 2022-12-14.
- ^ "الفنان محمد بناني والوزير محمد الأشعري خلال الافتتاح". 2005-01-09. مأرشيڤي من لأصل ف 2023-03-04. تطّالع عليه ب تاريخ 2022-12-02.
- ^ "حوار اللوحة والصورة» في معرض التشكيلي المغربي محمد بناني بالرباط,". مأرشيڤي من لأصل ف 2020-11-11. تطّالع عليه ب تاريخ 2022-12-02.
- ^ "تكريم الفنان التشكيلي والنحات محمد بناني". مأرشيڤي من لأصل ف 2023-03-04. تطّالع عليه ب تاريخ 2022-12-14.
