لمناجم د ميبلادن

من ويكيپيديا
اذهب إلى التنقل اذهب إلى البحث

لمناجم د ميبلادن هوما مناجم كاينين ف جماعة ميبلادن ف إقليم ميدلت، علا ميساحة د 60 كلم²، علا بعد ديال 15 كيلوميطر من مدينة ميدلت، ؤ لّي معروفين علا صّاعيد لعالمي ب لجودة د معدن لڤانادينيت لّي كيتستخرج من تماك. لستيغلال ديالهوم بدا ف لفترة د ليتسيعمار لفرانساوي د لمغريب، ف 1926 ؤ بقا لستيغلال ديالو حتال 1983.[1][2] مابين 1926 ؤ 1949، كتر من 600 حفرة د تّنقيب علا لمعادن تحفرات، شي وحدين ب عومق كتر من 10 ميترو.[1] لأوج د لستيغلال ديال لمناجم د ميبلادن كان ف سّبعينات ديال لقرن لعشرين، ؤ هيّا ؤ لمناجم د أحولي لّي قريبة ليها كانو كينتجو 300 ألف طن ديال لمواد لمجبودة ف لعام، ب نيسبة د 3% ديال تّركيز د عنصر رّصاص. مابين 1973 ؤ 1983 هاد جّوج سيتات نتجو 2,930,000 طن ديال رّصاص.[2]

سّكان لمحليين باقين كيستاغلو لمناجم بشكل ماشي قانوني باش يصورو طرف د لخبز، ؤ عادتن كيبيعو لمعادن لّي كيلقاو ب أتمان رخيصة ل لݣور، لّي كيعاودو فيها لبيع ب لأتمان د سّوق لّي كتقدر توصل ل لآلاف د دّولارات. سّباب ف هاد لوضعية هوّا بلي لكونطرا د لستيغلال معا شّركة باقي مستامر حتال 2029 وخا مابقاتش كتستغل لمناجم فعليا، ؤ هادشي كيمنع سّلطات باش تسمح ب لإنشاء د جمعية قانونية ديال لستيغلال ديال لموارد لمنجمية د لمنطقة. نّاس لّي كيخدمو ف تّنقيب علا لمعادن كيتعرضو ل مخاطر ف لكسدة ديالهوم بسباب رّيسك د سّقوط ف لبيورا لقدام، ؤ مخاطر صحية حيت كيتنفسو هوا عامر ب مواد بحال رّصاص، وخا هاد رّيسك قل شوية من فاش كيكون لستيغلال ب طرقان طيكنولوجية متطورة لّي كتدير غبرة بزاف ؤ كتلوت لبيئة بشكل كبر.[3]

تّاريخ[بدل | بدل لكود]

لمناجم د أحولي

لبحت لّول علا لقابلية د لستيغلال لمنجمي ف نّواحي د ميبلادن تدار ما بين 1923 ؤ 1926، من طاراف شركة د لمناجم د شمال إفريقيا، لّي أسسات شركة د لمناجم د أحولي. هاد لبحت بين بلي كاينين جوج موضعات ميتاليين فين يقدر يتستخرج رّصاص، فين كاينين دابا لمناجم د ميبلادن ؤ أحولي. لستيغلال لفيعلي ديالهوم بدا ف 1939، مورا ما تّبنات لبنية تّحتية ضّرورية، بحال بلايص د لغسيل ؤ لمراكز لحرارية ؤ لهيدروتريسينتية. صّونطر د ميبلادن غادي يسد ف 1967، ؤ غادي يعاود يحل ف 1977، بعد أبحات ف 1973 لّي كانت بينات بلي باقي قابل ل لستيغلال. ف 1983 غادي يسد ف مرة.

لغيران د ميبلادن[بدل | بدل لكود]

كاينين كتر من 600 حفرة ف مناجم ميبلادن، موزعة علا مناطق ؤلا غيران ب سميات مختالفين، هوما: ليزو Les O، ليزيس Les S، ليضال Les Dalles، ليزابي Les AB، بولمادن Bou Elmaden، ليزا Les A، ليزير Les R، ليتي Les T، آن ماري Anne-Marie، دوزييم أوريزون 2ème Horizon، مارݣيريت Marguerite، ؤ منجم أ سي إيف ACF Mine.[1]

ليستة د لمعادن[بدل | بدل لكود]

هادو لمعادن لّي كاينين ؤلا محتمل يكونو ف ميبلادن. أغلبية كانو كيتستعملو ف لإنتاج د رّصاص.[1]

