لقتيلة د نايل مرزوق

من ويكيپيديا
مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!
تصويرة ديال نايل مرزوق پارطاجاتها لواليدة ديالو

ف 27 يونيو 2023، لبوليس لفرانساوي قتلو نايل مرزوق فاش تيراو عليه ب لقرطاس. نايل مرزوق كان دري فرانساوي عمرو 17 عام، من أصول مغريبية و جزايرية،[1] و لحادتة طرات ف نونطير، لي جات ف الضواحي د پاري، ف فرانسا. التقرير اللولاني ديال لبوليس تناقض معا شنو بان ف ڤيديو ديال لحادتة لي تحطات ف أنتيرنيت، و هادشي شعل مضاهرات كبيرة و عنيفة. الرموز ديال الدولة بحال لإدارات، لمدارس، لكوميساريات، و مباني خرين تعرّضو ل لهجوم و التخريب.[2] لوزارة د الداخلية لفرانساوية ڭالت بلي كتر من 5000 د لمراكب (طونوبيلات، طوبيسات...) و 10000 طاروات د الزبل تشعلو فيهوم لعافية، و كتر من 1000 مبنى تعرّض ل لحريق ؤلا التدمير ؤلا الشفرة. 250 كوميسارية د لبوليس و الجادارمية تعرّضو ل هجوم، و كتر من 700 بوليسي تجرحو.[3][4]

هاد لحادتة ولّات جزء من حوار عمومي شامل ف فرانسا على لعنف د لبوليس و لهجرة، و الرئيس لفرانساوي إمانويل ماكرون ندد ب هادشي لي طرا و عتابر بلي "ماعندو تا تبرير".

عيون لكلام[بدل | بدل لكود]

  1. ^ Porter، Catherine (2023-06-29). "Who is Nahel Merzouk?". The New York Times (ب نڭليزية). ISSN 0362-4331. مأرشيڤي من لأصل ف 4 يوليوز 2023. تطّالع عليه ب تاريخ 2023-07-05.
  2. ^ "Death of Nahel M.: Over 1,300 arrested during Friday night riots". Le Monde. 1 يوليوز 2023. مأرشيڤي من لأصل ف 1 يوليوز 2023. تطّالع عليه ب تاريخ 1 يوليوز 2023.
  3. ^ "Riots in France: The appalling toll of days and nights of looting, fires, assaults". Le Monde. مأرشيڤي من لأصل ف 5 يوليوز 2023. تطّالع عليه ب تاريخ 4 يوليوز 2023.
  4. ^ "Why are there riots in France and where are they happening?". Reuters (ب نڭليزية). 29 يونيو 2023. مأرشيڤي من لأصل ف 1 يوليوز 2023. تطّالع عليه ب تاريخ 4 يوليوز 2023.

مزاود[بدل | بدل لكود]