لسجبوت
لسجبوت (سميّة لأصلية Lsjbot) هوّا بوت لي كيصاوب لمقالات بشكل ؤطوماتيكي ختارعو سڤيركر يوهانسون. هاد لبوت قاد تقريبان نّص د لمقالات ديال ويكيپيديا ب سّويدية ؤ مابين 80 تال 99% ديال لمقالات ديال ويكيپيديا ب لكيبوانو ؤ ب لواراي.[1] لبوت كيركّز سيرتو على لكائنات لحية، ؤ تّضاريس ؤ لعناصر لجغرافية بحال لويدان، سّدود، جّبال ؤ غيرهوم. معا لمجي د عام 2014، كان قاد 2.7 مليون مقال، ب موعدّال ديال 10،000 مقال ف نّهار، ؤ من داك لوقت تال يناير 2019 كان قاد 9.5 مليون مقال ب موعدال ديال 4000 مقال ف نّهار. جوج تلات منهوم ف ويكيپيديا ب لكيبوانو، لي هيّا لّوغة د لم ديال مرات يوهانسون.
ف 15 يونيو 2013، وصلات ويكيپيديا ب سّويدية ل مليون مقال ؤ ولات تامن ويكيپيديا كاتحقق هاد لهاداف. حاليا هاد نّسخة د ويكيپيديا فايتة 2 د لملاين د لمقالات. ف 2020، لسجبوت كان كايدير غير صيانة د لمقالات ف ويكيپيديا ب لكيبوانو، بلا مايزيد مقالات جداد بشكل منهاجي كيما قبل.[2]
بزاف د وسايل لإعلام نتاقدو تّخدام د هاد لبوت، حيت داكشي لي كيكتب ماكاتكونش فيه لمسة د بنادم. جّورنال د سيدني مورنين هيرالد قارنات لخدمة د هاد لبوت معا داكشي لي دار فيل پاركر لي كيتڭال بلي نشر 85،000 كتاب مكتوبين ب بوت. يوهانسون دافع على لخدمة ديالو ب لقول بلي يلا ماتكتبوش هاد لمقالات بشكل ؤطوماتيكي، "غادي تولي ويكيپيديا فيها نحياز ل محتوى كيكتبوه رجال شباب ؤ بويض لي كيعكسو لهتيمامات غير ديال هاد لفيئة".[3]
- ↑ "Wikipedia Statistics, Bot article creations only". 31 يناير 2019. Archived from the original on 6 ماي 2021. Retrieved 24 فبراير 2022.
- ↑ Wilson, Kyle (11 فبراير 2020). "The World's Second Largest Wikipedia Is Written Almost Entirely by One Bot". Archived from the original on 6 يونيو 2023. Retrieved 8 فبراير 2021.
- ↑ "Swedish Wiki vet sets new content record". The Local. 18 يوليوز 2014. Archived from the original on 24 فبراير 2018. Retrieved 24 فبراير 2018.
 هادي زريعة ديال مقالة خاصها تّوسع. تقدر تشارك ف لكتبة ديالها. |