قيسارية:لأديان
| |||||||||
 دين هوا مصطلح تيعني الإيمان،ليتايتعرف بلي هو الإعتقاد بشيحاجا فوق الطبيعة، المقدس والإلاهي وتيرتابط بالأخلاق بشكل كبير، وحتا بالممارسات والمؤسسات ليلاسقا معا الإيعتيقاد، وبالمفهوم العام عرفوه شي وحدين بلي هو المجموع العام تاع الإجابات ليتاتفسر علاقة بنادم بالكون.
|
|
|
|
محمد، سميتو لكاملة هي أبو القاسم محمد بن عبد الله بن عبد المطلب، هو زعيم ديني سياسي وعسكري جا من قبيلة قريش.وكايعتابروه لمسلمين هو نّبي لخر ولوحيد ديال لإسلام و مجدد لإسلام لأصلي عقيدة التوحيد لي نزلها الله على لأنبياء بحال ادم، إبراهيم، عيسى، بزاف، وكيتعتابروه لمسلمين لخر و اعظم لأنبياء على حساب ما جا فتٌّراث لسلامي، محمد تزاد ف مكة مابين 570م و مات ف لمدينة ف632م. عادة تينطقو لمسلمين لعبارة د "صلى الله عليه وسلم" مورا ماتيقولو سميًتو. الطابع د النبي محمد اللي كان تيختم بيه لبريًات ديالو اللي تيسيفطهم للملوك. وقال عليه لكاتب ليهودي مايكل هارت: «الإنسان الوحيد في التاريخ الذي نجح نجاحًا مطلقًا على المستوى الديني والدنيوي» كان الاب ديالو ميت قبل مايتزاد، وماتت مو وهو صغير بزاف. ربَاهْ جدو عبد المطلب، و من بعد عمو أبي طالب. ماعمرو مامشا للمدرسة وماكانش تيعرف يقرا ويكتب. بدا يخدم صغير بزاف. فاللول خدم سرًاح ومن بعد داز للبيع و الشرا. كان معقول فخدمتو، وملًي دار 25 عام تزوج مع واحد السيدة كانت مخدمتها خديجة. محمد مات فعام 632 وكان فعمرو 61 عام, وخلًا لعرب مجموعين وموحًدين وكمًلو موراه النشر ديال لإسلام اللي وصل تال الأندلس فلغرب والشينوا فالشرق.
|
بدا لإسلام فلقرن 7 ميلادي ف مكة، و معا لقرن 8 ميلادي، لخلافة لأموية توسعات من إيبيريا ولا لأندلس فلغرب تال واد السند فشّرق. لعصر ذّهبي د لإسلام كايشير لواحد لحقبة لي تقليديا كاتبدا من لقرن 8 ل لقرن 13 ميلادي، فلوقيتة د لخلافة لعبّاسية، منين كان لأغلبية د لعالم لي تاريخيا كان إسلامي كان كايعيش زدهار علمي و قتصادي و تقافي. لإسلام عنده خمسة د لأركان؛ و اللي هوما: الشهادة و الصلا و الزكا و صيام رمضان و الحج (يلا كانت عند لواحد الصحة و لفلوس ليه). و كينقاسم ل جوج مداهب كبيرة تحاربات بيناتها لي هي لمدهب سّني ومدهب شّيعي. ؤ سّنيين كيمتلو 90٪ من لمسلمين، وكاين مداهب صغيرة ف كل واحد من هاد جوج مداهب.
القرآن ولّا القرَان، اللي كيتسما تا القرآن الكريم، هو الكتاب المقدًس فالدين د الإسلام. بالنسبة ل لمسلمين، لقرآن هو لكلام ديال الله لي نزل على الرسول محمد صلى الله عليه و سلّم، و لي فرقو على الناس كاملين. ف لإسلام تيتعتابر لقرآن هو آخر كتاب سماوي مورا الصحف د براهيم والزابور والتوارة و لإنجيل. تيآمنو لمسلمين ب لي لقرآن معجزة ديال النبي محمد صلى الله عليه و سلّم حيت تيتحدا ݣاع الناس باش يجيبو شي حاجة بحالو من الناحية د لبلاغة ولفصاحة. لقرآن هو أقدم كتاب مكتوب بالعربية، وتيتعتابر هو الساس د القواعد د العربية و البلاغة ديالها. فيه 114 سورة مقسومة ما بين مكية يعني نزلو ف مكة ومدنية يعني نزلو ف لمدينة لمنورة هاد جوج مدون لي موجودين دروك ف سعودية. بقا لوحي د لقرآن 23 عام كان النبي محمد تيعاود فيها كل شوية على لآيات الجداد. تجمع لقرآن مورا ما مات النبي من الصحابة اللي كانوا تابعينو، وهوما اللي نضمو الترتيب والسميات د لآيات اللي كانعرفو دابا.
|
|
|
لعيد لكبير ؤلا عيد لأضحى هوّا حتيفال كيجي ف 10 دو لحجة ف تّقويم لإسلامي، ؤ ف لإطار ديالو كيدبحو لمسلمين حيوان (ف لعادة حولي ؤلا ماعز)، كا قربان ل الله. لعيد لكبير هوّا واحد من جوج حتيفالات رئيسية عند لمسلمين، لاخور هوّا لعيد صّغير. لأصل د هاد لعيد، على حساب تّرات لإسلامي، هوّا لمحاولة ديال نّبي إبراهيم باش يدبح ولدو إسماعيل ب أمر من الله، لي تسالات فاش الله نزّل على إبراهيم كبش باش يفديه بلاصت ولدو. لعيد لكبير كيدخل تا ف طّقوس ديال لحج ل مكة.
|
|
|
|
|
|
|
|
|