مايكل دجاكسون
_(contrast).jpg)
مايكل دجوزيف دجاكسون (مزيود ف 29 غشت 1958، توفى ف 25 يونيو 2009) كان موغني، كاتب د لأغاني، شطّاح، و فاعل خير ميريكاني.[1] كان كيتلقّب ب "لماليك د لپوپ"، و كيتّعتبار من أهم الشخصيات التقافية ف لقرن 20، بفضل لمساهمات ديالو على مدى 4 د لعقود ف لموسيقى، الشطيح، و لموض د اللباس، لي خلاتو يكون شخصية معروفة ف لعالم كامل. دجاكسون أتّر على بزاف د لموسيقيين ف أنواع مختالفين د لموسيقى، و ب الضهور ديالو ف ڤيديوات و على لخشبة عطا شعبية ل شطحات بحال لمشية د لقامار و روبو.[2][3][4][5]
مايكل دجاكسون كان التامن ف خوتو. بدا لكاريير لفنية ديالو ف 1964 معا خوتو لكبار دجاكي، تيطو، دجيرمين و مارلون، لي أسسو لڭروپ "دجاكسون 5" (من بعد تعرفو ب "دجاكسونز").[6] ف 1971، مايكل ستاقل بوحدو، و خرّج لألبوم اللول ديالو ف 1979 ب عنوان "ؤف ذ وول" Off the Wall. و صدرو ليه بزاف د لألبومات من داك لوقت. قناة إم تي ڤي كاتدين ل لأغاني ديالو جزئيا ب النجاح ديالها. لألبوم ديالو "ثريلر" Thriller كان أنجح ألبوم ف التاريخ د لموسيقى ف لمبيعات.
ف اللخر د التمانينات، ولّا محطّ جدل كبير و تكهنات بسباب تبدال اللون د لبشرة ديالو و لعلاقات و التصرفات ديالو.[1] كانو جوج إتهامات ضدو ب لپيدوفيليا ف 1993[7] و 2005، ولاكين لمحكامة برّآتو منهوم بجوج،[8] و تا لإف بي أي دار تحقيق لي ما لقى فيه تا شي دليل على هادشي.[9] ف 2009، ملي كان كيوجّد سلسلة د لحفلات، توفى بسباب ؤڤرضوز ديال لپروپوفول لي عطاه الطبيب ديالو، كونراد موريي. ف 2011، تّحكم على الطبيب ب 4 سنين د لحبس على لقتيلة لماشي مقصودة د مايكل دجاكسون. لوفاة ديالو تفاعلو معاها بزاف د الناس ف لعالم كامل، و خلّات لمبيعات د لمزيكة ديالو يطلعو ل السما. و كيتقدر عدد الناس لي شافو الستريم ديال لڭنازة ديالو ب 2.5 مليار واحد.
- 1 2 Campbell 1995, pp. 14–16.
- ↑ County of Los Angeles Department of Health Services (2009).
- ↑ Huey, Steve. "Michael Jackson – Artist Biography". AllMusic. Archived from the original on May 7, 2015. Retrieved May 31, 2015.
- ↑ Barnes, Brokes (June 25, 2009). "A Star Idolized and Haunted, Michael Jackson Dies at 50". The New York Times. Archived from the original on December 8, 2022. Retrieved July 12, 2009.
- ↑ "Michael Jackson: 10 Achievements That Made Him The King of Pop". National Academy of Recording Arts and Sciences. June 24, 2014. Archived from the original on February 15, 2017. Retrieved October 20, 2016.
- ↑ Burton, Charlie (February 7, 2018). "Inside the Jackson machine". GQ. Archived from the original on October 7, 2022. Retrieved April 14, 2019.
- ↑ "1993: Michael Jackson accused of child abuse". BBC News. February 8, 2003. Archived from the original on June 1, 2015. Retrieved May 31, 2015.
- ↑ "Jackson cleared of child molestation". The Guardian. Associated Press. June 13, 2005. Archived from the original on October 28, 2021. Retrieved May 31, 2015.
- ↑ "Michael Jackson's FBI Files Released". Billboard. Associated Press. December 23, 2009. Archived from the original on November 4, 2021. Retrieved December 1, 2021.
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
