كوض سورس
لكوض سورس ولا لكود لمصدري ف لانفورماتيك هيا أي مجموعة من لكوضات لي تكتبو ب تخدام لونݣاج كيفهمو بنادم، و يقدر يتضمن تعليقات، و هادشي ف موعضام لوقت على شكل نص خالص.[1]
لكوض سورس ديال شي برنامج كيكون مصاوب سيرتو ل تسهيل لخدمة ديال لموبرمجين، لي بدورهم كيحددو لپروصيات لي خاص يديرهم لورديناتور على طريق كتابة لكوض سورس (غالبا).
بزاف د مرات كيتم تحويل لكوض سورس ل لونݣاج د لماكينة جاوجي (زيروّات ؤ واحدات) يمكن ليه يتنفد ب لورديناتور، و هادشي على طريق كومپيلاتور ولا أنتيرپريتور، و هاد لّونݣاج د لماكينة يمكن ليه يتخزن باش يتم تّنفيد ديالو ف شي وقت آخر. بلاصت هاد طّريقة، يمكن أيضا تأويل لكوض سورس و ب تّالي تنفيدو ديك الساعة.
موعضام لپروڭرامات و أپليكاسونات كيتم توزيعها ب واحد الشكل باش تشمل غير لفيشيات التنفيدية. يلا تم إدراج لكوض سورس غادي يكون هادشي مفيد ل لخدايمي، ل لپروݣرامور و ل لأدمين د سّيستيم ف حالة أي واحد فيهوم يلا كان باغي يدرس ولا يعدل لپروݣرام.
- ^ a b "Programming in C: A Tutorial" (PDF). مأرشيڤي من لأصل (PDF) ف 23 فبراير 2015.
|
تقدر تزيد شوف بزاف د تّصاور و لمعلومات ديال Source code ف ويكيميديا كومنز. |