لحبس د أݣدز

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

لحبس د أݣدز كان معتقل سرّي ف لمغريب تخدّم ما بين 1976 و 1983 باش يتحبسو ويتعدبو فيه معتقلين ومخطوفين من بزاف د التنضيمات. التقديرات تا تقول بلي تحبسو فيه ما بين 380 و 400 واحد، منهم بزاف (تقريبا 32) اللي ماتو وتدفنو تمّا بلا ما اتّعلم لعائلات ديالهم، ولا تدار ليهم شهادة د لموت.

من بين الناس لي تحبسو ف أݣدز كانو لمجموعات اللي عندهم علاقة بلأحدات ديال 1973، و مجموعات ديال الصحراويين لي كانو مع لپوليزاريو.

التاريخ ديالو

كانت لبلاصة اللي كان فيها لحبس قصبة تبنات ف 1948 ف وقت لباشا لݣلاوي ف وسط الدوار د أݣدز، ف لجنوب الشرقي د لمغريب. ف لول د السبعينيات، و من مورا بزاف د لمشاكل السياسية لي وقعات ف لبلاد، ولاّت لقصبة حبس حيت جات ف بلاصة بعيدة و معزولة و ما تاتوصلش خبارها للعالم. كانت الطريق ليها مسدودة، و الناس اللي كانو ساكنين حداها ما كانش عندهم لحق يطلعو للسطوحا ديال ديورهم.