محاولة نقيلاب ف ألمانيا 2022
محاولة نقيلاب ف ألمانيا 2022
| ||
_13.jpg)
| ||
| معلومات أساسية | ||
| نوع د لمطايفة | محاولة نقيلاب | |
| لبلدان | ألمانيا | |
| لأطراف لي مشاركة | بريڭيت مالساك ڤينكيمان، هاينريش تلطاش، Christian Wendler، Rüdiger von Pescatore و Frank Heppner | |
ف 7 دجنبر 2022، لبوليس لألماني شد 25 عضو ف جماعة يمينية إرهابية لي تݣال بلي كانو كيخططو ل نقيلاب ف ألمانيا. الجماعة، لي مسمّية راسها "ليتيحاد لوطني" (لألمانية: Patriotische Union) كانت جزء من مونضامة يمينية متطرفة سميتها لحركة د لمواطنين د الرايخ (لألمانية: Reichsbürgerbewegung). لهدف د هاد الجماعة كان إرجاع حوكومة ملكية باش تحكم ألمانيا كيما كان ف زمان لإمبراطورية لألمانية.
علاين 5000 بوليسي، منهوم 1500 من لقوات لخاصة، بقششو ف 130 موضع ف بزاف د لمناطق ف ألمانيا، و قدرو يشدو بزاف د لأعضاء د الجماعة، منهوم هاينريش پرينتس رويس لي كينحادر من لفاميلة لأستقراطية د رويس Reuß و لي سمّا راسو لأمير هاينريش تلطاش، و بريݣيت مالساك ڤينكيمان لي كانت عضوة ف لبرلمان لألماني على حيزب لبديل على ود ألمانيا ليميني. الجماعة كانو منهوم تا ناس خدّامين ف لارمي و لبوليس. هاد لعملية تّعتابرات أكبر وحدة دازت ف تاريخ ألمانيا، و النائب لعام لألماني پيتر فرانك ديكلارا بلي هاد الجماعة إرهابية.
لأعضاء د هاد الجماعة كيأمنو ب نضريات د لمؤامرة، بحال بلي الجايحة د كورونا مؤامرة ديال "النيضام لعالمي الجديد"، ؤلا بلي لمهاجرين جزء من "مؤامرة ضد ألمانيا باش تضعاف و ماترجعش ل لمجد لقديم ديالها".[1]
- ^ "Die Macht der Verschwörungsideologen" [لقوة ديال لأدلجة لمؤامراتية] (ب لالمانية). 8 يناير 2023. مأرشيڤي من لأصل ف 2023-05-05. تطّالع عليه ب تاريخ 9 فبراير 2023.
 هادي زريعة ديال مقالة خاصها تّوسع. تقدر تشارك ف لكتبة ديالها. |