ليستة ديال معادن ف ميبلادن
لمعدن لفورمولة لكيماوية لوجود ؤ لوفرة ف ميبلادن لغيران ؤ لمناجم تصويرة
أنݣليسيت PbSO4 نادر بزاف[4] - Anglesite-24636
أنهيدريت CaSO4 كاين[5] - Anhydrite-217327
أنكيريت Ca(Fe2+,Mg)(CO3)2 كاين[6] - Gypse, ankérite
أراݣونيت CaCO3 كاين[7] لغار لحمر Aragonite Mineral Macro
أرسينوپيريت FeAsS - - Arsenopyrite-41341
أزوريت Cu3(CO3)2(OH)2 متوكد بلي كاين[8] - Azurite 1
باريت BaSO4 كاين أ سي إيف، أدغوال، آن ماري، ليزو، ليزابي، ليضال، ليزير، ليتي، مارݣيريت[9] Vanadinite-Baryte-121887
بيسموث Bi - - Bi-crystal
كالسيت CaCO3 غالبا كاين[10] لغار لحمر Calcite-mineral 02
كيروسيت PbCO3 غالبا كاين[11] أدغوال، ليضال، ليزو، ليزير، ليزيس، مارڭريت Cerussite - Nakhlak mine, Anarak, Esfahan, Iran
كالكوسيت Cu2S غالبا كاين[12] أحولي Chalcocite.jpg
كالكوپيريت CuFeS2 - أحولي، زايدة Min chalcopyrite
كوروناديت Pb(Mn4+6Mn3+2)O16 - - RM2019-Coronadita
كوڤيليت CuS - أحولي Covellite-181677
كوپريت Cu2O - أحولي Cuprite crystal
ضولوميت CaMg(CO3)2 غالبا كاين[13] أحولي، زايدة Dolomite Morocco
فليوريت CaF2 غالبا كاين[14] أحولي، زايدة 9104 - Milano - Museo storia naturale - Fluorite - Foto Giovanni Dall'Orto 22-Apr-2007
ݣالينا PbS كاين بزاف[15] غيران ليزو، ليزيس، ليضال، ليزابي، ؤ بولمادن Galena-199959
ݣوتيت α-Fe3+O(OH) - أحولي Goethite 002
ڭرڭوريسيت - - أدغوال -
ڭبص - - أحولي، جبل أجلاب Gypsum
هيماتيت - - أحولي، زايدة، ليضال Hematite grise terrestre
هولانديت - كاين - Hollandite-171530
مالاشيت - - أحولي، زايدة Malachite, Zaire
عريشات لمنݣنيز - - منجم أ سي إيف Manganese dendrites
ماركاسيت - - أحولي Marcasite
مينيوم - - زايدة Minium-Lead-172410
موطراميت - - - Mottramite-18707
نيكيلين - - أحولي Nickeline-914244
پارالاوريونيت - - - Paralaurionite-pas-107a
فوسڭينيت - - - -
پيريت - - أحولي، زايدة Pyrit 01
پيرومورفيت - - أحولي، أدغوال Pyromorphite 1
كوارتز - - أحولي، زايدة Quartz, Tibet
أڭاط - - أحولي Agate Braziilia
جاسپر - - أحولي 2010 - red jasper
سيديريت - - أحولي Siderite late 1800s Redruth
نقرة - - أحولي Pieces of silver, 3 grams, the biggest piece is 1 cm long
سفاليريت - - أحولي Sphalerite - Iron Cap mine, Graham, Arizona, USA
تورمالين - - أحولي Rough Watermelon Tourmaline
ڤانادينيت - - أ سي إيف، أدغوال، بولمادن، ليزابي، ليزير، ليزيس، ليتي، ليوالي، لغار لحمر، مارݣيريت، زايدة Vanadinite - ACF mine, Mibladen, Morocco
وولفينيت - - أ سي إيف، أدغوال، أحولي، بولمادن، ليزو، ليضال، زايدة Wulfenite mexique

تصاور[بدل | بدل لكود]

عيون لكلام[بدل | بدل لكود]

  1. 1.0 1.1 1.2 1.3 "Mibladen mining district" (بنڭليزية).
  2. 2.0 2.1 يوسف راضي; سميرة السراج; أندري ميشار (يناير 2011). "Le district plombifère de la Haute Moulouya (Aouli-Mibladen, Zeïda) [لمنطقة د رّصاص ف ملوية لعالية (أحولي ميبلادن، زايدة)]" (بلفرانساوية). Cite journal requires |journal= (مساعدة)
  3. "مناجم «ميبلادن».. كهوف تخفي شبح الموت تحت أكوام «السيخة» الفقر يدفع النساء والرجال إلى اقتحام مناجم" (بلعربية). 14 يناير 2011.
  4. "Anglesite from Mibladen" (بنڭليزية).
  5. "Anhydrite in Mibladen".
  6. "Ankerite in Mibladen".
  7. "Aragonite in Mibladen".
  8. "Azurite in Mibladen".
  9. "Baryte in Mibladen" (بنڭليزية).
  10. "Calcite in Mibladen".
  11. "Cerussite in Mibladen".
  12. "Chalcocite in Mibladen".
  13. "Dolomite in Mibladen".
  14. "Fluorite in Mibladen".
  15. "Dolomite in Mibladen".