محمد المعتصم

محمد المعتصم
معلومات عامة
زيادة	1956 سطات
لموت	5 يونيو 2023 (66/67 عام) الرباط
لجنسية	لمغريب
لحرفة	سياسي، عالم د السياسة و كاتب
لّوغات لي كيعرف	عربية
لجوايز	(2004)  وسام جوقة الشاراف ب لڭراد د كوماندان (2004)  وسام العرش من درجة فارس

محمد المعتصم (مزيود ف 1956 ف سطات - توفّى ف 5 يونيو 2023 ف الرباط) ، كان أستاد جامعي و سياسي مغريبي، لي كان شاد لمنصب ديال مستشار د لماليك محمد السادس. و كانو عندو قبل مناصب حوكومية.

حياتو

محمد المعتصم دوّز قرايتو لأساسية و التانوية ف سطات، و ف عام 1977، خدا ليصونص ف لعولوم السياسية من كلية الحقوق ف الرباط، و خدا شهادة ديال الدراسات لعليا من نفس الكلية ف لعولوم السياسية و لعلاقات الدولية. و ف عام 1983، خدا ديپلوم ديال الدراسات لعليا من كلية لقانون ف الدارلبيضا، و ناقش التيز ديال الدوكتورا د الدولة ف لعولوم سياسية ف عام 1988 على التطور التقليدي د القانون الدستوري لمغريبي.

المعتصم كان تعيّن وزير منتادب ل رئيس لوزارا مكلّف ب لعلاقات معا لبرلمان ف جوج حوكومات، هوما حوكومة لعمراني ف 11 نونبر 1993، و حوكومة لفيلالي ف 7 يونيو 1994. ف 25 فبراير 1995، تعيّن مكلّف ب مهام ف لمحكامة لملكية. و ربع سنين موراها ولّا مستشار د لماليك.

المعتصم كان عضو ف لمجلس الدستوري مابين 1999 و 2002، و لمجلس لوطني د حقوق لإنسان بين 2007 و 2011.

التوشيحات

• 1995: وسام لعرش من درجة فارس.
• يوليوز 2004: وسام العرش من درجة فارس.
• 2004: وسام جوقة الشاراف ب لڭراد د كوماندان ف فرانسا.

أعمال

• التجربة البرلمانية في المغرب، 1984.
• الحياة السياسية المغربية 1962-1991، 1992.
• النظم السياسية المعاصرة، 1989.
• النظام السياسي المغربي، 1992.
• النظرية العامة للقانون الدستوري، 1988.