كمال الودغيري
كمال الودغيري
| ||
.jpg) | ||
| معلومات عامة | ||
| زيادة | 1968 (57/58 عام) فاس | |
| لجنسية | لمغريب | |
| لحرفة | موهنديس و مهندس اتصالات | |
| لّوغات لي كيعرف | لفرانساوية، عربية و نڭليزية | |
| لجوايز | ||
    | ||
كمال الودغيري (تزاد عام 1968 ف فاس) هو موهنديس تيصالات، عالم و باحت مغريبي خدام ف وكالة لفضاء لميريكانية نازا[1]، أصلو من مدينة فيݣيݣ، كان هو لمسؤول على لهبوط ديال جوج مركبات، (سپيريت Spirit و أوپورتيونيتي Opportunity) على سطح د لمريخ، و شارك ف عملية إنزال لّابو د علوم لمريخ Mars Science Laboratory، و تكلف حتا ب لمهمة ديال تتبع لإشارات لي كايصدرها الروبو كيريوسيتي Curiosity فوق سّطح د لمريخ.[1]
تزاد كمال الودغيري ف مدينة فاس عام 1968، بقا فيها حتى ولات عندو 10 سنين عاد رحل مع عائلتو لدار لبيضا و تما فين بقا حتى خدا لباك، و من بعد غايمشي يكمل قرايتو ف لوس أنجيليس ف ميريكان.[2] كان كمال كيعجبو داكشي ديال لفضاء من صغرو، ملي كان كايمشي معا عائلتو ل لبحر ف لمحمدية كان كايبقا متكي ليل كلو كايشوف ف سما. من بعد ما سافر ل ميريكان كمل قرايتو ف جاميعة كاليفورنيا لجانوبية، تخرج منها ب ديپلوم موهنديس د تيصالات لفضائية.[2]
من بعد ما خدا ديپلوم ديالو ف وسط تسعينات، دفع كمال ل لكونكور د نازا لي كان فيه 1000 مترشح غايتهزو منهوم 3 ولا 4،[2] كمال كان عندو زّهر حيت ف لمتيحان تحط ليهوم موضوع لي كان ديجا خادمو و قدر ينجح هو و 30 وحدين أخرين باش يدوزو متيحان شفوي. ف هاد لمتيحان شّفوي سولوه علاش بغيتي تخدم ف نازا، و جاوبهوم بلي قطع لبحر على قبل هاد لهدف و لي عاونو بزاف هو بلي كان كايخدم بزاف معا لفراقي لعلمية ف لجاميعة و حتى من بعد ما خدا ديپلوم.[2]
كمال الودغيري مشارك ف بزاف د لمشاريع معا نازا، ؤ عندو عاداد د لأبحات لعلمية لمنشورة.[3] لأبحات ديالو كاتركّز على لمزايا ديال الجو د لكواكب و الصيونص د الجابدية.[4]
هوّ دابا رئيس لپروجي د اللابو د الدرة لباردة Cold Atom Lab، ؤ لمشرف على لپروجي د الصيونص د الرادار و الراديو د لكواكب Planetary Radar & Radio Sciences، لي بجوج تابعين ل لابوراطوار د دّفيع تّفاعولي.[4]
كمال لودغيري شارك ف عاداد كبير د لمهام معا نّازا، من بينها:[5]
- لابوراطوار د دّفيع تّفاعولي Jet Propulsion Laboratory
- پيرسيڤيرينس Perseverence
- سپيريت Spirit
- ؤپورتيونيتي Oppoortunity
- كيريوسيتي Curiosity
- إنسايت لاندر InSight Lander
- لوربيتور ديال لستيكشاف د لمريخ The Mars Reconnaissance Orbiter
- ميڤن MAVEN
- مارس كيوب وان Mars Cube One
- 1 2 "Kamal Oudrhiri, a Moroccan in charge of Monitoring NASA's Mission to Mars" (ب الإنجليزية). 6 غشت 2012. Archived from the original on 13 أبريل 2021.
- 1 2 3 4 "Kamal Oudghiri، ingénieur en radiocommunications : Un marocain à la NASA" (ب الفرنسية). 4 نونبر 2019. Archived from the original on 6 يوليوز 2022.
- ↑ "IEEE, Kamal Oudrhiri". مؤسسة د لموهنديسين د تّريسينتي ؤ ليليكطرونيك (ب الإنجليزية). Archived from the original on 19 أكتوبر 2021.
- 1 2 "Kamal Oudrhiri Project Manager". Archived from the original on 20 مارس 2023. Retrieved 2023-09-19.
- ↑ "Kamal Oudrhiri, About me". نازا (ب الإنجليزية). Archived from the original on 2022-05-23. Retrieved 2021-10-18.
- ↑ "S.M. le Roi préside à Rabat une réception à l'occasion de la fête du Trône". lematin.ma (ب الفرنسية). 30 يوليوز 2012. Archived from the original on 22 أكتوبر 2021.
- ↑ "Keynote speakers". desummit2018.org (ب الإنجليزية). 2018. Archived from the original on 2021-10-21. Retrieved 2021-10-21.
- ↑ Yahia Hatim (1 نونبر 2019). "Moroccan Scientist Kamal Oudrhiri Wins NASA Exceptional Service Medal". moroccoworldnews.com (ب الإنجليزية). Archived from the original on 15 أكتوبر 2022.