لوعبة ب زيرو-طوطال

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
الپوكير متال د لوعبة ب زيرو-طوطال فين واحد اللعاب (ؤلا مجموعة د اللعّابا) كايربح على حساب لعاب آخر (ؤلا مجموعة د اللعّابا) ؤ الطوطال د الخسارة ؤ الربح فاللعبة كاملة كايكون زيرو.
الشطرنج مثال ديال لوعبة ب زيرو-طوطال

لوعبة ب زيرو-طوطال (النڭليزية: zero-sum game) هي واحد الموضيل د الماط ف نضرية اللعب ؤ ف النضرية القتيصادية ديال واحد الوضعية اللي كايكونو فيها جوج د الجيهات ؤ فين النتيجة كاتكون فيها واحد الجيهة رابحة ؤ لوخرى خاسرة ب نفس القدر د الجيهة اللولانية.[1] ب عبارة ؤخرى، الربح ديال اللعّاب اللول كايكون هو الخسارة د اللعّاب التاني. ؤ بالتالي كايكون النيط[ن.ل 1] د التحسن ف الاستفادة د اللوعبة كا كل، كيساوي زيرو.[2]

يلا جمعنا الطوطال د الربح د المشاركين ؤ نقصنا منو الطوطال د الخسارة ديالهم كانلقاو المجموع هو زيرو. كانكونو ف حالة لعبة ب زيرو-طوطال ف الحالة اللي يلا قطّعنا ل شي لعّاب طرف كبر د الكيكة ؤ كا نتيجة صدقنا ناقصين من الطروفة د اللعابا لوخرين (هادشي يلا سلّمنا بلي التقييم د اللعابا ل نفس الطرف د الكيكة متساوي). أمثلة على اللوعاب ب زيرو-طوطال ف الحياة اليومية كاتشمل لوعاب بحال الپوكير، الشطرنج، ؤ البريدج فين شي لعّابا كايكونو رابحين على حساب اللعّابا لوخرين اللي كايتحمّلو ديك الخسارة ؤ الطوطال د الربح ؤ الخسارة كايكون زيرو.[3] فالسواق ؤ لأدوات د الفينونس، العقود المأجلة (النڭليزية: futures)، ؤ لوپصيونات (النڭليزية: options) كايكونو تا هوما لوعبات ب زيرو-طوطال.[4]

ف الموقابيل، الماشي-زيرو-طوطال كايوصف الحالة اللي فيها المجموع د الربح ؤ الخسارة د المشاركين قل ؤلا كثر من زيرو. اللوعبة ب زيرو طوطال كاتسمى لوعبة ب منافسة سطريكت (صارمة)، بينما اللوعاب الماشي-زيرو-طوطال ممكن يكونو إما تنافسيين ؤلا ماشي-تنافسيين. اللوعاب ب زيرو-طوطال ف الغالب كايتحلّو ب الطيوريم د المينيماكس (النڭليزية: minimax theorem) اللي عندو علاقة وطيدة ب الزدواجية د البرمجة السطرية (النڭليزية: linear programming duality)[5]، ؤلا ب التوازن د ناش (النڭليزية: Nash equilibrium). المعضلة د الحبّاسا متال كلاسيكي ديال لوعبة ماشي-زيرو-طوطال.[6]

نوطات لوغاوية[بدل | بدل لكود]

  1. ^ الصافي، من لفرانساوية net

عيون لكلام[بدل | بدل لكود]

  1. ^ Cambridge business English dictionary. Cambridge: Cambridge University Press. 2011. OCLC 741548935. ردمك 978-0-521-12250-4.
  2. ^ Blakely، Sara. "Zero-Sum Game Meaning: Examples of Zero-Sum Games". Master Class. Master Class. مأرشيڤي من لأصل ف 2023-04-12. تطّالع عليه ب تاريخ 2022-04-28.
  3. ^ Von Neumann، John؛ Oskar Morgenstern (2007). Theory of games and economic behavior (طبعة 60th anniversary). Princeton: Princeton University Press. OCLC 830323721. ردمك 978-1-4008-2946-0.
  4. ^ Kenton، Will. "Zero-Sum Game". Investopedia (ب نڭليزية). مأرشيڤي من لأصل ف 2023-06-01. تطّالع عليه ب تاريخ 2021-04-25.
  5. ^ Ken Binmore (2007). Playing for real: a text on game theory. Oxford University Press US. ردمك 978-0-19-530057-4. مأرشيڤي من لأصل ف 2023-03-17. تطّالع عليه ب تاريخ 2023-03-17., chapters 1 & 7
  6. ^ Chiong، Raymond؛ Jankovic، Lubo (2008). "Learning game strategy design through iterated Prisoner's Dilemma". International Journal of Computer Applications in Technology (ب نڭليزية). 32 (3): 216. doi:10.1504/ijcat.2008.020957. ISSN 0952-8091. مأرشيڤي من لأصل ف 2021-10-25. تطّالع عليه ب تاريخ 2023-03-17.