كريپطون

سمع (فيشي)
من ويكيپيديا
(تحولات من كريپتون)


كريپطون
لجدوال الدوري
الرمز Kr
النمرة الدرية 36
قبل منّو عنصر كيماوي (بروم)
بعد منّو عنصر كيماوي (روبيديوم)
ليحداتيات فلجدوال عناصر الدورة الرابعة و غاز نبيل
ليكتيشاف
اللي كتاشفو سير ويليام رامزي
فين تكتاشف نڭليز
إيمتا تكتاشف 1898
تسمّى على إخفاء
لبيانات لمعبورة
لكتلة 83.798 Da
شكل ليليكترونات 1s² 2s² 2p⁶ 3s² 3p⁶ 3d¹⁰ 4s² 4p⁶
لخاصيات ماعندوش لون، ماعندوش مداق و ماعندوش ريحة
لكهروسيلبية 3


لكريپطوننّݣليزية: Krypton من لْيونانية κρυπτός كريپطوص ب معنى "مْخفي") هوّا عنصر كيماوي أساسي، رّمز ديالو هوّا Kr ؤ نمرة درية ديالو 36[1] ف طّابلو دّوري، هاد لعنصر مستّف ف سّطر (دّورة) 4 ؤ لعمود (لمجموعة) 18. هاد لعنصر داخل ف لݣروپ ديال لغازات النبيلة . ف ضروف لمعيارية د ضغط ؤ لحرارة، هاد لعنصر كايكون ف لحالة د غاز ماعندوش لون ؤلا ريحة، ؤ ماكيتفاعل معا حتا شي حاجة خرة من غير عنصر لْفليور ف حالات ستتنائية باش كيعطيو تاني فلوريد لكريپطون KrF2. هاد لعنصر كتاشفوه جوج عولاما هوما سير ويليام رامزي ؤ موريس تراڤرس ف 30 ماي 1898.[2]

تّاريخ[بدل | بدل لكود]

سير ويليام رامزي ؤ موريس ويليام تراڤرس، من بعد ما كتاشفو لارݣون، ب ليستيخراج ديالو من لهْوا، كانو متأكدين أن هاد لغاز ما هوّا غير واحد من مجموعة جديدة ديال لعناصر ف لجدول دّوري. فَ قررو أنهم يكملو عملية د تّسييل ؤ تّبخير، باش يلقاو شي عنصر عندو كتلة درية كبر. ف 30 ماي 1898 صدقات ليهم لْقضية ؤ قدرو يعزلو 25 سنتيميتر مكعب ديال لكريپطون. ملي دارو لفحص ب سپيكتروميتر، ؤ شافو طّيف دّري ديال هاد لغاز، عرفو أنه عنصر كيماوي جديد.[2]

لخاصيات[بدل | بدل لكود]

لْخاصيات لْخارجية[بدل | بدل لكود]

لكريپطون كيكون علا شكل غاز ف درجة لحرارة لْعادية، ؤ ماعندوش لون ؤلا ريحة. كيولي سايل ف 153.415- درجة سيلسيوس، ؤ كيتجمد ف 157.37- درجة سيلسيوس.

لخاصيات لفيزيكية[بدل | بدل لكود]

لخاصيات لفيزيكية ديال لكريپطون-84، لّي هوّا أكتر نضير د لكريپطون متوفر ف طّبيعة هيّا كتّالي:

تطبيقات عملية[بدل | بدل لكود]

لكريپطون كيتستعمل ف لْبولات لفلورية لّي كتحفض طّاقة، ؤ ف لْبولات د لْفلاش ديال لْكاميرات ديال تّصوير سّريع. لْمُركّب لكيماوي لّي ناتج عليه، تاني فلوريد لْكريپطون، كليتستعمل ف لإنتاج ديال بعض نّواع ديال لّيزر.

لكريپطون لْمُشِع تستعمل ف لْحرب لْباردة من طرف دّول لْغربية باش يقدّرو لإنتاج ديال طّاقة نّووية ديال لْتّحاد سّوڤياتي. حيت هاد لغاز كيتنتج ف تّفاعلات لكيماوية كولها، حسبو لكمية لّي كاينة ف لْجو، نقصو منها لكمية لّي معروف راها جاية من لْمفاعلات لْغربية، ؤ داكشي لّي بقا ستنتجو منو شحال ديال طّاقة لّي نتجاتها دّول ديال لْتّحاد سّوڤياتي.

من 1960 حتال 1983 كانو لعولاما كيستعملو نّضير كريپطون-86 باش يبنيو تّعريف ديال طّول ف لفيزيك. ميترو واحد كان تّعريف ديالو هوّا ب تّحديد 1650763.73 طول موجي ف طيف دّري ديال هاد نّضير. ف 1983 غادي يولّي تّعريف ديال لميترو معتامد علا سّرعة ديال ضّو ف لْفراغ.

لكريپطون ماعندوش شي دور بيولوجي معروف، ؤ نّسبة ديالو ف لْجو ديال لْأرض قليلة بزاف كتقدّر ب واحد ف لْمليون. باش يتستخرج كيتم تّبريد ديال لْهوا حتا كيولي سايل، ؤ من بعد كتّم عملية ديال تّقطير.[2]

إيزوطوپات[بدل | بدل لكود]

لإيزوطوپات ؤلا نضاير ديال لكريپطون كاين منهم لكريپطون-78 لّي نص لحياة ديالو فايتة 1.5 ألف مليار مليار عام. ؤ كاينين إيزوطوپات خرين بحال لكريپطون 79، 80، 81، 82، 83، 84، 85، ؤ 86.[2][3][4][5]

لإيزوطوپات ديال لكريپطون
سمية د لإيزوطوپ لكتلة دّرية (ݣرام/مول) نّسبة ف طّبيعة (%) نص لحياة
كريپطون-78 77.920 0.355 1.5 ألف مليار مليار عام
كريپطون-79 78.920 0 35 ساعة
كريپطون-80 79.916 2.286
كريپطون-81 80.916 0 210000 عام
كريپطون-82 81.913 11.593
كريپطون-83 82.914 11.5
كريپطون-84 83.911 56.987
كريپطون-85 84.912 0 11 عام
كريپطون-86 85.911 17.279

عيون لكلام[بدل | بدل لكود]

  1. ^ "لمعلومات لكاملة ديال لعناصر د طّابلو دّوري". مأرشيڤي من لأصل ف 2023-04-19. تطّالع عليه ب تاريخ 2020-10-09.
  2. ^ a b c d "لْجمعية لْملكية ديال شّيمي Royal Society of Chemistry، طّابلو دّوري، كريپطون" (ب نّݣليزية). مأرشيڤي من لأصل ف 2023-06-14. تطّالع عليه ب تاريخ 2020-10-18.CS1 maint: unrecognized language (link)
  3. ^ a b "لموسوعة لبريطانية". مأرشيڤي من لأصل ف 2023-04-22. تطّالع عليه ب تاريخ 2020-10-18.
  4. ^ "لمكتبة لوطنية ديال طّب National Library of Medicine". مأرشيڤي من لأصل ف 2022-12-08. تطّالع عليه ب تاريخ 2020-10-18.
  5. ^ "لجدول دّوري، كريپطون-79". مأرشيڤي من لأصل ف 2021-05-15. تطّالع عليه ب تاريخ 2020-10-18.
Wikimedia Commons تقدر تزيد شوف بزاف د تّصاور و لمعلومات ديال Krypton ف ويكيميديا كومنز.