محفر كحل

من ويكيپيديا
أنيماصيو ديال مجرة دايزة مورا محفّر كحل، لي كاتبيّن مفعول لّونتيصاج لجابدي (تعواج ديال ضّو لي جاي من لمجرة)، بسباب لجابدية لقوية ديال لمحفر لكحل

لمحفّر لكحلنّݣليزية black hole) هوّا منطقة ف زّمكان لي لجابدية فيها واصلة ل واحد دّرجة ف لقوة بلي حتا حاجة، لا فرتيتة ؤ لا موجة كهرمغناطيسية (بحال شّعا)، ماتقدر تفلت منها. نضرية د نّسبية لعامة ديال ألبيرط آينشطاين كانت دارت توقّع بلي أي كسدة فلكية عندها كتلة ؤ كتافة كبيرة بما يكفي، تقدر تديفورمي زّمكان باش تولي محفّر كحل. لحد لي ماتقدر تا حاجة تفلت يلا تجاوزاتو، كيتسما لأفق د لحادات. وخا هاد لحد كيأتر بشكل كبير ف لحوايج لي كيدوزو منو، ماعندو تا شي خاصيات فيزيكية باينة على حساب نضرية د نّسبية. من بزاف د نّواحي، لمحفّر لكحل كيتصرف بحال كسدة كحلة ميتالية، حيت ماكيعكسش ضّو ݣاع.

نّضرية د لمجالات لكوانطية ف زمكان معوج كاتّوقع بلي لأفق د لحادات كايصدّر إشعاع د هوكين، ب حرارة متناسبة عكسياً معا لكتلة ديال لمحفّر لكحل. حيت لكتلة ديال لمحفّرات لكحلة كاتكون كبيرة بزاف، هاد لإشعاع كيكون صغيكرون، ؤ ماكاينة تا طاريقة معروفة دابا باش يتديطيكتا.

أول عولاما توقّعو لوجود ديال شي كسدة فلكية لي كتيلة ل درجة باش مايفلتش منها ضّو، هوما دجون ميتشل ؤ پيير سيمون دولاپلاص ف لقرن 18.

لعولاما د لكوصمولوجيا كيعتاقدو بلي لأغلبية د لمجرات عندهوم محفّر كحل ف لمركز ديالهوم. لمحفر لكحل لي كاين ف لمركز د لمجرة ديالنا، درب لحليب، كايتسما ساجيطاريوس A*.[1]

لأصل[بدل | بدل لكود]

لمحفرات لكحلة كاتكوّن عادةً ب نهيار ديال نجوم لكتلة ديالها 3 د لمرات ؤلا كتر لكتلة ديال شّمش. مي لعولاما كيعتاقدو بلي لبعض منها كاتكوّن ب طرقان خرين، بحال نهيار ديال سدايم د لغبرة ف لبديات لّولة د لكون، لي عطا لمحفّرات لكحلة لمݣضرة لي كاينة ف لمركز ديال أغلبية د لمجرات.[2]

نّجوم لي لكتلة ديالها قل من 3 د لمرات لكتلة د شّمش، ف لّخر د حياتها، كاتحوّل ل نجمة نيوطرونية ؤلا ل قازام بيض.[2]

عيون لكلام[بدل | بدل لكود]

  1. ^ "The supermassive black hole in the Milky Way" (بنڭليزية). 12 ماي 2022.
  2. ^ a b "Britannica, black hole" (بنڭليزية).
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.