كمال الودغيري

كمال الودغيري
معلومات عامة
زيادة	1968 (51/52 عام) فاس
لجنسية	لمغريب
لميهنة	مهنديس

كمال الودغيري ( تزاد عام 1968 ف فاس) هو موهنديس تيصالات، عالم و باحت مغريبي خدام ف وكالة لفضاء لميريكانية نازا،أصلو من مدينة فيڭيڭ، كان هو لمسؤول على لهبوط ديال جوج مركبات، سبيريت spirit و أوبورتيونيتي opportunity على سطح د لمريخ، و شارك ف عملية إنزال مختبر علوم لمريخ Mars Science Laboratory، و تكلف حتا ب لمهمة ديال تتبع لإشارات لي كايصدرها الروبو كيريوزيتي curiosity فوق سطح د لمريخ.

حياتو

صغرو و قرايتو

تزاد كمال الودغيري ف مدينة فاس عام 1968، بقا فيها حتى ولات عندو 10 سنين عاد رحل مع عائلتو لدار لبيضا و تما فين بقا حتى خدا لباك، و من بعد غايمشي يكمل قرايتو ف لوس أنجليس ف ميريكان. كان كمال كيعجبو داكشي ديال لفضاء من صغرو، ملي كان كايمشي مع عائلتو لبحر ف لمحمدية كان كايبقا متكي ليل كلو كايشوف ف سما. من بعد ما سافر لميريكان كمل قرايتو ف جاميعة كاليفورنيا لجنوبية، تخرج منها ب ديپلوم موهنديس د تيصالات لفضائية.

لكاريير ديالو و قبولو ف نازا

من بعد ما خدا ديپلوم ديالو ف وسط تسعينات، دفع كمال لكونكور د نازا لي كان فيه 1000 مترشح غايتهزو منهوم 3 ولا 4، كمال كان عندو زهر حيت ف لمتيحان تحط ليهوم موضوع لي كان ديجا خادمو و قدر ينجح هو و 30 وحدين أخرين باش يدوزو متيحان شفوي، و فهاد لمتيحان شفوي سولوه علاش بغيتي تخدم ف نازا و جاوبهوم بلي قطع لبحر على قبل هاد لهدف و لي عاونو بزاف هو أنه كان كايخدم بزاف معا لفراقي لعلمية ف لجاميعة و حتى من بعد ما خدا ديپلوم.

لمشاريع لي شارك فيهوم

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

شوف تا

• أسماء بوجيبار