ليتوانيا

ليتوانيا
Lietuva (lt)
نشيد	Tautiška giesmė
لعاصيمة	ڤيلنوس
الساكينة
شحال دالسكان	2,790,842 (2019)
اللوغات الرسمية	الليتوانية
متوسط ديال لعمر	74.32195 (2015)
لجغرافيا
لميساحة	65,300 كم²
لقمة لعالية	هضبة آوكشطوياس (293.84 م)
لبلاصة الطايحة	ديلطا نيموناس (−5 م)
لإدارة
نضام الدولة	نظام شبه رئاسي
رئيس جمهورية ليتوانيا	غيتاناس ناوسيدا
رئيس وزراء ليتوانيا	إنغريدا سيمونيته
لبرلمان	لبرلمان د ليتوانيا
لقتيصاد
لبيطالة (شوماج)	11 % (2014)
مؤشر التنمية لبشرية	0.839 (2014)
لفلوس	أورو
معلومات خرا
توقيت ديال لبلاد	ڭرينيتش +2 ڭرينيتش + 3
رمز لبلاد	LT
رمز لانترنيت	‎.lt‎ و ‎.eu‎
رمز التيليفون	+370
نماري د ليرجونس	112 و 02
جيهة د صوڭان	ليمن
السيت الرسمي	lietuva.lt

ليتوانيا، رسميا لجمهورية د ليتوانيا (بالليتوانية: Lietuvos Respublika) هي بلاد جات ف الشمال الشرقي د أوروپا، و بالضبط ف لمنطقة د لبلطيق. تيحدّها بحر لبلطيق من لغرب، لاتڤيا من الشمال، بيلاروسيا من الشرق، و پولونيا و روسيا من لجنوب.

السكان لأصليين ديال لمنطقة هوما لقبايل د لبلطيق، و سكنو تما قُرون. لعام د 1253 كان أول عام تأسسات فيها رسميا بلاد كاتجمع هاديك لأرض، و اللي هي لمملكة د ليتوانيا. ف لقرن 14، كانت الدوقية د ليتوانيا هي أكبر بلاد ف أوروپا، و كانو داخلين فيها بلايص اللي دابا هوما ليتوانيا و بيلاروسيا و أوكرانيا و طراف من پولونيا و روسيا. مابين 1772 و 1795 بدات لإمبراطورية الروسية تاتسعمر لمنطقة ودخّلاتها طرف منها. ملّي قربات تسالي لحرب لعالمية اللولا، و بالضبط نهار 16 فبراير 1918، ستاقلاّت لجمهورية د ليتوانيا. و لكن ف وقت لحرب لعالمية التانية حتلوها لإتحاد السوڤياتي و ألمانيا. من مورا لحرب دخلات لبلاد طرف د لإتحاد السوڤياتي، و بقات فيه تال 11 مارس 1990، و كانت أول بلاد تاتخرج منّو، عام قبل ما يطيح.

تيسكنو ف ليتوانيا تقرييا 2.8 مليون د الناس و لعاصمة ديالها هي ڤيلنيوس. اللغة الرسمية د لبلاد هي الليتوانية (بزاف د الناس ف ليتوانيا كيهضرو الروسية، و لكن ما عندها تا وضع رسمي) و لفلوس اللي كاتخدّم هي لأورو. هي داخلة مع لإتحاد لأوروپي و لمجلس ديال أوروپا و لمنطقة د لأورو و الناطو و لمنضمة د التعاون لإقتصادي و التنمية.

عيون لكلام

تقدر تزيد شوف بزاف د صور و معلومات ديال Lithuania ف ويكيميديا كومنز.