لحسن زينون
لحسن زينون
| ||
 | ||
| معلومات عامة | ||
| زيادة | 14 شتنبر 1944 مقاطعة الحي المحمدي | |
| لموت | 16 يناير 2024 (79 عام) الدار البيضا | |
| طريقة دلموت | موتة طبيعية | |
| سباب لموت | نزيف ف لمخ | |
| لجنسية | لمغريب | |
| لحرفة | كوريوڭرافي و مخرج د لأفلام | |
| لّوغات لي كيعرف | عربية | |
| سّيت رّسمي | http://lahcenzinoun.com | |
   | ||
لحسن زينون (مزيود ف 1944، توفى ف 16 يناير 2024) شطاح، كوريݣرافي، و موخريج مغريبي. كيتّعتابر زينون أهم كوريوݣرافي مغريبي.[1]
تّولد لحسن زينون ف لحي لمحمدي ف كازا. بّاه كان خدّام ؤڤري ف السكة د التران.[2] ف 1958، دخل ل لكونصيرڤاطوار د كازا، فين تعرّف على الشطيح لعصري. دّا زينون الجايزة اللولة ديالو ف الشطيح من لمعهد لبلدي ديال الدارلبيضا ف 1964، ولايني الطلب ديالو باش ياخد منحة باش يقرا على برا ترفضات.[3] منين بّاه كتاشف بلي لحسن كان طالب ف لكونصيرڤاطوار، جرّا عليه من الدار.
مشى زينون من بعد ل بلجيكا حيت كان باغي يخدم معا موريس بيجار، لي نصحو باش يتقيد ف لكونصيرڤاطوار د الشطيح د بروكسيل. ملي ولّا زينون نجم ف الشطيح، خدم معا كوريݣرافيين معروفين بحال پيتر فان دييك، خورخي لوفيبر، ؤندي لوكلير، هانا ڤوص، جان برابان، جانين شارا، و غيرهوم. ف 1973، رجع ل لمغريب باش يعاون ف تطوير الشطيح لعصري تماك، ولايني لمجهودات ديالو ماخداتش هتيمام. الرجوع ديالو خلاه يتصالح معا بّاه، لي عرض عليه باش يحضر ل واحد لعرس، و لحسن وصف هاد التجربة ب هاد لمقولة "شفت لواليد كيشطح، و تماك عرفت بلي تصالحنا".
ف 1978، أسس مدراسة و فرقة د لبالٖي معا مراتو ميشيل باري ب عنوان "بالٖي-مسرح زينون"، لي تخرجو منها عدد د الشطاحين منهوم ولادو بجوج. حاول باش يأسس فرقة وطنية ديال الشطيح لبلدي، ولاكين لمشروع تّرفض من عند لماليك لحسن التاني. بسباب هاد الصعوبات، تّاجه ل مجالات فنية خرة بحال الرسيم ب الزيت. من 1982، دار زينون لكوريوݣرافيا ديال أفلام مغريبية و دولية. ف 1991، رجع ل الشطيح، و أسس مدراسة جديدة لي قرّاو فيها مراتو و ولادو.[4]
من عام 2001، بدا كيدير لإخراج ديال أفلام قصيرة و طويلة.[5] ف 2003، تعيّن زينون مدير د لمهرجان د مراكش د لفنون الشعبية.[6]
| لعام | لعنوان | الدور | نوطات | |
|---|---|---|---|---|
| موخريج | كوريݣرافي | |||
| 1982 | Les beaux jours de Shéhérazade | لا | آه | إخراج ديال مصطفى الدرقاوي |
| 1988 | The Last Temptation of Christ | لا | آه | إخراج ديال مارتين صكورسيز |
| 1990 | The Sheltering Sky | لا | آه | إخراج ديال بيرناردو بيرطولوتشي |
| 1995 | Joseph | لا | آه | إخراج ديال روجر يانݣ |
| 1996 | L'ombre du pharaon | لا | آه | إخراج ديال سهيل بنبركة |
| 1998 | Femmes... et femmes | لا | آه | إخراج ديال سعد الشرايبي |
| 2001 | الصمت | آه | لا | فيلم قصير |
| 2002 | Piano | آه | لا | فيلم قصير |
| 2003 | Faux pas | آه | لا | فيلم قصير |
| 2007 | عود لورد la beauté éparpillée | آه | لا | فيلم طويل
سيناريو هشام لعسري و فاطمة لوكيلي |
| 2011 | Femme écrite | آه | لا | فيلم طويل |
- 11 شتنبر 2003:
وسام ليوپولض من درجة فارس[8]
- 1 2 "لحسن زينون الفنان الرائد جدد الرقص المغربي عالميا". اندبندنت عربية (ب لعربية). 2024-01-17. مأرشيڤي من لأصل ف 2024-01-18. تطّالع عليه ب تاريخ 2024-01-24.
- ↑ Meillon، Hervé (11 غشت 2007). "Lahcen Zinoun, danseur". La Dernière Heure.
- ↑ Orlando، Valérie K. (5 ماي 2011). Screening Morocco: Contemporary Film in a Changing Society (ب نڭليزية). Ohio University Press. ص. 105. ردمك 978-0-89680-478-4.
- ↑ Orlando، Valérie K. (5 ماي 2011). Screening Morocco: Contemporary Film in a Changing Society (ب نڭليزية). Ohio University Press. ص. 106. ردمك 978-0-89680-478-4.
- ↑ "عود الورد في مهرجان أفلام الحب". مأرشيڤي من لأصل ف 19 نونبر 2018.
- ↑ Howe، Marvine (2005). Morocco: The Islamist Awakening and Other Challenges (ب نڭليزية). Oxford University Press, USA. ص. 193. ردمك 978-0-19-516963-8.
- ↑ "Décès du chorégraphe et cinéaste marocain Lahcen Zinoun". La Quotidienne. 16 يناير 2024. تطّالع عليه ب تاريخ 16 يناير 2024.
- ↑ Alizart، Jocelyn. "Lahcen Zinoun". Ballets Wallonie Archives. تطّالع عليه ب تاريخ 17 ماي 2020.