لحبس د أݣدز

من ويكيپيديا
Ambox important.svg مقالة مقطوعة من شجرة. هاد لمقالة مقطوعة من شجرة، ما كاتوصل ليها تا شي مقالة خرة ف لموسوعة، حاول تزيد ليانات ديالها ف مقالات خرين.

لحبس د أݣدز كان معتقل سرّي ف لمغريب تخدّم ما بين 1976 و 1983 باش يتحبسو ويتعدبو فيه معتقلين ومخطوفين من بزاف د التنضيمات. التقديرات تا تقول بلي تحبسو فيه ما بين 380 و 400 واحد، منهم بزاف (تقريبا 32) اللي ماتو وتدفنو تمّا بلا ما اتّعلم لعائلات ديالهم، ولا تدار ليهم شهادة د لموت.

من بين الناس لي تحبسو ف أݣدز كانو لمجموعات اللي عندهم علاقة بلأحدات ديال 1973، و مجموعات ديال الصحراويين لي كانو مع لپوليزاريو.[1]

التاريخ ديالو[بدل | بدل لكود]

كانت لبلاصة اللي كان فيها لحبس قصبة تبنات ف 1948 ف وقت لباشا لݣلاوي ف وسط الدوار د أݣدز، ف لجنوب الشرقي د لمغريب. ف لول د السبعينيات، و من مورا بزاف د لمشاكل السياسية لي وقعات ف لبلاد، ولاّت لقصبة حبس حيت جات ف بلاصة بعيدة و معزولة و ما تاتوصلش خبارها للعالم. كانت الطريق ليها مسدودة، و الناس اللي كانو ساكنين حداها ما كانش عندهم لحق يطلعو للسطوحا ديال ديورهم.[2]

عيون لكلام[بدل | بدل لكود]

  1. ^ أم العيد, ميمون (25 فبراير 2013). "مُعتقل أكذز: معتقل "سـرّيّ" وسط "مُعتَقل علنــيّ"." هيسپريس (ب لعربية). تطّالع عليه ب تاريخ 2022-01-16.
  2. ^ أهمان, سعيد (21 أبريل 2012). "أكدز... شهادات المعتقل السري ومعاناة الساكنة (+ صور)". لكم.كوم (ب لعربية). تطّالع عليه ب تاريخ 2022-01-16.