لمداكرة د لخدايمي:Yaakoub45

تبديلات لخرا ديالك

أهلا سي يعقوب45، أول حاجة مرحبا بيك معانا ف هاد لمشروع د ويكيپيديا ب داريجة. لاحضت بلي راك بديتي دير هاد سوايع لخرا تبديلات عندهوم علاقة ب داكشي ديال لقوالب و لوحدات، لمهم بغيت نقول ليك بلي ماشي غير كانجيو و كانبداو نزيدو فصفاحي غير هاكاك، راه كاينة واحد صفحة سميتها لبرلمان فين جماعة كاتافق علا لحوايج تقنية و تنضيمية ديال لپروجي كامل. حسن ليك تشاور بعدا معا ناس لي كاينين قبل مادير أي تبديل بحال هاد نوع. تهلا.. --Reda benkhadra (نقاش) 23:49، 26 غشت 2020 (+01)

أين هذه الصفحة. تحياتي لك Yaakoub45 (نقاش) 23:54، 26 غشت 2020 (+01)

كليكي علا ليان لي ب رزق --Reda benkhadra (نقاش) 00:01، 27 غشت 2020 (+01)

نعم. لكن أنا نحاول ننقل وحدات ديال القوالب لهنا لأنها مهمة كتحسن مظهر ديال القوالب. -- Yaakoub45 (نقاش) 00:04، 27 غشت 2020 (+01)

شكرا لمبادرة لي خديتي، لإشكال لي كاين هو أنه ديجا قررنا طريقة لي غادي نضمو بيها لقوالب ديال صفاحي لي هو هادا (متلا إلا مشيتي لصفحة د لجزائير غادي يباليك بلي كاين قالب ديال لبلدان لي خدامين بيه). إلا بغيتي تعاون فهاد لحالة، طريقة د لخدمة ساهلة. عندك موضيل:صندوق معلومات هو لأساس لي عليه كيخرجو قوالب خرين (كيما هادا ديال فراقي د كورة) حاول تبازا عليه باش تخرج منو قوالب خرين (بحال ماتالان بيوڭرافي، فيلم، كتاب..). تحياتي --Reda benkhadra (نقاش) 00:17، 27 غشت 2020 (+01)

بخصوص تّبديلات لّخرة ديالك

مرحبا بيك سّي يعقوب45 ف ويكيپيديا بالدارجة. لاحظت بلي جبتي واحد لعدد كبير ديال لوحدات ولقوالب وحطيتيهم هنا ف لموسوعة. هو عمل مشكور، غي هو حنا هنا عندنا واحد صّفحة ديال لبرلمان فيها كا نّاقشو سّياسات ديال لمحتوى ف صّيغة د لّغة و لهندسة ديالو. بحال متلا، ما عرفتش واش جبتي لوحدات و لقوالب من ويكيپيديا ب لعربية ولكن را ماشي أي حاجة كاتدار ف لغة لعربية كانديروها هنا بالدارجة. متلا حنايا عندنا ف لحكام ديال دبا بلي ماكانديروش لألقاب ديال لجلالة بحال "تعالى" أولا "الكريم"، ومازال ما تّافقناش علا كيفاش غانكتبو نّص ديني و واش بلعربية ولا نطرجموه لدّارجة، وماشي بضّروري غانخصّولو قوالب خاصّين بيه. وعندنا قواعد ديال لكتبة بحال متلا ف لغالب ماكانديروش لألف ولّام ديال تّعريف لي كاينين فلعربية. كانشوف من لأفضل تولف على طّريقة د لكتبة ديال الدارجة لي تّافقنا عليها تال دبا ف لبرلمان وتطرح تعديلات ديالك ديال لوحدات ولقوالب تما باش يكون إجماع وتكون لخدمة ساهلة علا كولشي. تحياتي. Iliass.Aymaz (نقاش) 23:29، 27 غشت 2020 (+01)

سّميات د لقوالب

سّلام سّي @Yaakoub45:. عافاك حاول تقاد سّميات د لقوالب د زريعة كيفما ديجا درت ف هادا موضيل:زريعة شخصيات د لمغريب. دّاريجة عندها كلمات ؤ قواعيد ديالها لّي شي مرات كيكونو مختالفين علا دياول لعربية. كلمة "أعلام" متلا مامولفينش يخدموها لمغاربة، سّمية د لقالب د زريعة خاص تبدا ب كلمة "زريعة"، ماشي "بذرة". ديك "د" ؤلا "ديال" يلا مابغيتيش تزيدها ماشي موشكيل. حاول تخدم لحروف باش كانخدمو ف دّاريجة، لي منهوم پ = p، ݣ = g ؤ ڤ = v. ضونك ڭوڭل ماشي جوجل، پويرطو ريكو ماشي بويرتو ريكو، ؤ هيا غادية. يلا عندك سؤال ؤلا خاصك معاونة ف شي حاجة مرحبا. --Ideophagous (نقاش) 14:56، 16 يوليوز 2021 (+02)

مسابقة ويكيپيديا لمغريب 2023

مرحبا! حالياً كاتّقام مسابقة ديال ويكيپيديا على ود تطوير لمحتوى لمغريبي ف ويكيپيديا ب الداريجة، بلإضافة ل ويكيپيديا لعربية و لأمازيغية. يلا كنتي مهتم(ة) تقدر(ي) تطّالع(ي) على التفاصيل و لقواعد د لمسابقة هنا، و ماتنسا(ي)ش تقيّد(ي) راسك ف هاد الصفحة، و تشوف(ي) لمواضيع لي يقدر يعجبك تكتب(ي) فيهوم هنا. يلا عند سؤال ؤلا ملاحضة، ماعليك غير تسوّل(ي) واحد من أعضاء لجنة التنضيم ؤلا التحكيم. تهلّا(ي)!--PGVBot (مداكرة) 10:14، 17 ماي 2023 (+01)